شەنشى ئۆلكىسى ياڭشەن ناھىيىسىدە تۇرۇشلۇق چېن فامىللىك 2013-يىلى ئۆكتەبىردە كۇ فامىلىلىككە 30 مىڭ يۈەن قەرز بەرگەن، كۇ فامىلىلىك كېيىن ئۇنىڭغا 10 مىڭ يۈەن قايتۇرۇپ، قالغان قىسمىنى دېيىشكەن مۆھلەتتە قايتۇرمىغان، چېن فامىلىلىك قەرزنى كۆپ قېتىم سۈيلىگەن بولسىمۇ، ھېچقانداق ئۈنۈمى بولمىغان، ۋاقىتنىڭ ئۆتۈشىگە ئەگىشىپ كۇ فامىلىلىك ئىز-دېرەكسىز غايىب بولغان.

     چېن فامىلىلىك بۇلتۇر 4-نويابىر كەچتە ناھىيىدىكى بىر ماجاڭخانىدا كۇ فامىلىلىكنى ئۇچرىتىپ، قەرزنى سۈيلىگەندە كۇ فامىلىلىك باھانە كۆرسىتىپ بەرمىگەن. شۇنىڭ بىلەن ئۇ كۇ فامىلىلىكنى قاتتىق ئۇرۇپ، 2-دەرىجىلىك مېيىپ قىلىپ قويغان، ئۇ كېيىن ناھىيەلىك ج خ ئىدارسىغا ئۆزىنى مەلۇم قىلغان. ياڭشەن ناھىيىلىك خەلق سوت مەھكىمىسى يېقىندا بۇ دېلوغا سوت ئېچىپ، چېن فامىلىلىكنى كۇ فامىلىلىكنىڭ تۈرلۈك چىقىملىرى ئۈچۈن 106 مىڭ يۈەن تۆلەم بېرىشكە بۇيرۇغان.