ۋىسال ناخشىلىرى
تۇردى ئىسرائىل
ئالدىمدا ئەلمىساقتىن باشلانغان بىر يول.... كەلدىم ئېرالار بۇسۇغىسىدىن . جەزىرىدىكى قۇملار ئارىسىدىن. يوقالماس شەپەقتەك نۇرلۇق ئۈمىدىدىن ، زېمىنغا سىڭىپ كەتكەن بۇيۇك رۇھتىن ، بوۋاملارنىڭ يىراق قەدىمى ئارزۇسىدىن . ..... . تومۇرىمدا كۆۋەجەيدۇ، ئۇلۇغ ئەجدادلار قېنى. چەكسىز ئىزتاراپ چىرمايدۇ قەلبىمنى. كەينىمدە چەكسىز خارابە ئىزلار ئۇزۇنغا سۇزۇلغان ئىلاندەك يوللار ياۋ نەيزىسىدەك قۇيۇق چاتقاللار، سۈكۈتكە چۈمگەن قاراڭغۇ ئورمانلار، خىيالى تۈگىمەي بېشى ئاقارغان تاغلار ، نەگىدۇر ئالدىراپ يۈگۈرگەن دەريا، تىمتاس قۇچاق بولۇپ بولۇپ كۈرۈنگەن دالا. مەن ئەشۇ يىراق قەدىمدىن كەلدىم، ھەممىگە شاھىد بىر مۇقەددەس زېمىندىن كەلدىم . تۇرىمەن ئۇپۇق گىرۋىكىدە ، ئۆتمۈش بىلەن مەيۈس خۇشلۇشۇپ، ئالدىمدا قاينامدەك دەھشەت مەنزىرە ، رىقابەت ئوقلىرى چېقىندەك كەسكىن، جىم تۇرسام قالىمەن چۈككەن تاش كەبى. ئىرادە يەلكىنىم ،ئۈمىد پالىقىم، ئىناقلىق،ئەمىنلىكنى قىلىپ ھەمرا ، يۇلقۇندۇم زەرىپتە دولقۇنلار ئارا. شۇ مەنزىرە، ئوڭۇمدا شىددەتلىك چۈشۈمدە دېڭىز دولقۇنى گۇيا. تەقدىر بازغان بولۇپ تېگىدۇ ، روھىم ئۇنىڭ مەزمۇت سەندىلى. تۇرىمەن بۈگۈننىڭ گۇگۇمى، ئەتىنىڭ ھارپىسىدا. ئۈمىددەك سەھەر ، سەھەردەك ئۈمىد ، پارلار بۇۋاق تەبەسۇمىدەك. گۇيائۇ بىلىنىدۇ قۇياش ھەر كۈنى يېڭى تۇيۇلغاندەك، بولىمەن ھەر كۈنى يېڭىۋاشتىن توغۇلغاندەك، جېنىمغا مىڭ جان قۇشۇلغاندەك، كۆزلۈرۈمدىن ، ئىناقلىق نۇرى سۆيگۈ-مۇھەببەت قۇيۇلغاندەك. كۆرىمەن ئانا تۇپىراقتا ، قۇياش ئەمەس قىزىل گۈللەر ئېچىلغاندەك، زىمىنغا مىلىيۇن گۈل –چىچەك چېچىلغاندەك. ئەتە.... ئۈمىدىدەك سەھەر، سەھەردەك ئۇمىد گۈلگە ئوخشاش پۇرەكلەر، ئەجدادلار ئارزۇسى نەۋرىمىز، چەۋرىمىزنىڭ نۇرانە چېھرىدە كۈلەر . .... غايىپ بولار ئالۋۇندەك، روھىمىزنى چۈشەپ تۇرغان ئازاپ-ھەسىرەتلەر. تۇرىمەن قۇياش بىلەن روبىرۇ، ئۇپۇقتا چېچەك ئىچىپ ئاۋامنىڭ ، قەلبىدىكى ئوتلۇق تىلەكلەر خۇشلۇقىدا كېلەر بەختنىڭ، يېرىلغۇسى يۈرەكلەر. نەقەدەر گۆزەل نەقەدەر سۆيۈملۈك، تاڭلا ئەتە بىزنى كۈتىۋاتقان شۇ نۇرانە سەھەرلەر. ........
بۈگۈر ناھيە باغۋەنچىلىك مەيدان باشلانغۇچ مەكتىپىدىن : تۇردى ئىسرائىل تېلېفۇن : 13345454541 . 4695125 -0996 |
|
|||||||
