ئىشىقنامە
(غەزەللەر)
قۇربان ئابلىمىت
(1)
ئۆتسەم ماڭغان كوچاڭدىن ئپار-ئەنبەر پۇرايدۇ،
سېنى ئويچان كۆزلىرىم كۆرۈنگەندىن سورايدۇ.
كۈيۇۋاتقان سېغىنىش گۈلخان بولدى بىلمىدىڭ،
سۆيگۈڭ مېنى ئامرىقىم قاچانغىچە سىنايدۇ؟
چىن ۋاپادار يار تۇرسام ھىجران ئوتى تۈنلەردە،
مېھرى ۋاپا ئەھلىنى يەنە نېمە قىينايدۇ.
تۇغۇلىدۇ باھارمۇ ئاشىقلارنىڭ كۆزىدىن،
تەشۋىشلەنمە بېغىڭنى گۈل- غۇنچىلار ئورايدۇ.
ئېچىلىپتۇ لىۋىڭدە تەبەسسۇمىڭ چېچەكلەپ،
كېپىنەك بوپ لەۋلىرىم ئۇنى قاچان شورايدۇ.
(2)
سۈبھى ئوغلى تۇغۇلغاندا ئۇپۇق مەڭزىدە قان پەيدا،
ھاياتلىق كۈيىگە تەشنا يېڭى يولدا نىشان پەيدا.
ئەگەر كۈي چەشمىسى ئاقسا ئۇچارلىقلار تىلىدىن بىر،
باياۋاندا تىنەپ يۈرگەن مادارسىز تەندە جان پەيدا.
پەسىللەر تاشلىسا گاھى پەلەك دەرگاھىغا قاسراق،
كۆزۈم ئىكرانىدا شۇدەم كۈلۈپ رەڭدار جاھان پەيدا.
قىسىپ ئۈمىد چېچەكىنى ھايات قاينامىدا ئۈزسەڭ،
ئىزىڭغا باش ئۇرۇپ ئۇپقۇن چوقۇم ئالدىڭدا شان پەيدا.
ئەقىدە باغلىرى قۇربان غۇرۇردىن سۇ ئىچىپ قانسا،
سۆيۈپ مەڭزىڭگە ئاي يۈزلۈك ئۆمۈرلۈك مىھرىبان پەيدا.
(3)
گۈل ھىدلىق تىنىقلىرىڭ كېلەرسەلكىن شامال ئارا،
كۈلىسەن قەلبىم بېغىدا سۆزلىرىڭ سۇئال ئارا.
ئەسلىمەم ئەينىكىنى چەككەندە ئوتلۇق كۆزلىرىڭ،
كۆزلىرىمگە نۇر ياغار ئوماق زىناقىڭ خال ئارا.
كېچىدە تەنھالىقىم ھىجران ئازابى بەرسىمۇ ،
قايغۇ كۆيى لەۋلىرىمگە بال سۇنار ۋىسال ئارا.
يەلپۈنەر قۇندۇز چېچىڭ تۆكۈپ تۈنلەرگە ھەيرانلىق،
كۈتۈشتە ئاي ماكان قىلغان يىگانە مەجنۇنتال ئارا.
چىن ئىشەنچ سۇلتانلىقىدا ئۈمىد مەڭگۈگە يار بولسا،
سۆيگۈ گۈللىرى سۇلماس قالساقمۇ تۇن زاۋال ئارا.
(4)
يولۇڭغا تەلمۈرۈپ كۈتسەم يولۇڭدىن جۇت -تۇمان كەلدى،
تۇماندا رەڭگى سارغايغان سۆيگۈم پەسلى خازان كەلدى.
سۇنغاندا ئارمان قانىتى مۇسۈبەت باستى ھوجرامنى،
ئارامسىزلىق ھاياتىمدىن كۆزۈمگە ياش قىيان كەلدى.
پايانسىز چۆلگە تاشلاندىم جۇدالىقتا چىكىپ غەمناك،
يەنە ئىزلەپ باراي دىسەم يولۇمغا تاغ- داۋان كەلدى.
سېنى سۆيگەن گۇناھىمغا گۇناھنى يۈكلىدىڭ قات-قات،
تېخى تەتۈر پىسانەمگە ۋاپاسىز نام-نىشان كەلدى.
ئىرادە باغلا ئەي قۇربان بۈيۈك تاڭلار چوقۇم ئاتقاي،
نادامەت چەكمىگىن زىنھار ساڭا زور ئىمتىھان كەلدى.
(5)
نېچۈن بەردىڭ ماڭا دىلبەر تەنھالىق تىل تۇمارىنى،
پېقىر كۆڭلىگە جەم ئەيلەپ ئازاپلىق دىل خومارىنى،
كۆككە ئۇچاردىڭ قاي سەۋەپ قايغۇ كۈيىدە لەيلىتىپ،
ھاياتىمغا قىلىپ مۇڭداش ئۈزۈك تارنىڭ ئۇدارىنى.
