چەتئەل مىدىيەسىنىڭ خەۋىرىگە ئاساسلانغاندا، ياۋروپا ئالەم بوشلۇقى ئىدارىسى (ESA) 2-ئاينىڭ 11-كۈنى «ئۆتكۈنچى سىناق ئۇچقۇرى»نى قويۇپ بېرىپ، ئادەم توشۇيدىغان ئالەم كېمىسىنى ياساشقا ئاساس سالىدۇ. «ئۆتكۈنچى سىناق ئۇچقۇرى» (Intermediate eXperimental Vehicle، قىسقارتىلغان نامى IXV) ئىلغار فارفور ۋە كاربونلۇق تالا ماتىرىياللىرىدىن ياسالغان، ئۇنىڭ ئۆلچىمى ئوتتۇرا تىپلىق ئاپتوموبىلغا ئوخشايدۇ. IXV كەلگۈسىدە ئادەم توشۇپ ئۇچۇشقا ئىشلىتىلىشى مۇمكىن، كۆپلىگەن ئالەم ئۇچقۇچىسى ئالەم بوشلۇقىغا چىقىرىلىدۇ ھەمدە بىخەتەر ھالدا يەر يۈزىگە قايتۇرۇپ كېلىنىدۇ، يەنە تېخى مارس ئەۋرىشكىسىنى ئېلىپ كېلەلەيدۇ.

قويۇپ بېرىش ئورنى جەنۇبىي ئافرىقىنىڭ شىمالىي قىسىمىدىكى فرانسىيەگە قاراشلىق گۋىئاناغا جايلاشقان بولۇپ، توشىغۇچى راكىتانىڭ ئىسمى «توقۇمىچى قىز» (Vega) راكېتاسىدىن ئىبارەت.

«توقۇمىچى قىز» IXV ئۇچقۇرىنى ئېلىپ 420 كىلومىتېر ئېگىزلىككە كۆتۈرۈلىدۇ، ئۇچقۇ كېيىن قايتىپ كېلىدۇ، سېكونتىغا 7.5 كىلومىتېرلىق تېزلىك بىلەن ئاتموسفرا قەۋىتىگە كىرىدۇ. قويۇپ بېرىش ئومۇمىي ۋاقتى 100 مىنۇت بولۇپ، ئۇچقۇنى تىنچ ئوكيانغا چۈشۈرۈش پىلانلاندى. ئۇچقۇ 300 نەچچە سېنزور ئېلىۋالغان بولۇپ، بۇ قېتىملىق ۋەزىپىدە IXVنىڭ ئىقتىدارلىرىغا مۇناسىۋەتلىك نۇرغۇن كۆرسەتكۈچ ئۆلچەملەر سىناق قىلىنىدۇ، مەسىلەن: ئايرودىنامىكىسى، يول باشلاش سېستىمىسى ۋە كونترول سېستىمىسى قاتارلىقلار.

بۇندىن ئىلگىرى ياۋروپا ئالەم بوشلۇقى ئىدارىسى 2014-يىل 11-ئاينىڭ 18-كۈنى «ئۆتكۈنچى سىناق ئۇچقۇرى» (IXV)نى قويۇپ بېرىشنى پىلانلىغان، ئەمما ئۇچۇرۇش ئىزىنى تېخىمۇ ئىلگىرىلىگەن ھالدا ئانالىز قىلىش ئېھتىياجى تۈپەيلىدىن قويۇپ بېرىش پىلانى 2015-يىل 2-ئاينىڭ 11-كۈنىگە كېچىكتۈرۈلدى