مۇبادا، ئۇ سىزگە باش ئەگسە…

مۇھەببەتنىڭ ھەقىقىي ماھىيىتى، ھەرگىزمۇ تالان- تاراج قىلىش ۋە ئىگىلىۋېلىش بولماستىن ، بەلكى پەرۋىش قىلىشتۇر !
بىز مۇھەببەت باسقۇچىدىكى باغۋەن بىلەن مىۋىگە ئوخشايمىز . ئامەتلىك كىشىلەر ئۆزى تىككەن كۆچەتنىڭ مىۋىسىگە ئېرىشىدۇ . بەزىلەر  ئوڭۇشسىزلىققا ئۇچراپ ئۆز مىۋىسىنى باشقىلارغا تاتقۇزۇپ قويۇپ ، باشقىلار تىككەن كۆچەتتىن مىۋىگە ئېرىشىدۇ .
ئەينى يىللاردا رانا  قىز دوسلىرىنىڭ ئىچىدە كىشىنىڭ مەسلىكىنى كەلتۈرىدىغان بىر قىز ، ئۇ ئۆزىنىڭ سىزغان سىزىقىدىن چىقمايدىغان قامەتلىك بىر ئوغۇل دوست تاپتى . ئۇ ئوغۇل دوستىغا پەقەت ئىچ ئاغرىتقاندەكلا كۈلۈپ قوياتتى . رەنا  ھەر دائىم بىزنىڭ ئالدىمىزدا ئوغۇل دوستىنى ئۇ ناھايىتى بوشاڭ دەيتتى . ھېچكىمدە يوق مىجەز ئۇنىڭدا بار  دەپ زارلىناتتى ، ئۇنىڭدىن باشقا ھەممە ئادەم  بۇ قاملاشمىغان ئىگىز بالىنىڭ  رەنانىڭ ئالدىدا بېشىنى ساڭگىلاتقان ھالدا ئۇنىڭ بىلەن پاراڭلىشىشىنى پەقەت رەنانى ياخشى كۆرگەنلىكتىن بولغان ، بۇنىڭدا ئىككىنچى بىر سەۋەپ يوق ، دەپ قارايتتى رەنا ھال ئوقىتى ياخشى بىر ئائىلىدە چوڭ بولغان بولۇپ بىرلا قىز ئىدى شۇڭا ئويىدىمۇ دىگىنى دىگەن .
رەنا باشتىن ئاخىر بۇنى چۈشەنمىدى . تويدىن كېيىنمۇ ئۇ دائىم جىدەل قىلىپ تۇراتتى . جىدەل قىلغاندىمۇ بىر باشلىسا ۋالاقلاپ توختىمايتتى ، ئۆيدىمۇ ناھايىتى ئاز تۇراتتى . ئۇ ھامان تۇتامغا چىقمايدىغان ئىشلار ئۈچۈن جىدەل قىلاتتى كىمنىڭ توغرا ، كىمنىڭ خاتا بۇ ھەقتە سۆزلەشكىلى بولمايتتى . ھەر دائىم رەنا يىغلامسىراپ تۇرۇپ ماڭا ئۆيدىكى ئىشلارنى سۆزلەپ بېرىۋاتقان ۋاقىتتا ئېرىدىن تېلىفون كېلەتتى . ئەتىسى سەھەردە ئېرى ئەنسىرگەن ھالدا ئۇنى ئالغىلى كېلەتتى -دە ئۇنىڭ يىغىدىن ئىشىپ كەتكەن كۆزلىرىنى كۆرۈپ ناھايىتى ئازاپلىناتتى . خۇددى خاتا ئىش قىلىپ قويغان كىچىك بالىدەك بېشىنى ساڭگىلىتىپ تۇرۇپ ھەممىسى مېنىڭ كاساپىتىم  دەيتتى . مەن ئىچكىرلەپ ئارلىشاي دىسەم ئەر-خۇتۇن ئىككىسىنىڭ كىچىدىكى جىدەل ماجراسى تۇرسا . ھەر دەپ باقاي دەيمەنيۇ يەنە ئۆزەمنى بېسىۋالىمەن . چۈنكى مەن بۇ ھەقتە بىر قېتىم بۇرنۇمغا يىگەنتىم .
