جۇڭگو گېزىتى تورى 21-مارت خەۋىرى (ئوكيان تورىدىن راھىلە تەرجىمىسى)

ئەنگلىيە «پۇل-مۇئامىلە ۋاقىت گېزىتى» تورىنىڭ 21-مارتتىكى خەۋىرىگە ئاساسلانغاندا، ئالما شىركىتى 2014-يىلى iPhone 6 نى ئېلان قىلغان چاغدا، چوڭ ئېكرانغا يۈزلىنىش ھەرىكىتى ئالما شىركىتىنى ئالما كارخانا تارىخىدىكى ئەڭ ھوسۇللۇق سودىگەرگە ئايلاندۇرغان. بۈگۈنكى كۈندە بۇ شىركەتiPhone  سېتىلىش مىقدارى تۆۋەنلەپ كېتىشتەك ۋەزىيەتكە دۇچ كەلگەن، شۇڭا تېخىمۇ كىچىك، تېخىمۇ ئەرزان بولغان مەھسۇلات ئىشلەپچىقىرىپ، سېتىلىش مىقدارىنى يۇقىرى كۆتۈرۈشنى ئۈمىد قىلغان.

شۇ جاي ۋاقتى دۈشەنبە، ئالما شىركىتى تۆت دىيۇملۇق  iPhone 5E نى ئېلان قىلىشنى مۆلچەرلىگەن. بۇ 2012-يىلى ئىشلەپچىقىرىلغان iPhone 5 تۈرىدىكى مەھسۇلاتلار بىلەن ئوخشاش چوڭلۇقتا ئىكەن. ئەمما Apple Pay، تېخىمۇ يۇقىرى ئىقتىدارلىق تېلكامىرا ۋە يۇقىرى سۈرئەتلىك بىر تەرەپ قىلغۇچ قاتارلىق ئىلغار تېخنىكىلارنى ئۆزىگە مۇجەسسەملەنگەن. شىركەت يەنە يېڭى بىر ئەۋلاد iPad (بۇلتۇرpro   iPad غا ياندىشىپ چىقىرىلغان ئوخشاش تىپتىكى كونۇپكا تاختىسى ۋە Pencil زاپچاسلىرىنى قوللايدىكەن) ھەمدە Apple Watch سائەت باغلىرىنى ئېلان قىلىدىكەن.

بۇ قېتىمقى يېڭى تىپتىكى iPhone نى ئېلان قىلىش ۋاقتى بۇرۇنقىدىن سەل پەرقلىنىدىغان بولۇپ، ئالما شىركىتى 2007-يىلى تۇنجى ئەۋلاد iPhone نى ئېلان قىلغاندىن بۇيان، ھەر يىلى ئىيۇندا يېڭى بىر ئەۋلاد مەھسۇلاتنى بازارغا سالاتتى. 2011-يىلى iPhone 4S نى بازارغا سالغاندىن كېيىن، ھازىرىقى ھەممىمىزگە تونۇشلۇق بولغان كۈز پەسلىگە ئالماشقان. بۇ قېتىملىق پۈتۈنلەي يېڭى تىپتىكى بايراقدار ئەقلىفونلارمۇ بۇ يىل سېنتەبىردە بازارغا سېلىنىدۇ.

Above Avalon يەنى ئالما شىركىتىنىڭ تەھلىل قىلغۇچىسى نېيىل سىيبارت:« يېقىنقى مەزگىلدە ئالما شىركىتىنىڭ ئەنئەنىۋى قېلىپتىن چىقىپ يېڭىلىق يارىتىشى iPhone نىڭ سېتىلىش مىقدارىنىڭ باشقۇرغۇچىلارنىڭ مۆلچەرى بىلەن ئوخشىمىغانلىقىدىن دېرەك بېرىدۇ» دېگەن.