ياز كۈنلىرى تەر ئۈزۈلمەي چىقىپ تۇرىدۇ. نۇرغۇن كىشى تەرلىگەندە تەرنى دەرھال سۈرتىۋېتىشكە ئادەتلەنگەن.بىراق سالامەتلىك نوقتىسىدىن ئېلىپ ئېيتقاندا، تەرلىگەندىن كېيىن تەرنى دەرھال سۈرتىۋېتىش سالامەتلىككە زىيانلىق ئىكەن.

يۇقىرى تېمپېراتۇرا شارائىتىدا، تەر بەزلىرى نۇرغۇن تەر سۇيۇقلىقىنى ئاجرىتىپ چىقىرىدۇ، ئۇ پارغا ئايلانغاندا ئىسسىقلىق ھاسىل بولۇپ، ئىسسىقلىقنى تارقاقلاشتۇرۇپ تېمپېراتۇرىنى تۆۋەنلىتىش رولىنى ئوينايدۇ. ئادەم بەدىنىدە 1 مىللېلىتىر تەر سۇيۇقلۇقى پارغا ئايلانغاندا 0.58 مىڭ كالورىيە ئىسسىقلىقنى ئېلىپ كېتىدۇ. بولۇپمۇ مۇھىت تېمپېراتۇرىسى بەدەن تېمپېراتۇرىسىغا يېقىنلاشقاندا ياكى ئۇنىڭدىن ئېشىپ كەتكەندە پارغا ئايلانغان تەر سۇيۇقلۇقى ئادەم بەدىنىدىكى بىردىن بىر ئىسسىقلىقنى تارقاقلاشتۇرىدىغان ئۇسۇلغا ئايلىنىدۇ. ئەگەر تەرلىگەندىن كېيىن دەرھال سۈرتىۋەتسە تەر پارغا ئايلىنىپ ئىسسىقلىقنى تارقاقلاشتۇرۇش رولىنى ئوينىمايدۇ. ئىسسىقلىق تارقالمىغانلىقتىن، تەر بەزلىرى تەر سۇيۇقلۇقىنى داۋاملىق ئاجرىتىپ، بەدەندە ساقلىنىپ قالغان نۇرغۇن تۇز تەركىبلىرى، ۋىتامىن قاتارلىقلار سەرىپ بولۇپ كېتىدۇ، بۇ سالامەتلىككە زىيانلىق. شۇڭا ئەگەر سىزدە توختىماي تەر چىقسا ئالدىراپ سۈرتىۋەتمەڭ.

ئەسكەرتىشكە تېگىشلىگى شۇكى، ئەگەر تەرلىگەندىن كېيىن دەرھال ھاۋا تەڭشىگۈچلۈك ئۆيگە كىرسە ياكى مۇھىت تېمپېراتۇرىسىنىڭ ئۆزگىرىشى چوڭ ئورۇندا تۇرسا بەدەن تېمپېراتۇرسىنىڭ جىددىي تۆۋەنلىشى كېلىپ چىقىدۇ، بۇنداق ۋاقىتتا دەرھال تەرنى سۈرتىۋېتىش بىلەن بىللە سوغۇق شامالنىڭ بىۋاسىتە ئۇرىلشىدىن ساقلىنىپ، تەر بەزلىرىنىڭ ئىتىلىپ قېلىشىدىن ساقلىنىش كېرەك. ئەڭ ياخشىسى لۆڭگە ياكى تۆۋەن تېمپېراتۇرلۇق لۆڭگە بىلەن سۈرتۈش كېرەك. بۇ ۋاقىتتا تېرىدىكى تۈك تۈشۈكچىلىرى ۋە ئىنچىكە قان تۇمۇرلار تېز ئېچىلىپ، ئىسسىقلىقنىڭ تېخىمۇ ياخشى تارقىلىشىغا پايدىلىق بولىدۇ. بۇنىڭ بىلەن ئادەم بەدىنى سوغوق ۋە راھەتلىك بولىدۇ. ئەگەر سوغوق لۆڭگە بىلەن سۈرتسە تېرە سوغۇقنىڭ غىدىقلىشىغا ئۇچراپ، تۈك تۆشۈكچىلىرىنىڭ ئىتىلىپ قېلىشى، قان تومۇرلارنىڭ قىسقىرىشى، بەدەنگە توپلانغان ئىسسىقلىقنىڭ تارقىيالماي، ئەڭ ئاخىرىدا ئىسسىقتىن بىزار بولۇش سېزىمىنى كەلتۈرۈپ چىقىرىدۇ.