مۇشۇنداق ئىش بىرنەچچە قېتىم تەكرارلاندى . ئېرىمۇ بۇ ئىشلارغا بارغانسىرى پەرۋاسىز قارايدىغان بولدى . ئاخىرقى قېتىم رەنا  يەنە بىزنىڭ ئۆيدە قونۇپ قالدى . كەچلىكى ئۇنىڭدىن تېلىفونمۇ كەلمىدى ، ئەتىسى سەھەردە ئۇنى ئالغىلىمۇ كەلمىدى ، بۇنداق ھالەت توپتوغرا بىر ھەپتە داۋاملاشتى. بۇ ئىش ماڭا  ناھايىتى نورمالسىز تۇيۇلۇپ، ئۇنىڭ ئۆيىگە بىللە  باردىم ، ئېرى رەنانىڭ قايتىپ كەلگەنلىكىنى كۆرۈپمۇ خوشال بولمىدى . چىرايىمۇ ئېچىلمىدى ، رەنانىڭ چىرايىمۇ ناھايىتى تاتىرىپ كەتكەن ئىدى  . مەن ئىككى ئادەمدىن بىرىنىڭ ئاۋۋال باش ئىگىشى لازىملىقىنى ، بولمىسا مۇھەببەتنىڭ مەۋجوتلىقىنى يوقىتىدىغانلىقىنى بىلىمەن . بۇ ئىككەيلەننىڭ ئارىسىدىكى سوغوق مۇناسىۋەتلەر ئۇرىشى ئۈچ ئاي داۋاملاشقاندىن كېيىن ، ئۇلار ئاجرىشىپ كەتتى . ئاجراشقاندىن كېيىن رەنا نۇرغۇن ئەرلەرنى كۆرۈپ باقتى ، ھەرقانداق قىلىپمۇ لېكىن ئېرىگە ئوخشاش ئۇنىڭغا بويسۇنىدىغان ئەر كىشىنى ئىككىنچىلەپ ئۇچرىتالمىدى . رەنا ئېرىنىڭ گېپىنى پەقەت ئاغزىدىن چۈشۈرمەيدىغان بولدى .  ئۇ ئاشۇ سوغاق مۇناسىۋەت بىلەن ئۆتكەن ئۈچ ئاي ئىچىدە ، مەن ئۇنىڭ مىجەزىنىڭ چۇس ئەركەك ئىكەنلىكىنى بىلدىم ، بىراق نىمىشقا بۇرۇن ئۇ ماڭا شۇنچە مۇلايىم مۇئامىلىدە بولغاندۇ ؟ – دەيتتى . مەن _ ئۇنىڭ مۇلايىم بولىشىنى سېنى ياخشى كۆرگەنلىكتىن  بولغان  ، كېيىنكى تاش يۈرەكلىكى _ سېنىڭ ئۇنىڭ دىلىنى رەنجىتكەنلىكىڭدىن بولغان ، سېنى يەنە ياخشى كۆرۈشكە جۈرئەت قىلالمىغانلىقتىن بولغان ،_ دېدىم رەناغا  چۈشەندۈرىپ . بىرسىگە باش ئېگىش ھەرگىزمۇ كىشىنى خوشال قىلىدىغان ئىش ئەمەس . ئۇ پەقەت سېنى ياخشى كۆرگەنلىكى ئۈچۈنلا باش ئەگكەن .
