خەلق تورى خەۋىرى لەگلەك تورى تەرجىمىسى .بىرلەشكەن دۆلەتلەر تەشكىلاتى تەرەققىيات، پىلان مەھكىمىسى ئەڭ يېڭى ئېلان قىلغان بىر دوكلاتتا كۆرسىتىلىشچە، جاھاندىكى ئەڭ باي %1 كىشىنىڭ مۈلكى ئىنسانلارنىڭ ئومۇمىي مۈلكىنىڭ %40 تىگە يېقىنراق سالمىقىنى ئىگىلەيدىكەن، ھالبۇكى ئەڭ نامرات %50 كىشىنىڭ مەلكى بولسا، ئىنسانلارنىڭ ئومۇمىي مۈلكىنىڭ ئاران %1 تىنى ئىگىلەيدىكەن. دوكلاتتا كۆرسىتىلىشچە، ئەگەر تەدبىر قوللىنىلمايدىغان بولسا، بۇ غايەت زور باي- گادايلىق پەرقى ئىنسانلارنىڭ ئىقتىسادىي، ئىجتىمائىي تەرەققىياتى ۋە ئۇزاق مۇددەتلىك تىنچلىق ئاساسىنى بەربات قىلىۋېتىدىكەن.
بىرلەشكەن دۆلەتلەر تەشكىلاتى تەرەققىيات، پىلان مەھكىمىسى بۇ يىل 1- ئاينىڭ 29- كۈنى ئېلان قىلغان «بۆلۈنگەن ئىنسانىيەت: تەرەققىي قىلىۋاتقان دۆلەتلەردىكى تەڭسىزلىككە بىۋاسىتە يۈزلىنىش» ناملىق بۇ دوكلاتتا كۆرسىتىلىشچە، 1990- يىلىدىن 2010- يىلىغىچە، تەرەققىي قىلىۋاتقان دۆلەتلەردىكى تەڭسىزلىك %11 ئاشقان؛ 1990- يىلىغا سېلىشتۇرغاندا، تەرەققىي قىلىۋاتقان دۆلەتلەردىكى تەخمىنەن تۆتتىن ئۈچ قىسىم نوپۇس كىرىم پەرقى تېخىمۇ چوڭ بولغان مۇھىم ئىچىدە ياشىغان.
ئۇنىڭدىن باشقا، تەڭپۇڭسىزلىق كىرىمدىن باشقا يەنە جىنس، شەھەر- يېزا، ئىشقا ئورۇنلىشىش قاتارلىق باشقا نۇرغۇن جەھەتلەردە ئەكس ئەتتى. مەسىلەن، تەرەققىي قىلىۋاتقان نۇرغۇن دۆلەتلەردىكى تۇغۇتلۇق ئاياللارنىڭ ئۆلۈش نىسبىتى ئومۇميۈزلۈك تۆۋەنلەۋاتقان ئەھۋالدا، يېزىلاردىكى تۇغۇتلۇق ئاياللارنىڭ ئۆلۈش نىسبىتى شەھەردىكىدىن ئۈچ ھەسسە ئارتۇق چىقتى؛ بەش ياشتىن ئىلگىرى چاچراپ كەتكەن بالىلار ئىچىدە ئەڭ نامرات %20 ئائىلىنىڭ سانى ئادەتتىكى ئائىلىلەرگە سېلىشتۇرغاندا ئۈچ ھەسسە كۆپ بولدى.
دوكلاتتا كۆرسىتىلىشچە، زور تەڭپۇڭسىزلىق ئىقتىسادىي تەرەققىياتقا توسالغۇ بولۇپ، دېموكراتىك تۇرمۇشنى ئاجىزلاشتۇرۇپلا قالماستىن، يەنە جەمئىيەتتىكى ئۇيۇشۇش كۈچىگىمۇ بۇزغۇنچىلىق پەيدا قىلىدىكەن. گەرچە قايتا تەقسىملەش تەڭپۇڭسىزلىقنى ئازايتىشتا ئىنتايىن مۇھىم رول ئوينىسىمۇ، ئەمما ھەر قايسى دۆلەتلەر يەنىلا تېخىمۇ كەڭ قورساق بولغان ئەندىزە ـــ نامرات نوپۇس بىلەن تۆۋەن كىرىملىك ئائىلىلەرنىڭ كىرىم سەۋىيەسىنى ئۆستۈرۈش ئارقىلىق، تەڭپۇڭسىزلىق ھادىسىسىنى داۋاملىق ئازايتىشتۇر، بۇ نۇقتا 2015- يىلىدىن كېيىنكى تەرەققىيات قارالمىلىرىنىڭ مۇھىم ھالقىسى ھېسابلىنىدۇ

لەگلەك تورى ئۈندىدار سالونىنى قۇشۇۋېلىڭ ،ئىزدەش نومۇرى :