پەلەك ھەييارلىقى شەيتان يولۇمغا كەڭ توساق سالسا،
بىرىپ شەيتان كۆڭلىنىڭ بۇ قاراملىق ئىختىيارىنى.
نەسەپداشتىم قۇياشقا مەن تۇغۇلغان چاغدا خاكىڭدىن ،
ئەجەپ بىلمەپتىمەن باشتا گۈلۈمنىڭ غەم سۇنارىنى.
تەنھا تۇغۇلغان بەندە مەن تەنھا ياشاشمۇ شان قۇچار ،
بۇزمايلا ئۆتسەم ھەر قاچان بۈيۈك ۋىجدان قارارىنى.
(6)
ئۈندى سىماھىڭ ئاھ،قاچان ئۇتلۇق كۆزۈم تۇپراقىدا،
پارلىدى شۇندىن بۇيان شەبنەم يۈرەك ياپراقىدا.
كۆزۈڭ دولقۇنلىغان چەكسىز غۇبارسىز سۆيگۈ ئوكيانى ،
ئاڭا چۈشمەككە ئىمكان يوق تۈمەن لەشكەر قىرغاقىدا
چۈشۈمگە گەر كىرىپ قالساڭ يۈرەككە تىغ ئۇرار ھىجران،
بەخىتتىن شاد كۈلەر تۇيغۇم بىھۇشلانسام قۇچاقىڭدا.
لىۋىڭدىن چوغ سورار بەلكىم سەھەر پەيتىدە ئوت شارى،
ئاشۇ ئوت شارىدەك مەنمۇ كۈيۈپ ياندىم پىراقىڭدا.
نازاكەت كۆكلىمىڭ ئىچرە دىلىم باغىنى گۈل قىلغىن،
ھاياتىم كۆكلىسۇن مەڭگۈ سېنىڭ سۆيگۈ بۇلاقىڭدا.
(7)
باھار گۈلشەنلىرى كۈلگەي بۇلبۇلدىن ناۋا كەلسە،
دىماقلار مەست بولۇر گۈللەر زىناقىدىن ھاۋا كەلسە.
شىۋىرلاپ كۈي تۆكەر ياپراق چىمەنلەرنىڭ قۇلاقىغا،
ئېغىر تىنغاندا كائىنات پەلەكتىن شوخ سابا كەلسە.
ۋىسالغا تەلمۈرۈپ يىغلاپ بۇلۇتلار ياش تۆكەر يۇم-يۇم،
قۇياش، ئاي لېۋىدىن ھەر دەم ئۇچۇپ ئاتەش سادا كەلسە.
ھاياجان تىترىكى ئىچرە كۆيەر يۇلتۇزلار ئارماندا،
ئىشىق ئىلكىدە ئاشىقنىڭ كۆزىدىن ئوت لاۋا كەلسە.
ئۆتەر ئۆمرۈم مۇھەببەتلىك ۋىسال-قۇت تەختىدە مەڭگۈ،
ۋاپادار گۈل نىگارىمدىن يۈرەكىمگە داۋا كەلسە.
(8)
ئەقىل رومكاڭ توشار ھەيھات، چىنار قەددىڭ پۈكۈلگەندە،
مۇھەببەت ئەۋجىگە يەتكەي ئۇنىڭ قەدرى ئۆتۈلگەندە.
كۈلەر ئۆمرۈڭ بېغى ياشناپ شەپەقتىن رەڭ تالاشقاندەك،
پىشانەڭدىن سۈزۈك يامغۇر گويا سەلدەك تۆكۈلگەندە.
قىلار مەستخۇش سېنى ئالەم گۈزەللەر كۆكسىدەك تىتىرەپ،
ئۆلۈم جامى ئارا جانغا تېمىم شەربەت يۈتۈلگەندە.
قاچار بەلكىم كۆلەڭگەڭدىن بەختنىڭ قۇشلىرى قۇتراپ،
پەلەكنىڭ ئالدىدا يىغلاپ قەلەندەردەك يۈكۈنگەندە.
مۇھەببەت ناخشىسى ئېيتار ھاياتلىق كۈيلىرىڭ ھەر دەم،
بىھاجەت ياش تۆكۈپ يىغلاش ئىشىق ئەھلى ئۈكۈنگەندە.
(9)
كەل دىلبىرىم يۈرەكىمنى سېنىڭ ئۈچۈن جەننەت ئىتەي.
ئۇنىڭ بىھۇش كۈيلىرىگە سېنى بىر دەم ئۈلپەت ئىتەي.
