پۇتبول تورى خەۋىرى لەگلەك تورى تەرجىمىسى

بېيجىڭ ۋاقتى 1-ئاينىڭ 10-كۈن چۈشتىن كېيىن سائەت 5:00 ئۆتكەندە ئاسىيا لوڭقىسىنى تالىشىش پۇتبول مۇسابىقىسى B گۇرۇپپىنىڭ تۇنجى ئايلانما مۇسابىقىسى ئۆتكۈزۈلدى. جۇڭگۇ دۆلەت كوماندىسى تۇنجى مەيدان مۇسابىقىسىدە سەئۇدى ئەرەبىستان كوماندىسىنى كۈتۈۋالدى. بۈگۈن تۇغۇلغان كۈنى بولغان ۋاڭ دالېي قارشى تەرەپنىڭ نۇقتا توپىنى توسۇۋالدى. يۈ خەي ئىختىيارى توپ ئارقىلىق ئاخىرقى مىنۇتلاردا قارشى تەرەپنى قىرغىن قىلدى. جۇڭگۇ دۆلەت كوماندىسى 1-0 نەتىجە بىلەن سەئۇدى ئەرەبىستان كوماندىسىنى مەغلۇپ قىلدى. بۇ ھەم جۇڭگۇ دۆلەت كوماندىسىنىڭ 17 يىلدىن بۇيان تۇنجى قېتىم سەئۇدى ئەرەبىستان كوماندىسىنى ئۇتىشى ھېسابلىنىدۇ.

مۇسابىقە باشلانغاندىن كېيىن سەئۇدى ئەرەبىستان كوماندىسى جۇڭگۇ كوماندىسىغا سەل بېسىم ئېلىپ كەلدى. بىراق تەھدىت ئېلىپ كېلەلمىدى. ئالدىنقى يېرىم مەيداندا جۇڭگۇ كوماندىسى ئۈچۈن خېلى ياخشى پۇرسەتلەر كەلگەن بولسىمۇ بىراق بىر قېتىم قارشى تەرەپ ۋاراتارىنى بۇزالمىدى. ئالدىنقى يېرىم مەيدان مۇسابىقە 0-0 نەتىجە بىلەن ئاخىرلاشتى. 

60 مىنۇت بولغاندا رېن خاڭ چەكلەنگەن رايۇن ئىچىدە قائىدىگە خىلاپلىق قىلىپ قارشى تەرەپكە نۇقتا توپ سوۋغا قىلدى. بىراق جۇڭگۇ كوماندىسىنىڭ ۋاراتارى ۋاڭ دالېي قارشى تەرەپنىڭ نۇقتا توپىنى توسىۋالدى.

80 مىنۇت بولغاندا جۇڭگۇ كوماندىسى ئاخىرى ئۈستۈنلۈككە ئېرىشتى. يۈ خەي ۋاراتاردىن 30 مېتىر يىراقلىقتىن ئىختىيارى توپنى بىۋاستا كىرگۈزۈۋەتتى! توپ سەئۇدى ئەرەبىستان كوماندا ئەزاسىنىڭ بەدىنىگە تېگىپ ۋاراتارغا كىرىپ كەتتى.

ئاخىردا جۇڭگۇ كوماندىسى 1-0 نەتىجە سەئۇدى ئەرەبىستان كوماندىسىنى يەڭدى. بۇ جۇڭگۇ كوماندىسىنىڭ 17 يىلدىن بۇيان تۇنجى قېتىم سەئۇدى ئەرەبىستان كوماندىسىنى مەغلۇپ قىلىشى بۇلۇپ ھېسابلىنىدۇ.

بۇ مەيدان مۇسابىقىسدە نۇقتا توپنى توسۇۋالغان ۋاراتار ۋاڭ دالېي يۇقىرى باھاغا ئېرىشتى. 

( جۇڭگۇ كوماندىسىنىڭ ۋاراتارغا ئۇدۇل توپ ئۇرغان سانى 2، سەئۇدى ئەرەبىستان كوماندىسىنىڭ ۋاراتارغا ئۇدۇل ئۇرغان توپى 1. جۇڭگۇ كوماندىسىنىڭ توپنى كونترول قىلىش نىسبىتى 45%، سەئۇدى ئەرەبىستان كوماندىسىنىڭ توپنى كونترول قىلىش نىسبىتى 55%.)

جۇڭگۇ كوماندىسىدىن ئاساسلىق ئەزا سۈپىتىدە مەيدانغا چىققان توپچىلار : 23-نومۇر ۋاڭ دالېي. 17-نومۇر جاڭ چېڭدوڭ. ( 66 مىنۇت بولغاندا 9-نومۇرلۇق ياڭ شۈ ئورنىغا چىقتى.) 5-نومۇر جاڭ لىنفەن. 2-نومۇر رېن خاڭ. 3-نومۇر مېي فاڭ ( 78 مىنۇت بولغاندا 4-نومۇرلۇق جىياڭ جىپېڭ ئورنىغا چىقتى). 10-نومۇر جېڭ جى. 15-نومۇر ۋۇ شى. 14-نومۇر جى شىياڭ. 7-نومۇر ۋۇ لېي. 11-نومۇر گاۋ جۈنمىن ( 66 مىنۇت بولغاندا 20-نومۇرلۇق يۈ خەنچاۋ ئورنىغا چىقتى.) 21-نومۇر يۈ خەي.

جۇڭگۇ كوماندىسىدىن مەيدانغا چىقمىغان زاپاس توپچىلار: 1-نومۇر زېڭ چېڭ.6-نومۇر لى ئاڭ. 8-نومۇر سەي خۇيكاڭ. 12-نومۇر يەن جۈنلىڭ. 13-نومۇر لىيۇ جىيەنيې. 6-نومۇر سۈن كې. 8-نومۇر خاۋ لىن. 19-نومۇر لىيۇ بىنبىن. 22-نومۇر مىيۇ لىشېڭ.