بەزىلەر تەر چىققاندىن كېيىن دەرھال سوغوق سۇدا چايقىلىۋالىدۇ، بىراق تېرە سۇغاق سۇ بىلەن ئۇچراشقاندىن كېيىن قان تومۇرلار تۇيۇقسىز قىسقىراپ ئىنچىكىلەيدۇ، بۇنىڭ بىلەن نۇرغۇن قانلار يۈرەككە ئېقىپ كىرىپ، يۈرەكنىڭ يۈكىنى ئېغىرلاشتۇرۇپ، ئالاقزادە بولۇش، نەپەس بوغۇلۇش، باش قېيىش قاتارلىق كېسەللىك ئالامەتلىرىنى كەلتۈرۈپ چىقىرىدۇ.تەر كۆپ چىققاندىن كېيىن ئاۋۋال بەدەن تېمپېراتۇرسى ئەسلىگە كەلگىچە بىرئاز ئارام ئېلىپ، تەر قۇرۇغاندىن كېيىن ئاندىن يۇيۇنۇش كېرەك.

تەر كۆپ چىققاندىن كېيىن سوغوق سۇ ئىچىشكە بولمايدۇ، ئۇنداق بولمايدىكەن تۈك تۆشۈكچىلىرىنىڭ ئىتىلىپ قېلىشى كېلىپ چىقىپ، تەر ۋاقتىنچە چىقالماي بەدەن تېمپىراتۇرسىنىڭ تۆۋەنلىشى توسقۇنلۇققا ئۇچراپ، زۇكام بولۇشنى كەلتۈرۈپ چىقىرىدۇ. تەر كۆپ چىققاندا ئېغىز قۇرۇپ كەتسە ئاۋۋال ئىلمان قايناقسۇ ئىچىپ ئېغىزنى نەمدەپ، ئېغىزنىڭ تېمپېراتۇرسىنى پەسەيتىش كېرەك. 10 مىنۇتتىن كېيىن بىر قانچە قېتىمغا بۆلۈپ ئاز مىقداردا ئىلمان تۇز سۈيى ئىچىش كېرەك، شۇنداق قىلغاندا كۆپ مىقداردا چىققان تەر بىلەن چىقىپ كەتكەن تۇز تەركىبىنى تولۇقلىغىلى بولىدۇ. يېرىم سائەت ئۆتكەندىن كېيىن بىرقەدەر كۆپ مىقداردا چاي ئىچكەندە ئادەم بەدىنىدىكى ھەر قايسى ئەزالارنىڭ ماددا ئالمىشىش ئېھتىياجىنى قاندۇرغىلى بولىدۇ. سۇ تەركىبىدىن باشقا تەر بىلەن چىقىپ كەتكەن ئادەم بەدىنىگە ئېھتىياجلىق كالىي ۋە ۋىتامىن C قاتارلىق سۇدا ئىرىشچان ۋىتامىنلارنى تۇلۇقلىغىلى بولىدۇ. شۇڭا ئىسسىق كۈنلەردە پۇرچاق، پالەك، بەرەڭگە، پىچەكگۈل، كەرەپشە، ئوسۇڭ، بانان، ئاپېلسىن قاتارلىق كالىي تەركىبىي مول يېمەكلىكلەر ۋە مايمۇن شاپتۇلى قاتارلىق تەركىبىدە ۋىتامىن C مول بولغان مېۋىلەرنى ئىستېمال قىلىش كېرەك.