ب د ت باش كاتىبى-بان كىمون

مەنبە: ۋىكىپېدىيە قامۇسى
بان كىمون 1944-يىلى 13-ئىيۇندا كورىيەدە تۇغۇلغان، 70 ياش، كورىيەلىك سىياسىيۇن، ئىسمىنىڭ يەنە بىر ئاتىلىشى پەن جىۋېن، 2007-يىلى 1-يانۋاردىن بۇيان بىرلەشكەن دۆلەتلەر تەشكىلاتىنىڭ 8-نۆۋەتلىك باش كاتىبى بولۇپ ۋەزىپە ئۆتىمەكتە. بان كىمون 1962-يىلى ئامېرىكا قىزىل كېرسىت جەمئىيتى ئۇيۇشتۇرغان بىر كومپوزىتسىيە مۇسابىقىسىدە غەلبە قىلىپ نەتىجىدە ئامېرىكا پرېزىدېنتى بىلەن جون ف.كىندىي« John F. Kennedy» بىلەن تۇنۇشقان. بان كىمون 1970-يىلى سىئول ئۇنىۋېرستىتى خەلقئارا مۇناسىۋەتلەر بۆلۈمىدە ئوقۇش پۈتتۈرگەن. ئامېرىكا خارۋارد ئۇنىۋېرستىتىدا باشقۇرۇش كەسپىدە ئوقۇدى. بان كىمون 2004-يىلى يانۋاردىن 2006-يىلى دىكابىرغىچە كورىيە ھۆكۈمىتىدە تاشقى ئىشلار ۋە تىجارەت مىنىستىرى بولۇپ ۋەزىپە ئۆتىدى. 2007-يىلى 1-يانۋاردا كوفى ئانناندىن ب د ت باش كاتىبلىق ۋەزىپىسىنى تاپشۇرىۋالدى. بان كىمون 1944-يىلى كورىيەنىڭ شىمالى چۇڭچېڭبۇك يېزىسىداتۇغۇلغان بولۇپ، ئۇ مەزگىلدە كورىيە ياپونىيە ئىمپىرىيىسىنىڭ ھۆكۈمرانلىقى ئاستىدا ئىدى. بان كىموننىڭ ئائىلىسى ئىنتايىن قىيىن مەزگىلنى باشتىن كەچۈردى، بان كىمون 6 ياشقا كىرگەندە كورىيە ئۇرۇشى پارتىلدى. بان كىمون ئوتتۇرا مەكتەپتە ئوقۇغان ۋاقىتتا ئېنگىلىزچە سەۋىيەسى يۇقىرى بولۇپ كۆزگە چېلىققان ئىدى. 1962-يىلى قىزىل كېرسىت جەمئىيتى ئۆتكۈزگەن كومپوزىتىسيە مۇسابىقىسىدە بىرىنجى بولۇپ مۇكاپات سۈپىتىدە ئائىلىسى بىلەن سان فرانسىسكوغا ساياھەتكە بېرىش پۇرسىتىگە ئېرىشتى. بان كىمون كورىيە تىلىدىن باشقا ئېنگىلىز، فرانسوز، گېرمان ۋە ياپون تىللىرىنى بىلىدۇ. بان كىمون يوسۇنتىك بىلەن 1962-يىلى تونۇشۇپ 1971-يىلى ئۆيلەندى. شۇئاندا 2 قىزى ۋە 1 ئوغلى بار. چوڭ قىزى سون يوڭ سىئولدىكى كورىيە ۋەقفىدە ئىشلەيدۇ، ئوغلى كالفورنىيە ئۇنىۋېرسىتىتىدا ماگېستىرلىقا ئوقۇۋاتىدۇ، يەنە بىر قىزى نايروبىدا ب د ت بالىلار ياردەم فوندىدا ئىشلەيدۇ.