ئامېرىكا «ۋاشىنگىتون كۈندىلىك پوچتا گېزىتى» نىڭ 4-چېسلا خەۋەر قىلىشىچە، «بايۋەتچە زۇكىمى» (Affluenza) غا گىرىپتار بولغان ياشلار ئامېرىكىدا ئەڭ قىززىق نۇقتا بولۇپ قالدى، ئامېرىكا مودا مەدەنىيىتى ۋە تاراتقۇلار ئاتا-ئانىسىغا تايىنىۋالىدىغانلار، ياش چولپانلارنىڭ مەسئۇلىيەتسىزلىك قىلمىشى قاتارلىقلارنىڭ ھەممىسى مۇشۇ سەۋەبتىن بولۇشى مۇمكىن ئىدى.

    ئامېرىكىلىق ياش ئېتان كوچ (Ethan Couch) يېقىندا ھاراق ئىچىپ ماشىنا ھەيدەپ تۆت ئادەمنىڭ قازا قىلىشىنى كەلتۈرۈپ چىقاردى، ئۇنىڭ ئادۋوكاتى پىسخىكا دوختۇرىنى تەكلىپ قىلىپ، «بايۋەتچە زۇكىمى» نىڭ سەۋەبىنى تېپىپ چىقتى، شۇنىڭ بىلەن ئېتان كوچ جازانى كېچىكتۈرۈپ ئىجرا قىلىشقا ئېرىشتى، بىراق ئۇ ھاراق ئىچىش ئادىتىنى ئۆزگەرتمەيلا قالماي يەنە، ئانىسى ئۇنىڭ قېچىشىغا ياردەملەشتى. بۇنىڭدىن ئامېرىكىدىكى باي ئائىلىلەر ۋە يامان ئۆگىنىپ قالغان بالىلارنىڭ ئاقىۋىتىنى ئويلىماي ئىش قىلىدىغان مەسىلىسىنى ئاشكارىلاپ قويدى.

ياشلارنىڭ مېڭىسى تېخى تەرەققىي قىلمىغان، دائىم ئاقىۋىتىنى ئويلىماي ياكى يېنىكلىك بىلەن ئىش قىلىپ قويىدۇ، بىراق ئېتان كوچنىڭ ئانىسى قۇرامىغا يەتكەن بولسىمۇ، بىراق بالىسى بىلەن بىرلىكتە خاتالاشقان، شۇڭلاشقا ئۇمۇ تۈرمىدە يېتىش تەھىتىگە دۇچ كەلدى.

نورا دۇن (Nora Dunn) ئىسىملىك يازغۇچى مۇنداق دېدى، ئېتان كوچ بايۋەتچە بولغاچقا، جىنايى جازادىن ئاسانلا قېچىپ قۇتۇلالىدى. ئۇنىڭ ئائىلىسى باي ئاقسۆڭەكلەر ئائىلىسى، ئۇ ھاراق ئىچكەن، بىراق ئادەم ئۆلتۈرۈش نىيىتى يوق، ئەمما خاتالىق ئۆتكۈزۈشنىڭ ئاقىۋىتىنى بىلمەيدۇ. شۇنىڭ بىلەن ئۇنىڭ ئادۋوكاتى پىسخىكا مەسلىھەتچىسىنى چاقىرىپ مۇنداق چۈشەندۈردى، ئۇ بايۋەتچە زۇكىمىغا گىرىپتار بولغان، مەسىلىنى ئۇنىڭ ئەخمەقلىقى ئەمەس بەلكى باي بولغانلىقى كەلتۈرۈپ چىقارغان.

بىراق نامرات ئائىلىنىڭ بالىلىرى ئۇنداق تەلەيلىك ئەمەس، نورا دۇننىڭ دېيىشىچە، نامراتلىق ۋە تېرە رەڭگى ھازىر جىنايى جازاغا تەسىر كۆرسىتىدۇ، جەمئىيەت يەنە تېخى ئۇلارنىڭ ئاتا-ئانىسىنىڭمۇ جىنايىتى بار دەپ قارايدۇ، بىراق باي ئائىلىلەر بولسا بۇنداق جىنايەتكە دۇچ كەلمەيدۇ.

مەسىلەن، داڭلىق ناخشىچى جاستىن بىبېر (Justin Bieber) ۋە كىرىس بىروۋىن (Chris Brown) قاتارلىقلار كۆپ قېتىم قولغا ئېلىنغان، بىراق ھازىر يەنىلا مۇزىكا ساھەسىدە داڭلىق شەخىس بولۇپ يۈرىۋاتىدۇ.