يانار دىلدا گۈزەل ئارمان مۇھەببەتتە مېنى تاۋلاپ،
ئاتەش ھىجران قۇچاقىدا كۈيۈشنى بىر پۇرسەت ئىتەي.
تولار سۆيگۈ شارابىغا ئەقىدە جاملىرى دەرتلىك،
ئىچىپ ئۇندىن تېمىم شەربەت ھاياتىمغا رىغبەت ئىتەي.
توشۇپ كەتتى ئازابقا دىل، ئۆتۈپ كەتتى يەنە بىر يىل،
پۇشايمانسىز ھاياتىمنى ساڭا بىرلا نۇسرەت ئىتەي.
كۈتەر غەمكىن دىلىم ھەر چاغ،سېنىڭدىن زەرىچە ئىنئام،
ۋىسال جامى تۇتار بولساڭ ئۇنى مەڭگۈ ھۆرمەت ئىتەي.
(10)
سىھىرلىنەرپۈتۈن ئالەم گۈزەل سەرۋى سىىياقىڭدا،
قۇياش ئۇخلاپ ياتار مەستخۇش يۈزۈڭ بەرگى زىناقىڭدا.
بۇلۇتلارتارقىلىپ كۆكتىن چىمەنلەرمۇ بولۇر نىمجان،
جاھان كۆكسىگە ئوق ئاتقان جادۇ كىرپىك قىياقڭدا.
كۆتۈرسە بىھىساپ دولقۇن كۆزۈڭ ئوكيانىدا ئەكسىم،
نۇرى چاقنايدۇ بەختىمنىڭ كۈلۈپ تۇرغان قاراقىڭدا.
چاڭقىسا ياشلىق چۆلىدەئارزۇ-ئۈمىدنىڭ يىلتىزى،
ھاياتلىق كەۋسىرى ئىچكەي سېنىڭ سۆيگۈ بۇلاقىڭدا.
سەمەندەرلەرگە ئايلاندى ئىشىق گۈلخانىدا قۇربان،
قىلىچ ئالدىدىمۇ كۈلگەي ئۆلەر بولسا قۇچاقىڭدا.
(11)
جۇنۇن سەھراسىدا بىلسەڭ نىگارباشقا،پەرى باشقا،
پاكلىق كۆكىدە نۇر چاچقان ھاياتلىق ئەختىرى باشقا
ئىچىپ قانساممۇ ھەتتاكى ھىلالنىڭ كۆزىدىن شەبنەم،
يۈتمەس پەقەت چاڭقاقلىقىم ۋىسالنىڭ كەۋسىرى باشقا.
ئۈلۈم قۇشلىرى كەلسە نىگارىمدىن ئېلىپ خەۋەر،
شىھىت بولماس مېنىڭ روھىم نىگارنىڭ خەنجىرى باشقا.
قۇياش سۇ بولغىدەك ئۇچقۇن كۆزۈمدە تۇرسىمۇ پارلاپ،
يۈرەك باغرىمنى ئىرىتكەن قارا كۆزنىڭ نۇرى باشقا.
سۈزۈپ چىقسام تۈمەن مىسرا ئىلھام دېڭىزىدىن ھەردەم،
سۆيگۈ- ۋاپانى كۈيلىگەن نەزمەمنىڭ ھەر قۇرى باشقا.
(12)
قاچانكى دىل ھىماتىڭ گۈل دىلىڭدا بەلكى كۆكلەم بار،
لىۋىڭدىن گۈل سۈيى ئىچتىم لىۋىڭدە بەلكى زەمزەم بار.
ئاي ئىرىپ ھىجران تۈنى كۆزۈڭگە چۆكتى بىر يۇلتۇز ،
يۇزۈڭ بەرگى زىناقىڭ نەم كۆزۈڭدە بەلكى شەبنەم بار.
سېغىنىش جىلغىسىدا قان ئاقار يوللارغا رەڭ تاشلاپ،
دىلىڭنى شەبىستان قىلغان كۈيىڭدە بەلكى مۇڭ- غەم بار.
ئۇياتچان ئوت خىيالىڭ ھەم پىنھانە مەكتۇبىڭ ئىچرە ،
ھېىسلىرىم چاڭقاقلىغىغا سۈزۈڭدە بەلكى مەلھەم بار.
ئەقىدە كەۋسىرى تولغان ھاياتلىقىم ئېقىنى سەن،
كۈتۈشتىن يالتايسا گەر كۆڭلۈم ئىزىڭدا بەلكى قەبرەم بار.
ــــــــــــــــ
قۇربان ئابلىمىت(قەشقەر يېڭىشەھەر ناھىيە يامانيار يېزىلىق ئوتتۇرا مەكتەپ)
库尔班。阿卜力米提 (喀什疏勒县亚曼牙乡中学)
身份证号码：653122197301201412 电话：13565672884
|
|
|||||||
