كۆزەتكۈچىلەر تور بېتىنىڭ 22-مارتتىكى خەۋىرى، باغداش تورىدىن ئىرپان تەرجىمىسى:

ئەنگلىيە كۈندىلىك تېز خەۋەرلەر گېزىتىنىڭ 3-ئاينىڭ 19-كۈنىدىكى خەۋىرىگە ئاساسلانغاندا، بېلگىيە ساقچىلىرى 3-ئاينىڭ 18-كۈنى پارىژ تېررورلۇق ھۇجۇمىدىكى قېچىپ يۈرگەن جىنايەتچى ئابدۇسالام سالىھنى مۇۋەپپەقىيەتلىك تۇتقاندىن كېيىن، بېريۇسېل مولۇنبىك مەھەسللىسىدە مالىمانچىلىق يۈز بەرگەن. يەرلىكتىكى كۆپلىگەن مۇسۇلمان ئاممىسى كوچىلارغا چىقىپ، ساقچىلارنىڭ «قەھرىمان»نى قولغا ئالغانلىقىغا ئېتىراز بىلدۈرگەن ھەمدە ساقچى ئىدارىسىغا تاش ۋە ئەينەك بوتۇلكا ئاتقان. بېلگىيە ھۆكۈمىتى زوراۋانلىقنىڭ ئالدىنى ئېلىش ساقچىلىرى ۋە ئاپشاركىلارنى ئىشقا سېلىپ نامايىشچىلار توپىنى تارقىتىۋەتكەن.

نۇرغۇن ياشلار ئابدۇسالام سالىھنىڭ تۇتۇلغانلىق ئۇچۇرىنى ئاڭلىغاندىن كېيىن غەزەپلەنگەن، ئۇلار تېزلىكتە ساقچى ئېھتىيات سىزىقى بىلەن قورشالغان نەق مەيدانغا يېتىپ كېلىپ، «قەھرىمان» ئابدۇسالام سالىھنىڭ ئىسمىنى يۇقىرى ئاۋازدا توۋلىغان. يەرلىك ھۆكۈمەت ساقچى كالتىكى ۋە قالقان بىلەن قوراللانغان زوراۋانلىقنىڭ ئالدىنى ئېلىش ساقچىلىرىنى ئىشقا سالغان ھەمدە ئاپشاركا بىلەن نامايىشچىلارنى تارقىتىۋەتكەن. بېلگىيەنىڭ يەرلىك مېدىيەلىرى دېيىشىچە، نەق مەيداندا دەرھال پەيدا بولغان زوراۋانلىقنىڭ ئېلىش ساقچىلىرى ھۆكۈمەتنىڭ مالىمانچىلىق كۆرۈلۈشى مۇمكىنلىكىنى ئويلاشقانلىقىنى چۈشەندۈرۈپ بېرىدۇ. يەرلىك ھۆكۈمەتنىڭ قارىشىچە، كەسكىن ھەرىكەت قوللىنىپ جىنايەتچىنى تۇتقاندىن كېيىن، يەرلىكنىڭ ۋەزىيىتى داۋاملىق جىددىيلەشكەن.

بېريۇسېل ئەتراپىغا جايلاشقان مولۇنبىك رايونىدا 90 ئامما بار بولۇپ، %80ى مۇسۇلمان، ياۋروپادىكى «جىھاد»چىلارنىڭ جەننىتى دەپ ئاتىلىدۇ. ئابدۇسالام سالىھ، ئابدۇل ھەمىدنى ئۆز ئىچىگە ئالغان پارىژ تېررورلۇق ھۇجۇمىدىكى جىنايەتچىلەرنىڭ ھەممىسى بۇ رايوندىن كەلگەن. 2015-يىلى پارىژ تېررورلۇق ھۇجۇمى يۈز بەرگەندىن كېيىن، مولۇنبىك رايونى خەلقئارانىڭ قىزىق نۇقتىسى بولۇپ قالدى، بېلگىيە ھۆكۈمىتى مەزكۇر رايوندىكى ئاشقۇنلارنى تازىلاشقا قەسەم قىلدى، جىددىي كەيپىيات داۋاملىق يامرىدى.