يەر شارى خەۋەر تورى 3-ئاپرېل تېلىگراممىسى؛ لەگلەك تورى تەرجىمىسى: ئىران پرېزىدېنتى ھەسەن رۇھانى، يادرو سۆھبىتى كېلىشىمىدىن كېيىن دۆلىتىنىڭ دۇنيادا ئوبرازىنى ئۆزگەرتىپ، يېڭى بىر سەھىپە ئاچىدىغانلىقىنى ئېيتتى. رۇھانى، كېلىشىم ئىجرا قىلىنىىشى ئۈچۈن «ھەر قايسى تەرەپلەر سۆزىدە تۇرسا بىزمۇ سۆزىمىزدە تۇرىمىز» دېدى.
ئىران پرېزىدېنتى ھەسەن رۇھانى، يادرو مۇزاكىرىلىرىدە ئىران بىلەن غەرب ئەللىرى ئارىسىدا رامكا كېلىشىمى ھاسىل بولغاندىن كېيىن تۇنجى قېتىم سۆز قىلدى، ئۇ؛ ھاسىل بولغان كېلىشىمنىڭ دۆلىتىنىڭ ئۇران قۇيۇلدۇرۇش ھۇقۇقىنى قوغدىغانلىقىنى تىلغا ئېلىپ، «بۈگۈن چوڭ كۈچلەر ئىراننىڭ ئۆز زېمىنىدا نورمال ئېھتىياج مەقسىتىدىكى يادرو ھوقۇقىنى ئېتىراپ قىلىۋاتىدۇ. بۇ كېلىشىم رامكىسىدا ئىراننىڭ ئۇران قۇيۇلدۇرۇشى ھەر قانداق بىر دۆلەتكە زىيان يەتكۈزمەيدۇ، دۇنيا چوڭ كۈچلىرى بۇنى چۈشەندى» دېدى.
رۇھانى، يادرو پروگراممىسى ئۈستىدىن غەربنىڭ ئىرانغا يۈرگۈزگەن جازالىشىنى ئەيىبلەپ، «غەرب بىزگە يۈرگۈزگەن جازالاشنىڭ كار قىلمىغانلىقىنى چۈشەندى، بىزنى بۇ بېسىم ۋە جازالاش بىلەن توختىتالمايدىغانلىقىنى بىلدى، ئەمما بىزمۇ جازالاشنىڭ رولى بولمايدىغانلىقىنى پەقەت سۆھبەت ئارقىلىق مەسىلىنى ھەل قىلغىلى بولىدىغانلىقىنى ئىسپاتلىدۇق، بۇ كېلىشىمنىڭ ئەمەلىيلىشىشنىڭ ئاساسى بۇ» دەپ سۆز قىلدى.
رۇھانى ھاسىل بولغان كېلىشىمدىن كېيىن دۆلىتىنىڭ دۇنيادىكى ئوبرازىنىڭ ئۆزگرىدىغانلىقىنى بىلدۈرۈپ،« بۇ كېلىشىم بىلەن بىرلىكتە ئىرانغا يۈرگۈزۈلگەن جازالار بىكار قىلىنىدۇ، ئىراننىڭ دۇنيادا ئوبرازى ئۆزگىرىدۇ، دۇنيا بىلەن يېڭى بىر سەھىپە ئاچىمىز، دۇنيا چوڭ كۈچلىرى بىلەن تېخىمۇ ياخشى ھەمكارلىق ئورنىتىمىز» دېدى. ئۇ يەنە، ئىراننىڭ بارلىق دۆلەتلەر بىلەن تېخىمۇ ياخشى مۇناسىۋەت ۋە تېخىمۇ ياخشى ھەمكارلىق ئورنىتىش پۇرسىتىگە ئېرىشكەنلىكىنى ئېيتتى.
رۇھانى يەنە؛ رايۇندىكى مۇقىمسىزلىقنىڭ سەۋەبىنىڭ دۆلەتلەر ئارىسىدىكى ھەمكاررلىق يىتەرسىزلىكى ئىكەنلىكنى تەكىتلەپ، «بىز رايۇندا بارلىق دۆلەتلەر بىلەن ياخشى مۇناسىۋەت ئورنىتىشنى خالايمىز، تۇقۇنۇشلارنى ئاخىرلاشتۇرۇشنى خالايمىز، بۇ بىرلىشىش ۋە ھەمكارلىق بولمىسا مۇقىملىق بولمايدۇ. بۇ كېلىشىمدىن كېيىن تېخىمۇ ياخشى بىر مۇناسىۋەت ئورنىتىمىز» دېدى.
رۇھانى، يادرو مۇزاكىرىسىنىڭ بارلىق باسقۇچلىرىدا ئىران ئىسلام ئىنقلابىنىڭ رەھبىرى ئايەتۇللاھ ئەلى ھامىنينىڭ تەلىماتلىرىغا رىئايە قىلغانلىقىنى ئېيتىپ، «بىزنىڭ يولىمىز توغرا بىر يول، ئىران خەلقى بارلىق بېسىملارغا قارىتا يالتايمىدى، يولىنى داۋاملاشتۇردى. مۇزاكىرىدە يولىمىزنىڭ توغرا ئىكەنلىكىنى پۈتۈن دۇنياغا كۆرسەتتۇق. بىز مۇزاكىرىنىڭ بارلىق باسقۇچىلرىىدا ئىران ئىسلام ئىنقىلابى رەھبىرىنىڭ تەلىماتى بويىچە ئىش قىلدۇق ۋە غەلبە قىلدۇق» دېدى.