چاپقۇرلار ئائىلىسىگە تەۋە ماشىنىلىرى كەڭ تارقالغان گىرمانىيە داڭلىق ماركىسى PORSCHE «پورش» نىڭ كايەن دەيدىغان بىر SUV سى بار. كۆپ قىسىم ھەۋەسكار دوستلار بىلسە كېرەك. نۆۋەتتە ھازىرچە مەخسۇس چاپقۇر ياسايدىغان بىر ماركىنىڭSUV شەكلىدىكى 4 ئىشىكلىك ماشىنىنى ئالاھىدە ياسايدىغاندىن پەقەت پورشلا بار. ئاڭلىساق يېقىندا قاتىل چاپقۇر ماركىسى «لەمبورگىنى» Lamborghini بۇنىڭغا رىقابەتچى ياسىغۇدەكمىش …
ئاۋال بىز گېپىنى قىلىۋاتقان پورش كايەن Porsche Cayenne نىڭ بىر قانچە پارچە رەسىمىنى بىر كۆرۈپ ئۆتەيلى.
پورش ماركىسى كىشىلەرنىڭ قەلبىدە ئىنتايىن كلاسسك بولغان چاپقۇر ماركىسى. ئۇنىڭ بۇ SUV سىنىڭ باھاسىمۇ بەك يۇقىرى بولمىغانلىقى ئۈچۈن، ئىستىمالچىلارنىڭ كۆپلەپ سېتىۋالىدىغان شەھەر SUV سى قاتارىدىن ئورۇن ئېلىپ كېلىۋاتقان ئىدى. چۈجەيرىسىدە چاپقۇر ئېلىمىېنتى بولغان كايەننىڭ ئەمدى «بىردىنبىر چاپقۇر ماركىسىدىكى SUV» دېگەن خان تاجىسىنى تالىشىدىغان رىقابەتچىسى چىققۇدەكمىش. ئۇ رىقابەتچىسى، غايىۋى چاپقۇر ماركىسى – لەمبورگىنىدىن كېلىدىكەن.
پورشنىڭ كىشىلەر نەزىرىدىكى يۇقىرى ئورنىنىڭ تۈرتكىسىدە ھەشەمەت SUV قاتارىدا ناھايىتى ياخشى سېتىلغان كايەننى كۆرۈپ تۇرغان بېنتلىي، لەمبورگىنىلار ئولتۇرالماي قالغان چېغى. ئاڭلىسام فەرارىمۇ ئەتە-ئۆگۈن SUV ياساپ چىقارمىش. نېمىلا دېگەن بىلەن SUV ھەقىقىي ئەركەكلەر ئىنتىلىدىغان ماشىنا تۈرىدە.
مۇشۇ ماركىلارنىڭ SUV لىرى ئېلان قىلىنىدىغانلىق خەۋىرى تارقىلىپ ئۇزۇن ئۆتمەي، چەتئەل ئاخبارات ۋاستىلىرى مۇشۇ بىر قانچە پارچە لايىھە رەسىملىرىنى ئېلان قىپتۇ. بىلمىدۇق بۇ يىل 4-ئايدىكى بېيجىڭ ماشىنا كۆرگەزمىسىدە بۇ يېڭى ئوقەتنى كۆرەلەمدۇق يوق؟
رەسىمگە قارىساق سىرتقى كۆرىنىشى لەمبورگىنىنىڭ ئېلىمېنتلىرىنى ئۆزىدە مانا مەن دەپ مۇجەسسەملەپ تۇرغاندەك قىلىدۇ. گاللاردوغا ئەڭ ئوخشىغىنى چوڭ چىرىغىدەك تۇرىدۇ. ئارقا تەرەپتن سپورت پۇرىقى گۈپۈلدەپ پۇراپ تۇرىدىكەن. ئاستىدىن ئۈستىگە چىققان قارا رەڭلىك قىسمىغا قارىساق قۇيۇن يوقىتىش قۇرۇلمىسىنىمۇ كۆرەلەيدىكەنمىز. دېمەك بۇ SUV نى بوش چاغلىغىلى بولمىغۇدەك.
خەۋەرلەرگە قارىغاندا بۇ مەخلۇققا 567 ئات كۈچىگە ئېگە V10 ماتور سەپلىنىدىكەن. بۇنىڭدىن باشقا 700 ئات كۈچىگە ئېگە ئارىلاش كۈچ مەنبەلىك نۇسقىسىمۇ بار بولۇپ، يېشىل ئېنىرگىيە مەنبەسىدىكى ماشىنىلارغا ئامراق كىشىلەرگە يەنە بىر تاللاش قالدۇرۇلغان. نۆۋەتتە بۇ ماشىنا «ئۇقۇم» دەۋرىدە بولۇپ، سىناش باسقۇچىدا ئىكەن. بەلكى 2015-يىللىرى بازارغا سېلىنىشى مۇمكىنكەن. چەتئەل ئاخبارات ۋاستىلىرىنى كايەن بىلەن سېلىشتۇرۇپ تەھلىل قىلغىنىدىن قارىغاندا باھاسى بەلكى ئۆزىنىڭ چاپقۇرلىرىدەك ئۇ دەرىجىدە قىممەت بولماسلىقىمۇ مۇمكىنكەن. ئاللاھ نىسىپ قىلىپ شۇ ۋاقىتلارغا ئۇلاشساق بۇنىڭغا شاھىدمۇ بولۇپ قالارمىز.
sportage غا ئازىراق ئوخشاپقالدىكەن ئالدى تەرپى..بازارغا چىققۇچە جىق پۇل تېپىپ ساقلاپ ئولتۇرسام بولامدۇ نىمە؟بەك ياراپ كەتتا بۇ…