كىمدۇر بىرسى ، مۇھەببەتلىشىۋاتقان ئىككەيلەننىڭ ئارىسىدا ئىختىلاپ كۆرۈلگەندە ، تۇنجى بولۇپ باش ئەگكىنىنى مۇھەببەت پەرىشتىسى دىسە بولىدۇ ، باش ئىگىش زاۋال تېپىش گىرداۋىدىكى مۇھەببەتنى قۇتۇلدۇرۇپ قالالايدۇ دىگەنىكەن . گۈزەل مۇھەببەت مۇساپىسىدە ھامان سان – ساناقسىز باش ئىگىشلەر بولۇپ تۇرىدۇ، پەقەت مۇھەببەت پەرىشتىسى ھايات بولسىلا ، مەشئىلى مەڭگۈ لاۋۇلداپ تۇرىدۇ .
مۇھەببەت باسقۇچىدىكى ئاياللارنىڭ كۆپىنچىسى رەناغا  ئوخشايدۇ . ئېھتىمال ئۇلارنىڭمۇ ئۆزىگە قارىتا ئىشەنچىسى كەمدۇ  ياكى قارشى تەرەپنى تازا چۈشىنىپ كەتمىسە كېرەك . ئۇلار ھەمىشە كىچىككىنە ئىشلار ئۈچۈن ئالەمنى مالەم  قىلىشىدۇ ، غەۋغا بېسىققاندىن كېيىن ئاشىقى باش ئېگىپ تالاي قېتىم ئەپو سورىسىمۇ ئۇلارنىڭ قەلبىدىكى نەپرەتنى يوقىتىۋېتەلمەيدۇ . ئۇلار ئۆزلىرىنىڭ قارشى تەرەپنىڭ قەلبىدىكى يۈكسەك ئورنىنى بىلگەنلىكى ئۈچۈنلا شۇنداق جاھانغا پاتماي قالىدۇ .  شۇنداق ، كۆپىنچە ۋاقىتلاردا ئاياللارنىڭ مۇھەببىتى باشقىلارنى ياخشى كۆرىشىدىن ، ئۆزىنى ياخشى كۆرىشىنى ئەۋزەل دەپ بىلىدۇ .  ئۇلار ھاكاۋۇر ئەرلەرنىڭ ئۆزىنىڭ ئالدىدا باش ئىگىپ تۇرغاندىكى رايىش ھالىتىدىن ھوزورلىنىشنى ياخشى كۆرىدۇ . ئۇلار ئۆزلىرىنىڭ خاتا قىلىۋاتقانلىقىنى ئېنىق بىلىپ تۇرسىمۇ قارشى تەرەپنىڭ سەۋەنلىكىنى تونىشىنى كۈتىدۇ .  سەن رەنانى ياخشى كۆرىسەن ، مەن ساڭا خوجايىن دەپ ، ئويلايدۇ  . نىمىلا دىگەنبىلەن قارشى تەرەپ سىزنى قانچىلىك چوڭقۇر دەرىجىدە ياخشى كۆرگەن ھالەتتىمۇ ئۇ قايتا – قايتا باش ئىگىشكە مەجبورلانسا ، ئۇنىڭمۇ ھامان ھاردۇق يەتكەندەك تۇيغۇغا كىلىپ قالىدىغان چاغلىرى بولىدۇ . ھەر قېتىم باش ئەگكەندە ئۇنىڭ قەلبى ئۇنىڭ سىزگە بولغان مۇھەببىتىنى چۈشىنىشىڭىزگە ، ئۆزىگە ئوخشاش دەرىجىدىكى مۇھەببەت بىلەن جاۋاپ قايتۇرىشىڭىزغا ئىنتىزار بولىدۇ . مۇبادا سىز باش ئەگسىڭىز ، ئۇنىڭ ئالدىنقى قېتىملىق ناماقۇللىقىنى تېخىمۇ چوڭقۇر چۈشىنىسىز . ئۇ يۈرەكتە ساقلىنىپ سۆيگۈ تېخىمۇ چوڭقۇرلاپ بارىدۇ .
مۇھەببەت مۇساپىسىدىكى باش ئىگىش ھەرگىزمۇ سەۋەنلىك ئۈچۈن ئەمەس ، ھەقىقىي توغرا بىلەن خاتىنىڭ  قانداق مۇھىم تەرىپى بار ؟  مەن سېنى سۆيىمەن ، شۇنىڭ ئۈچۈن مەن سەندىن ئەپۇ سورىدىم مانا بۇ ئەرلەرنىڭ نەزەريەسى .
