17-ئاۋغۇست، 4-نۆۋەتلىك جۇڭگو ئاسىيا-ياۋروپا كۆرگەزمىسىنىڭ ئىشىك بېلىتىنى سېتىش ئاخبارات ئېلان قىلىش يىغىنىدا خىزمەتچى خادىملار تەقلىدىي ئىشىك بېلىتىنى كۆرسەتمەكتە. شۇ كۈنى، 4-نۆۋەتلىك جۇڭگو ئاسىيا-ياۋروپا كۆرگەزمىسىنىڭ ئىشىك بېلىتى رەسمىي سېتىلىشقا باشلىغان بولۇپ، باھاسى 50 يۈەن/پارچە ئىكەن.
ئاخبارات ئېلان قىلىش يىغىنىدىن مەلۇم بولۇشىچە، بۇ يىل جەمئىيەتتىكى ھەر ساھە كىشلىرىنىڭ بېلەت سېتىۋېلىشىغا قولايلىق يارىتىش ئۈچۈن، شىنجاڭ بېلەت ئىشلىرى تورى(新疆票务网) ۋە 91 بېلەت سېتىش تورى(91票务网)، سوخۇ تورىنىڭ قىزىق نۇقتا سەھىپىسى قاتارلىق تور بېكەتلىرىدە، شۇنداقلا جۇڭگو پوچتىسىنىڭ ئۈرۈمچى شەھىرىدىكى 30 ۋاكالىتەن سېتىش نۇقتىسى، جۇڭگو بانكىسىنىڭ ئۈرۈمچى شەھىرىدىكى ئالتە ۋاكالىتەن سېتىش نۇقتىسى ھەم ‹‹8:30 ››تاللا بازىرىنىڭ 20 ۋاكالىتەن سېتىش نۇقتىسىدا كۆرگەزمىنىڭ ئىشىك بېلىتى سېتىلىدىكەن.