پۇتبول تورى خەۋىرى لەگلەك تورى تەرجىمىسى

بېيجىڭ ۋاقتى 10-ئاينىڭ 22-كۈنى سەھەر سائەت 2 دىن 45 مىنۇت ( شۇ يەر ۋاقتى 21-كۈنى كەچ سائەت 19 دىن 45 مىنۇت ) ئۆتكەندە 2014-2015 مۇسابىقە پەسلى ياۋروپا ئۇزغۇنلۇقىنى تالىشىش پۇتبول مۇسابىقىسىنىڭ 3-ئايلانما مۇسابىقىسى G گۇرۇپپىدىكى ھەممە كۆز تىكىۋاتقان بىر مەيدان مۇسابىقىسى چېلسىي كۇلۇبىنىڭ توپ مەيدانى سىتامپۇرد كۆۋرۈكى مەيدانىدا چېلسىي كۇلۇبى بىلەن مالبور كۇلۇبى ئوتتۇرسىدا ئۆتكۈزۈلدى. ئالدىنقى يېرىم مەيداندا رېمىي ۋە دىروبا بىلەن تېررىي ھەر قايسىسى بىردىن توپ كىرگۈزۈپ چېلسىي كۇلۇبى 3-0 نەتىجە بىلەن ئۈستۈنلۈككە ئىگە بولدى. كېيىنكى يېرىم مەيداندا ئازار قارشى تەرەپ بېكى ئارقىلىق خائىن توپتىن بىرنى ۋە يەنە ئىككى توپ كىرگۈزدى. ئاخىرىدا چېلسىي كۇلۇبى 6-0 يۇقىرى نومۇر پەرقى بىلەن مالبور كۇلۇبىنى يەڭدى.

قارشى تەرەپ ئارقىلىق بىر خائىن توپ كىرگۈزگەن ۋە ئۆزى ئىككى توپ كىرگۈزگەن ئازار پۈتۈن مەيداندىكى ئەڭ يۇقىرى بولغان 10 نومۇرغا ئېرىشتى.ئۇنىڭدىن باشقا ھۇجۇممۇ قىلالايدىغان ھەم مۇداپىئەگىمۇ ئۇستا بولغان فىلىپ نىڭ ئىپادىسىمۇ ئالاھىدە ياخشى بولدى.

چېلسىي كۇلۇبىدىن ئاساسلىق ئەزا سۈپىتىدە مەيدانغا چىققان توپچىلار:

1-نومۇر چېخ. 2-نومۇر ئىۋاننوۋىچخ . 5-نومۇر زۇل. 26-نومۇر تېررى. 3-نومۇر فىلىپ. 4-نومۇر فابرىگاس. 21-نومۇر ماردىچ. 8-نومۇر ئوسكار. 10-نومۇر ئازار. 22-نومۇر ۋىليام. 18-نومير رېيمىي.

مالبور كۇلۇبىدىن ئاساسلىق ئەزا سۈپىتىدە مەيدانغا چىققان توپچىلار:

33-نومۇر خانداۋىچ. 28-نومۇر ۋىللىر. 4-نومۇر سۇللىر. 26-نومۇر رايسوۋىچ. 30-نومۇر سىتورگنوۋىچ. 39-نومۇر بۇھال. 5-نومۇر فىلىپوۋىچ. 70-نومۇر مېتىرى. 7-نومۇر مىگاچ. 10-نومۇر ئىبراھىم. 9-نومۇر تاۋارىس.

ئەتە بېيجىڭ ۋاقتى سەھەر سائەت 2 دىن 45 مىنۇت ئۆتكەندە ياۋروپا ئۇزغۇنلۇقىنى تالىشىش پۇتبول مۇسابىقىسىنىڭ كېيىنكى بۆلەك مۇسابىقىسى ئۆتكۈزىلىدۇ.