توردا "ئالما شىركېتى بۇ يىلى 9 – ئايلاردا iPhone6 بىلەن iWatch نى بىرلا ۋاقىتتا بازارغا سالىدۇ، باھاسى 199 ئامېرىكا دوللىرىدىن 229 دوللارغىچە بولىدۇ" دېگەندەك خەۋەرلەر تارقالغانىدى.
يېقىندا يەنە يېڭىدىن باشقىچە ئۇچۇر تارقالدى. ئالما شىركېتى كەسپىي ساھە خادىملىرىنىڭ ئاشكارىلىشىچە iWatch بۇ يىل 10 ئايلاردا iPhone6 دىن كېيىن بازارغا سېلىنىدىكەن. ئىكىرانىغا ئەگرى يۈزلۈك OLED كۆرسەتكۈچ ئىكىران سەپلىنىدىكەن. iWatch يەنە سىنزۇر ئارقىلىق ئىشلەتكۈچىنىڭ بەدەن ئىسسىقلىق سەرپىياتى، قاندىكى ئوكسېگىن مىقدارى، ئۇيقۇ سۈپىتى ۋە قاندىكى ماي نىسپىتى قاتارلىق سالامەتلىك ئۇچۇرلىرىنى توپلىيالايدۇ. بولۇپمۇ قان سىيىش كېسىلى بىمارلىرىغا تولىمۇ ياخشى تاللاش بولالايدۇ. تەھلىلچىلەرنىڭ ئىيتىشىچە: قان سېيىش كېسىلىنى ھەر قېتىم تەكشۈرتىشكە كېتىدىغان چىقىمنى كۆزدە تۇتقاندا، ئەگەر ئالما تەرەپ iWatch نىڭ يۇقىرىقى ئىقتىدارى ئارقىلىق ئىھتىياجنى قامدىيالىسا زور ئۇتۇق قازانغان ھېسابلىنىدىكەن.

iWatch مەسئۇل تەرەپنىڭ ئاشكارىلىشىچە، ئالما ھەريىلى 3 مىليۇندىن 5مىليۇنغىچە iWatch ئىشلەپ چىقىرىدىكەن. ئەلۋەتتە بۇ سان بۇلتۇرقى ئەقلىي ئىقتىدارلىق سائەتلەرنىڭ ئومۇمىي سېتىلىش سانىدىن ئارتۇق.