يېقىندا، بېيجىڭ جىنياڭ سارىيىدا قومۇلدىكى تۇنجى پاي چېكىنى بازارغا سالغان شىركەت-شىنجاڭ «ئالتۇن قوش مۈشۈك» خىمىيە-سانائەت پاي چەكلىك شىركىتى بېيجىڭ «شىنسەنبەن» لىنىيەسىدە پاي چېكىنى بازارغا سېلىپ، قومۇلدىكى پاي چېكىنى بازارغا سالغان تۇنجى كىچىك كارخانا بولۇپ قالدى.
شىنجاڭ «ئالتۇن قوش مۈشۈك» خىمىيە-سانائەت پاي چەكلىك شىركىتى قومۇلدىكى كىچىك تىپتىكى پۇقراۋى پەن- تېخنىكا كارخانىسى بولۇپ ئاساسلىقى تويۇنمىغان دېۋىرقاي، ئاق يىلىم، كاۋچۇك سۈتى سىرى ۋە 801-نومۇرلۇق يىلىم قاتارلىق مەھسۇلاتلارنى ئىشلەپچىقىرىدۇ.
2013-يىلى بۇ شىركەت بېيجىڭ «شىنسەنبەن» لىنىيەسىدە پاي چېكىنى بازارغا سېلىپ باھالاتقۇزدى ھەم قومۇلدىكى مۇناسىۋەتلىك باشقۇرغۇچى تارماقلارنىڭ قوللىشىغا ئېرىشىپ، شىنجاڭ « شېڭيې » ئادۋوكاتلار ئىش ئورنى، گۇاڭدۇڭ « جوڭگۇاڭشىن» مال-مۈلۈك باھالاش شىركىتى قاتارلىق بىر قانچە ئورۇن كارخانىنى مەخسۇس تەكشۈرۈش، ئىقتىسادىي تەپتىش قىلىش، مۈلۈكلەرنى باھالاش ئارقىلىق 2014-يىلى 6-ئايدا كارخانىنى پاي تۈزۈمىگە ئۆزگەرتىشنى تاماملىغانىدى. 2014-يىلى 12-ئايدا مەملىكەتلىك ئوتتۇرا-كىچىك كارخانىلارنىڭ پاي چېكىنى ئۆتۈنۈپ بېرىش سىستېمىسى چەكلىك مەسئۇلىيەت شىركىتى « ئالتۇن قوش مۈشۈك » خىمىيە سانائىتى پاي شىركىتىنىڭ پاي چېكىنى بازارغا سېلىش ماتېرىيالىنى رەسمىي قوبۇل قىلىپ بۇ يىل 3-ئايدا « جۇڭخۇا خەلق جۇمھۇرىيىتىنىڭ شىركەت قانۇنى» ۋە گوۋۇيۈەننىڭ ئالاقىدار كەسپىي نىزاملىرىغا ئاساسەن «ئالتۇن قوش مۈشۈك» خىمىيە-سانائەت پاي چەكلىك شىركىتىنىڭ ئاكسىيەسىنى تەكشۈرۈشتىن ئۆتكۈزۈپ، ئۇنى قىسقارتىپ « قوش مۈشۈك» پېيى دەپ ئاتاپ، بۇ يىل 15-ئاپرىل « شىنسەنبەن» ( شىنسەنبەن ئوتتۇرا –كىچىك كارخانىلارنىڭ پاي ھوقۇقىنى ئۆتۈنۈپ بېرىش سىستېمىسى جۇڭگو ئاكسىيە نازارەتچىلىك كومىتېتىنىڭ بىۋاستە باشقۇرۇشىغا تەۋە مەملىكەت خاراكتىرلىك ئاكسىيە سودىسى ئورنىنى كۆرسىتىدۇ) لىنىيەسىدە ۋېۋىسكا ئېسىپ پېيىنى بازارغا سېلىپ پاي چېكىنى ئاشكارا ئۆتۈنۈپ بېرىشكە باشلىدى.