تارىم تور بېكىتى

  مۇزلىغان يۈرەك

ھېكايە

پەرھات جەمشىت

     ئىست نىمىشقىمۇ بۇرۇن ئويلۇشۇپ  ئىش قىلمىغان بولغۇيدوم ،شۇ چاغلاردا ئاشۇ نېجىس كۆڭۈلنىڭ كەينىگە كىرمىگەن بولسام بۈگۈنكىدەك ئىشلار بولمىغان بولاتتى! ئۇ ئۆز-ئۆزىنى ئەيىبلەيتى بىراق نىمىلا قىلغان بىلەن بولغۇلۇق بولغاندى  .ئاجىرىشىپ كېتەي دىسە خەلقى ئالەمنىڭ سۆز-چۆچەك قىلىشىدىن قورقۇپ ،ئاجىراشماي دىسە  ئېرىنىڭ زۇلۇمى .بىچارە ئايگۈلنىڭ گۈلدەك چىرايلىرى ساماندەك سارغىيىشقا باشلىدى. بىراق ئۇ يەنىلا ئوڭشۇلۇپ قالار دىگەن ئۈمۈدتە كۆڭۈلسىزلىكلەر ئىچىدە ئۆيىنى تۇتۇشنى داۋاملاشتۇرۇۋاتاتتى .مانا بۈگۈن ئۇ بىر قارارغا كەلگەندەك قىلاتتى.خىزمەتتىن بالدۇرلا قايتىپ كەلگەن ئايگۈل تاماق تەييارلاپ يولدىشىنىڭ  كېلىشىنى كۈتمەكتە ...

ئۇ تېخىچىلا قايتىپ كەلمەيتى قۇياش ئۆزىنى تاغ كەينىگە شارتتىدە قىلىپ يوشۇردى،ئايگۈل تاماق ئۈستېلى ئالدىدا قانداقتۇر بىر چىگىش خىياللار بىلەن بەند .كېچە ،ئاي جامالىنى قارا بۇلۇت بىلەن قېلىن چۈمپەردە قىلىپ يېپىۋالغان.يۇلتۇزلار تولىمۇ شالاڭ،ھەيۋەتلىك ئاسمان گۈمبېزىنىڭ ئۇ يەر-بۇيېرىدە غۇۋا جۇلالىماقتا .بارچە ئۇيقۇ دېڭىزىدا ئۈزۈشمەكتە بىراق ئۇ يەنىلا شۇ ئايىقى چىقمايدىغان چېگىش خىياللار ئىلىكىدە پەرۋاز قىلماقتا ...
-تۈن نېسبى بىلەن ئىشىكنىڭ قاتتىق چېكىلىشى ئۇنىڭ خىيانىڭ  بۆلۈۋەتتى ،ئىشىك تەرەپكە قاراپ ماڭدى .
-تېخىچە ئۇخلىمىدىڭما؟
-ياق سىزنى ساقلاپ ئولتۇردۇم.
-تاماقنى ئىسسىتىپ كېلەي بىرگە يەيلى .
-ئۆزۈڭ يە، مەن يەپ كەلدىم .ئۇ دەلدەڭشىگەن پېتى ياتاق ئۆيگە  ماڭدى .ئايگۈلمۇ ئۇنىڭ كەينىدىن كىرىدى ۋە ئورۇن راسلاپ بېرىپ چىقىپ كەتمەكچى بولدى.
-نەگە بارىسەن ؟كەل بۇياققا پۇتۇمنى تۇتۇپ قوي ۋارقىرىدى قادىر .ئايگۈل كېلىپ ئۇنىڭ پۇتىنى تۇتۇشقا باشلىدى .ھە قېىنى يىشىنمەمسەن تېز بول ،يىشىنىۋېتىپ دىدى قادىر .ئۇ ئامالسىزلىقتىن يېشىنىپ تەييار بولدى كېلە قېنى كۆڭلۈمنى خۇش قىلىپ قويە .
سەن نىمانداق دۆت خوتۇن؟ يا ئادەمنىڭ كۆڭلىنى ئېلىشنى بىلمىسەڭ دىگىنىچە ئۇنى ئىتتىرىۋەتتى ھەم سومكامدا پىلاستىكا بار قويە دەپ بۇيرۇق قىلدى قادىر.ئايگۈل پىلاستىنكىنى قويدى مانا ئانى كۆردۈڭمۇ ؟سەنمۇ ئاشۇ خوتۇنلاردەك مىنىڭ كۆڭلۈمنى ئېلىشىڭ كېرەك .
-نىمە دەۋاتىسىز قادىر ؟نەلەردىن تېپىپ كەلگەنسىز ئۇ ئىپلاس لېنتىلارنى؟ مەن دىگەن سىزنىڭ ئايالىڭىز پاھىشە ئەمەس بىلىپ قويۇڭ !گەپ قىلمىسام بىردەم ئۇنداق بىردەم بۇنداق دەپ ئادەمنى نىمانچە قىينايسىز ئۆي تۇتقىڭىز بولمىسا چىرايلىقچە ئاجرىشىپ كېتەيلى .
-ھە نىمە دەيسەن سەنزە تېخى ئاشۇنداق سۆزلەرنى قىلىشقا پېتىندىڭمۇ؟ ھوي قاپ يۈرەك مانا ئەمىسە «قاراس»قىلغان ئاۋاز بىلەن ئۇ ئوڭدىسىغا يېقىلدى .ھوي تۇزى كور پاسكىنا يوقال كۆزۈمدىن سەندىن «ئىت ئۈژمىدىن زېرىككەندەك زېرىكتىم»ھازىرلا يوقال .
-  توۋلىماڭ قوشنىلارنىڭ ئارامىغا تەسىر يېتىدۇ ،ئەتە ئەتىگەندە

