پۇتبول تورى خەۋىرى لەگلەك تورى تەرجىمىسى

بېيجىڭ ۋاقتى 1-ئاينىڭ 13-كۈنى سەھەردە خەلقئارالىق پۇتبولچىلار بىرلەشمىسى 2014-يىللىق ئالتۇن توپ مۇكاپاتىنىڭ ساھىبىنى ئېلان قىلدى. پورتۇگالىيىلىك ھۇجۇمچى كىرىستىيانو رونالدو بۇ شەرەپكە يەنە بىر قېتىم مۇيەسسەر بولدى. ئۇ ئۇدا ئىككى يىل ئالتۇن توپ مۇكاپاتىغا ئېرىشتى. بۇ قېتىمقىسى ئۇنىڭ ئۈچىنچى قېتىم ئالتۇن توپ مۇكاپاتىغا ئېرىشىشى ھېسابلىنىدۇ.

س لو 36.66 % لىك قوللاش نىسبىتى بىلەن مېسسىنىڭ 15.76% لىك قوللاش نىسبىتى ۋە نوئىرنىڭ 15.72% لىك قوللاش نىسبىتىدىن ئېشىپ بۇ مۇكاپاتقا ئېرىشكەن. ئۇ 2014 يىللىق ياۋروپا ئۇزغۇنلۇقىنى تالىشىش پۇتبول مۇسابىقىسىنىڭ چېمپىيۇنى، ياۋروپا دەرىجىدىن تاشقىرى لوڭقىسىنى تالىشىش پۇتبول مۇسابىقىسىنىڭ چېمپىيۇنى، ئىسپانىيە شاھلىق لوڭقىسىنى تالىشىش پۇتبول مۇسابىقىسىنىڭ چېمپىيۇنى قاتارلىق كوللىكتىپ شەرەپكە، 2013-2014 مۇسابىقە پەسلىنىڭ ياۋروپا ئالتۇن ئۆتۈك مۇكاپاتىغا ، 2014-يىللىق ياۋروپا ئەڭ ياخشى توپچى قاتارلىق شەخسىي شەرەپلەرگە ئېرىشتى. ئۇ ھەم ياۋروپا ئۇزغۇنلۇقىنى تالىشىش پۇتبول مۇسابىقىسىنىڭ تاق پەسىللىك توپ كىرگۈزۈش رېكورتى ( 17 توپ ) نى بۇزدى. ھەمدە ئىسپانىيە ئا دەرىجىلىكلەر بىرلەشمىسىنىڭ ئەڭ ياخشق ھۇجۇمچى مۇكاپاتىغا ئېرىشتى. 

رونالدو مۇنداق دەيدۇ: « مەن ئەزەلدىن ئالتۇن توپ مۇكاپاتىغا ئۈچ قېتىم ئېرىشەلەيمەن دەپ ئويلاپ باقمىغان ئىدىم. مەن تارىختىن بۇيانقى ئەڭ ئۇلۇغ توپچىلارنىڭ بىرى بۇلۇشنى ئويلايمەن.» سۆز قىلىپ بولغاندىن كېيىن رونالدو ئۆزىنىڭ مەيداندا توپ كىرگۈزگەندىن كېيىنكى ھەرىكىتى ئارقىلىق ئۆزىنى تەبرىكلىدى.