ئامرىكىدا چىقىدىغان« ۋال سېرت كوچىسى گېزىتى» نىڭ تۇنۈگۈنكى خەۋىرىگە قارىغاندا، رۇسىيە تۇنجى قېتىم ئۆز دۆلىتىنىڭ ئېلېكتىرونلۇق ھەق تۆلەش سېستىمىسىنى ئېلان قىلغان، بۇ ھەرىكەت رۇسىيىنىڭ پۇل-مۇئامىلە جەھەتتىكى مۇستەقىللىقىنى ئۆستۈرۈپ، Visa ۋە MasterCar قاتارلىقلار بىلەن رىقابەتلىشىشكە پايدىلىق ئىكەن. بۇ قېتىم تارقىتىلغان بانكا كارتىلىرى «Mir» ماركىلىق بولۇپ، رۇس تىلىدا «تىنچلىق» ياكى «دۇنيا» دىگەندەك مەنىلەرنى بىلدۈرىدىكەن. بۇ رۇسىيەنىڭ غەرب دۆلەتلىرىنىڭ ئىمبارگوسىغا قارىتا قايتۇرغان يەنە بىر ئىنكاسى بولۇپ ھېسابلىنىدىكەن، غەرپ دۆلەتلىرىنىڭ ئىمبارگوسى 2014-يىلى 3- ئايدا بىر قىسىم رۇسىيە ھەق تۆلەش سېستىمىسلىرىنىڭ ئۈزۈلۈپ قېلىشىنى كەلتۈرۈپ چىقارغان. رۇسىيە كۆپ يىللاردىن بېرى ئۆزىنىڭ مۇستەقىل ھەق تۆلەش سېستىمىسىنى  قۇرۇپ چىقىشنى ئويلاپ كەلگەن.

        رۇسىيە مەركىزى بانكىسى ۋە دۆلەتلىك ھەق تۆلەش سېستىمىسى (National Payment Card System) مۇشۇ ئاينىڭ 15-كۈنى  يېڭى ھەق تۆلەش كارتىلىرىنى ئوتتۇرىغا چىقارغان بولۇپ، بۇ ھەرىكەت رۇسىيىنىڭ پۇل-مۇئامىلە جەھەتتىكى مۇستەقىللىقىنى كۈچەيتىدۇ دەپ قارالغان. Bank Rossiya、SMP Bank ۋەRNKB Bank  قاتارلىق بانكىلار تۇنجى بولۇپ بۇ خىل سۇلىياۋ كارتىنى تارقاتقان، بۇ بىر نەچچە بانكا غەرپ دۆلەتلىرىنىڭ ئىمبارگو يۈرگۈزۈش تىزىمكىدىكى بانكىلاردۇر. رۇسىيىنىڭ ئەڭ چوڭ ئىككى بانكىسى-رۇسىيە ئامانەت بانكىسى ۋە رۇسىيە تاشقى سودا بانكىسىمۇ بۇ ھەق تۆلەش سېستىمىسىغا قوشۇلغان.