چوقۇم كۆزىڭىزدىن يوقۇلىمەن ،مەڭگۈگە يوقۇلىمەن.ماڭا ھېچ نەرسە كېرەك ئەمەس. بولدى قىلىڭ سەۋرىنىڭمۇ چېكى بولىدۇ ھېلىمۇ 4يىلدىن بۇيان سىزنىڭ تايىقىڭزنى يەپ ئۆتۈۋاتىمەن،ئۇنىڭ كۆزلىرىدىن   ياش تامچىلىرى ئاق يېغىندەك تۆكۈلۈشكە باشلىدى.
قادېر ئۇنى ئۇرۇۋېرىپ ھېرىپ قالدىمۇ تاڭ ئېيتاۋۇر چوشقىدەك خورەك تارتقىنىچە ئۇيقۇغا غەرىق بولدى .ئىسىت قىلغان ئەقىدىلىرىم دەسلىپىدە" سىز سىز ياشىيالمايمەن ،سىزنى مەڭگۈ سۆيىمەن" دىگەن ئەمەسمىدى بەخىتلىك كۈنلىرىمىز بىر يىلغىمۇ بارمىدى مەن زادى ئۇنىڭ ئالدىدا نىمە گۇناھ قىلغاندىمەن ؟نىكاھ مۇھەببەتنىڭ قەبرىسى دىگەن سۆزلەر راست ئوخشايدۇ. ئاھ خۇدا مەن زادى قانداق گۇناھ ئۆتكۈزگەندىمەن؟ياق مەن ئۇنىڭ ئالدىدا ھېچقانداق گۇناھ ئۆتكۈزگىنىم يوق .ئەگەر گۇناھ ئۆتكۈزدى دىيىلسە مىنىڭ ئۆتكۈزگەن گۇناھىم ئۇنىڭ خىزمەتلىرىنى قوللىغانلىقىمدا،ئوقۇۋاتقاندا ئىمتىھانلاردا ياردەم قىلغانلىقىمدا ،ياق ئۇنداقمۇ ئەمەس مەندە گۇناھ يوق قىلچىلىكمۇ گۇناھ يوق.گۇناھ بار دىيىلسە ئۇنىڭ باشلىق بولغانلىقىدا ئۇ باشلىق بولغاندىن تارتىپ تاكى بۈگۈنگە قەدەر مىنى خورلاپ كەلدى .چۈنكى ئۇنىڭ ئالدىدا نايناقشىپ يۈرۈىدىغانلار كۆپ شۇ تۈپەيلى ئۇ موشۇنداق قىلىۋاتىدۇ دىگەنلەرنى ھەمدە ئالىي مەكتەپتە بىرگە ئۆتكەن خۇشال كۈنلەرنى بىرمۇ -بىر ئەسلەپ چىقتى .سۈزۈلۈپ كېلىۋاتقان تاڭ نېپپىز بۇلۇت قاپلىمىغان شەھەر ئاسمىنىنى يورۇتماقتا قادىرمۇ ئۇيغاندى ئۇ قاپاقلىرىنى تۈرگەن ھالدا.
-ھە قېنى ئاجرىشىمەن دىگەنىدىڭغۇ ئاخشام دىدى ئۇنىڭغا تىكىلىپ تۇرۇپ.
-شۇنداق بىز ئۆي بولالمايدىغان ئوخشايمىز. بۇنداق ئۆتكەندىن ئاجرىشىپ كەتكىنىمىز تۈزۈك ئوخشايدۇ دىيەلىدى ئارانلا ئايگۈل.
-بولىدۇ ئاجرىشىپ كېتەيلى لېكىن ئۆينى مەن ئالىمەن دىدى قادىر.
-بولىدىۇ ماڭا ئۆي كېرەك ئەمەس ھايتالىق كېرەك ،ئۆيدىن تامايىم يوق .
-بۇ سۆزلەر سېنىڭ ئاغزىڭدىن چىقتى-ھە،
-شۇنداق خاتىرجەم بولۇڭ ئۆينى تالاشمايمەن .