ئەرلەر رايىشلىقنىڭ ماھىيىتىنى چۈشەنمەيدىغان ، ئايالنىڭ ئالدىدا ئون قېتىم ، ھەتتا يۈز قېتىملاپ باش ئىگىشكە چىداپ تۇرىشى  ، پەقەت مەن خاتا قىلدىم دىگەن سۆزلا بولماستىن قەلب ئەقىدىسىگە بېرىلگەن جاۋاپتۇر . ئۇ ھامان بىر كۈنى ئۆزىنىڭ مۇھەببىتىنى قەدىرلىيەلمەيدىغان بىر ئايالنى ياقتۇرۇپ قالغانلىقىغا كۆزى يېتىدۇ . ئۇ چاغدا ئۇ بىر بولسا كۆڭلى ئازار يەپ چېكىنىدۇ ، بىر بولسا قەلبى ئازاپقا تولىدۇ .  نىمە ئۈچۈن  ھەر دائىم مەنلا كەچۈرىم سورايمەن  دىگەن خىيالدىن كەچكەندە ، ئەمدى باش ئەگمەسلىك قارارىغا كېلىدۇ .
ئاياللار ھەمىشە نۇرغۇن يىللاردىن كېيىن ئەرلەرنىڭ ئۆزىگە باش ئىگىشىنىڭ مۇھەببەت  ئۈچۈن ئىكەنلىكىنى ، ئۆزىنىڭ ئەينى چاغدا مۇھەببەتنى تەخسىدىكى مەرۋايىتتەك ئويلاپ يۈرگەنلىكىنى ھېس قىلىدۇ .  مۇھەببەتنى ناھايىت ئىنچىكىلىك بىلەن كۈزىتىپ ، ئاندىن تونۇرغا ئوتنى قاچان يېقىپ ، قاچان ئۆچۈرىشتە خۇددى ۋاقىتقا ئەھمىيەت بەرگىنىڭىزدەك ئۇنىڭغىمۇ شۇنداق ئەھمىيەت بېرىشىڭىز لازىم . مۇبادا سىز مۇھەببەتنى نابۇت قىلماقچى بولسىڭىز ئۇنداقتا سىز ئەبەدىي ئىگىلمەڭ . پەقەت ئۇنى باش ئەگدۈرىش كويىدا بولۇڭ . ئەگەردە سىز مۇھەببەت ھوزورىنى سۈرەي دىسىڭىز  ئاچچىقى كەلگەندە باش ئىگىپ  ئەپو سوراشنى ئۆگىنىڭ .
ئاخىرىدا دىمەكچى بولغىنىم ؛   مۇشۇنداق قالايماقانچىلىققا تولۇپ كەتكەن جەمىيەتتە ياشاۋاتقان ئىكەنمىز ئۆزىمىزنىڭ ھەر تەرەپلەردىكى ساپايىمىزنى ئۆستۈرىپ . گۈزەل بولغان ئائىلىمىزنى مۇستەھكەم قىلايلى شۇندىلا ئىناق ئائىلە  قۇرغىلى بولىدۇ .

ھېكىمەت

ئوخشاش بىر ئېرىقتىكى سۇنى بەزىلەر ئالتۇن كاسسىدا، بەزىلەر ساپال قاچىدا ئۇسسۇپ ئىچىدۇ. ئالتۇن كاسسىمۇ، ساپال قاچىسىمۇ يوق كىشىلەر قوللىرىدا ئوچۇملاپ ئىچىدۇ. سۇدا ھېچقانداق پەرق يوق، ئۇنىڭدىكى پەرق سۇ ئۇسىدىغان قاچىدا...

يازما ھوقۇقى: تۇرمۇش خاتىرىسى
يازما ئادىرىسى: ../?p=2677