يىقىندىن بۇيان ئالما شىركىتىنىڭ كىچىك ئېكرانلىق ئايفوننى قايتا ئوتتۇرىغا چىقارماقچى بولغانلىقىغا ئائىت خەۋەرلەر كۆپ تارقىلىۋاتىدۇ، چەتئەلدىكى مەخسۇس ئۇچۇر ئاشكارىلاش بىلەن تونۇلغان Micgadget تور بېكىتى بۈگۈن ئۇچۇر بېرىپ، ئۇلارنىڭ فۇشىكاڭ زاۋۇتىدىكى «يىپ ئۇچى تەمىنلىگۈچى» لىرىنىڭ كېلەر ھەپتە تۆت دىيۇملۇق يېڭى ئايفوننىڭ ھەقىقىي سۈرىتىنى تەمىنلەيدىغانلىقىنى ئېيتقانلىقىنى جاكارلىغان، ئەگەر بۇ ئۇچۇر راست بولسا، ئۇنداقتا بۇ تۆت دىيۇملۇق يېڭى ئايفوننىڭ تۇنجى قېتىم ئاشكارىلىنىشى بولۇپ قالىدىكەن. بۇ خىل يېڭى ئايفوننىڭ ئىسمى بەلكىم iPhone 7c بولۇشى مۇمكىن، ئىلگىرى بۇ ھەقتە تارقالغان خەۋەرلەرگە قارىغاندا، ئۇنىڭ سەپلىمىسى ئانچە يۇقىرى بولۇپ كەتمەيدىكەن.

        ياپونىيە تاراتقۇسى Macotakara مۇ يىقىندا تۆت دىيۇملۇق ئېكران سەپلىنىدىغان يېڭى ئايفونغا ئائىت خەۋەر ئېلان قىلغان. خەۋەردە بۇ ئايفوننىڭ A8 تىپلىق بىر تەرەپ قىلغۇچ، 2GBلىق ئىچكى ساقلىغۇچ، f/2.2 ئوپتىك چەمبىرىكى ئىشلىتىلگەن FaceTime HD كامېراسى، كۆك چىش 4.1، سىمسىز تور ۋە 802.11ac تور ئۇلىنىش قاتارلىق سەپلىمىلەرگە ئىگە بولىدىغانلىقى، ئومومىي جەھەتتىن iPhone 5s دىن ئۈستۈن تۇرىدىغانلىقى، لايىھە ئۇسلۇبىنىڭ iPhone 5s بىلەن ئوخشىشىپ قالىدىغانلىقى قاتارلىقلارنى ئوتتۇرىغا قويغان.

يەنە بىر تۈرلۈك ئۇچۇردا دېيىلىشىچە، تۆت دىيۇملۇق يېڭى ئايفون يەنى ئاتالمىش iPhone 7c كېلەر يىلى باھاردا رەسمىي ئېلان قىلىنىدىغان بولۇپ، باھاسى 3500 يۈەن ئەتراپىدا بولىدىكەن. ئەمما چوڭ ئېكرانلىق ئايفون ئىشلىتىپ كۆنۈپ قالغانلار قايتىدىن كىچىك ئېكرانلىق ئايفوننى تاللامدۇ-يوق بۇنىڭغا بىر نېمە دېمەك تەس.