فوربىس گېزىتى 3-مارت خەۋىرى؛ لەگلەك تورى تەرجىمىسى: دۇنيانىڭ ئالدىنقى قاتاردىكى ئىقتىساد گېزىتلىرىدىن بىرى بولغان فوربىس گېزىتى، 2015-يىلىنىڭ ئەڭ بايلىرىنى ئېلان قىلدى. مىكروسوفتنىڭ قۇرغۇچىسى بىل گايتىس بۇ يىلمۇ بىرىنجى ئۇرۇننى ساقلاپ قالدى.

فوربىس گېزىتىنىڭ بۇ يىللىق 29-سانىدا ، فوربىس مىليادىرلار تىزىملىكىنىڭ تۇنجى بېتىدە 79،2 مىليارد دوللار مۈلكى بار بولغان مىكروسوفت شىركىتىنىڭ قۇرغۇچىسى بىل گايتىس ئورۇن ئالدى. بىل گايتىس يېقىنقى 21 يىلدا 16 قېتىم دۇنيانىڭ ئەڭ باي كىشىسى بولۇپ تاللاندى.

تىزىملىكنىڭ 2 -قۇرىدا، 77،1 مىليارد دوللارغا ئىگە مېكسىكىلىق كارخانىچى كارلوس سلىم ھىلۇ ئورۇن ئالدى، 3- قۇردا بولسا 72،7 مىليارد دوللارغا ئىگە ئامېرىكىلىق كارخانىچى ۋېرىن بۇفىت ئۇرۇن ئالدى. ئۆتكەن يىلقى تىزىملىكتە 3-لىككە ئېرىشكەن ئىسپانىيەلىك كارخانىچى ئامانىكو ئورتىج بۇ يىل 4-لىككە چۈشتى، تىزىملىكتە 5-لىككە بولسا 54،3 مىليارد دوللارغا ئىگە لارري ئىلىسون ئېرىشتى.

بارلىق مال مۈلكى 7،05 تىرلىيۇن دوللارغا يەتكەن 1826 نەپەر مىليادىر ئەڭ ئۇزۇن تىزىملىك بولۇپ فوربىس 2015 مىليادىرلار بېتىدە ئورۇن ئالدى. بۇ تىزىملىككە 290 يېڭى ئىسىم قۇشۇلغان بولۇپ، بۇلارنىڭ 71 ى جۇڭگودىن. ۋە 32 سى تۈركىيەدىن. مىليادىرلار تىزىملىكى ئۆتكەن يىل جەمئىي مال مۈلكى 6،4 تىرلىيۇن دوللارغا يەتكەن 1645 مىليادىردىن شەكىللەنگەن ئىدى.

تىزىملىكتىكى مىليادىر خانىملار بولسا 197 گە يەتكەن بولۇپ، بۇ يىل بۇلتۇرقىدىن 15ى كۆپەيدى. بۇ يىللىق تىزىملىكتە 8-ئورۇندا تۇرغان ئامېرىكىلىق كارخانىچى چىرىستىي ۋولتون ، 41،7 مىليارد دوللارلىق مۈلكى بىلەن دۇنيادىكى ئەڭ باي ئايال بولدى.

ياش مىليادىلار سانىمۇ بۇلتۇرقىدىن كۆپىيىپ ، تىزىملىكتە 40 ياشتىن تۈۋەن 46 نەپەر مىليادىر ئورۇن ئالدى، ئەڭ ياش مىليادىر بولسا ئۇچۇر ئالاقە مۇلازىمىتى «sunan Snapchat» نىڭ 24 ياشلىق باشقۇرغۇچىسى ئىۋان سىپىگېل بولدى.

فايىسبۇكنىڭ قۇرغۇچىسى Mark Zuckerberg بولسا 33،4 مىليارد دوللار مال مۈلكى بىلەن تىزىملىكتە 16- ئورۇندا تۇرۇرپ، ئالدىنقى قاتاردىكى 20 مىليادىر قاتارىغا كىردى. Mark Zuckerberg بولسا بۇلتۇر 28،5 مىليارد دوللار مۈلكى بىلەن 21- ئورۇندا ئىدى.