-ئەمىسە ئىلتىماسقىمۇ شۇنداق يازە! ئايگۈل قادىرنىڭ دىگەنلىرى بويىچە ئاجرىشىش ئىلتىماسىنى يېزىپ پۈتتۈردى ئىككىيلەن خەلىق ئىشلار ئىدارىسىغا بېرىپ ئاجرىشىش رەسمىيىتىنى بېجىردى.بىچارە ئايگۈل كىشىلەر بىلىپ قالمىسۇن دىگەن خىياللار نى قىلاتتى قۇلۇم-قوشنىلىرىغا «چوڭلارنىڭ مىجەزى يوق ،بېرىپ بىر مەزگىل ھالىدىن خەۋەر ئېلىپ كېلىمەن »دىگىنىچە بىر چامادانغا قاچىلانغان كىيىمىنى كۆتۈرگەن پېتى قورادىن مىڭ تەسلىكتە چىقىپ كەتتى.
مىڭ بىر مۇشەققەتتە قۇتۇلدۇم بۇ خوتۇندىن ئەمدى سىز بىلەن دائىم دىگۈدەك بىرگە بولىمەن جېنىم مەن سىزنى سۆيىمەن دەيتى يېنىدا ئولتۇرغان ئىگىز بوي،زىلۋا،قوشما قاپاق،ئاق پىشماق،چېقىر كۆزلىرى ئويناپ تۇرىدىغان ئۆزىدىن بۇرۇن كۆزى كۈلۈپ بولىدىغان،بۈدرە چاچلىرىنى بىر نەچچە خىل رەڭدە بويىۋالغان ،ئوڭ مەڭزىدىكى خالى يۇمۇلاق چىرايىغا تولىمۇ ياراشقان ئەمدىلا 22-23ياشنىڭ قارىسىنى ئالغان سەتەڭگە .
-مەنمۇ سىزنى بەك ياخشى كۆرىمەن سىز مېنىڭ بەختىم،مىنىڭ قەلبىمدىكى شاھزادەم مەن سىزدىن بېلەكنى ياخشى كۆرمەيمەن دىگىنىچە ئەركىلىگەن قىياپەتتە ئۇنىڭ يۈز لىرىنى خۇددى مۈشۈكتەك يالاشقا باشلىدى.بىر ھازادىن كېيىن ھېلىقى سەتەڭ ئىككى رومكىغا تولدۇرۇپ ھاراق قۇيدى ۋە قېنى سىزنىڭ ئاجراشقانلىقىڭىز بىزنىڭ بۇندىن كېيىنكى بەختىمىز ئۈچۈن كۆتۈرەيلى دىگىنىچە ھاراق تۇتۇشقا باشلىدى ئۇنىڭغا .شۇنداق قىلىپ ئۇلار تۈن نىسبىگىچە ھاراق ئىچىشتى ھەمدە سورۇنلىرىنى يىغىشىپ  قادىرنىڭ ئۆيى تەرەپكە قاراپ يول ئالدى.
ئىككىيلەن ئۆيگە كەلگەندىن كېيىن خۇددى ئاچ قالغان بۆرىلەردەك يوتقانغا كىرىپ كېتىشتى .
-نىمە دىگەن پەيزى سىزنىڭ ھەقىقەتەن پەيزىڭىز بار جۇمۇ خوتۇن .ھېلىقى ساراڭ خوتۇن بىلەن ئۆتكەن كۈنلىرىمگە ئىست دەيمەن سۆزلىمەكتە قادىر.
-كىمىڭزنى خوتۇن دەۋاتىسىز ئالدى بىلەن رەسمىيەتلەرنى ئۆتىۋېتىپ شۇنداق دىسىڭىز بولارمىكىن؟
-بولىدۇ خوتۇن بولمامدىغان .
-مەن سىزنى ياخشى كۆرگەنلىكىم ئۈچۈنلا موشۇنداق ئىشلارنى قىلىۋاتىمەن كېيىن يەنە كوچىدا قالغان بىر نىمە ئىكەن دەپ ئويلاپ يۈرمەڭ مىنى جۇمۇ؟
-ياق مەن ھەرگىزمۇ ئۇنداق دىمەيمەن سىزنىڭ موشۇنداق قىلىشىڭىزغا موشۇ خۇلقىڭىزغا تەشنامەن.دىدى قادىر.
زۇلپىيە  ناز بىلەن ئەركىلىمەكتە. قادىر   گويا سىماپتەك ئېرىپ كېتىۋاتاتتى ،ئۆزىنى تولىمۇ بەخىتلىك ھېس قىلىشق باشلىدى .