2015-يىلى 12-ئاينىڭ 29-كۈنى، خېنەن كەيفېڭنىڭ شياڭفۇ ناھىيەسى فۇدۇڭ كوچىىسىدا، بىر ئەر تېلېفون رېمونتخانىسىدىكى دۇكاندار ئايال بىلەن جىدەللىشىپ قېلىپ، ئۆزگەرتىلگەن مىخ تاپانچىسى بىلەن  دۇكاندارنى ئېتىپ  يارىلاندۇرغان. ئايالنىڭ قۇچىقىدىكى تۆت ئايلىق بولغان بالىسى چۈشۈپ كەتكەن ۋە بېشى يەرگە قاتتىق تېگىپ كەتكەچكە جان ئۈزگەن. ۋەقە يۈز بېرىپ ئۈچ سائەتتىن كېيىن، ساقچىلار يوشۇرۇنىۋالغان ئەرنى قولغا چۈشۈرگەن، ئۇنىڭ يېنىدىن بىر دانە بەلگە تاپانچىسى تېپىلغان.

      2015-يىلى 12-ئاينىڭ 29-كۈنى چۈشتىن بۇرۇن، جاۋ فامىلىلىك بۇ كىشى تېلېفون رېمونت قىلدۇرۇش جەريانىدا دۇكاندار بىلەن جېدەللىشىپ قالغان. شۇ كۈنى چۈشتىن كېيىن، ئۇ ئۆزگەرتىلگەن مىخ تاپانچىسىنى ئېلىپ رېمونتخانىغا كىرىپ، دۇكاندارنى يارىلاندۇرغاندىن كېيىن قېچىپ كەتكەن. بىر دانە مىخ تاپانچىسى ۋە ئۇ يېنىدا ئېلىپ يۈرگەن بىر يەل مىلتىق رېمونتخانىدا قالغان.