ئۇيغۇرسوفت ئەلكاتىپ 5.9 نىڭ ھەقسىز ۋە شەخسلەر نەشرى 2015-يىلى 6-ئاينىڭ 29-كۈنى (دۈشەنبە) ئۇيغۇرسوفت ئۈندىدار دۇكىنىدا رەسمىي ئېلان قىلىندى.

تۆۋەندىكى ئىككىلىك كودنى سايىلەپ، ئۈندىدار دۇكىنىمىزنى زىيارەت قىلىڭ.

ئۇيغۇرسوفت ئەلكاتىپ 5.9 دىكى يېڭىلىقلار
(1) يېڭىدىن ئىككى خەت نۇسخىسى قوشۇلدى، نامى ALKATIP Alim ۋە ALKATIP Osmaniy.

ئۇنىڭدىن باشقا بارلىق خەت نۇسخىلىرىدىكى قازاقچە ھەمزەنىڭ كودى دۆلەت ئۆلچىمى بويىچە U+0674 غا ئۆزگەرتىلدى، قىرغىزچە «ﯠ» ھەرپنىڭ ئاستى قىسمى بىرخىللاشتۇرۇلۇپ تۈزىتىلدى.

(2) بارلىق خەت نۇسخىلىرى ئەسلىدىكى True type فورماتىدىن Open type قا ئۆزگەرتىلدى.

خەت نۇسخىسىنىڭ تېخىمۇ كۆپ ئەۋزەللىكلىرى بولۇپ، Windows دىن باشقا يەنە Mac OS ۋە Linux سىستېمىسىدا ئىشلەتكىلى بولىدۇ.

(3) چاغاتايچە كىرگۈزگۈچ قوشۇلدى، ئۇيغۇرچە، قازاقچە ۋە قىرغىزچە كىرگۈزگۈچ Windows دىكى سەئۇدى ئەرەبىستانىدىن باشقا يەنە جۇڭگو-ئۇيغۇر دېگەن جايغىمۇ ئورۇنلاشتۇرۇلدى.

(4) Word مۇھىتىدىكى قىستۇرما كود ئالماشتۇرۇشتىكى ئەلكاتىپ 3.9 دىن ئەلكاتىپ 5.0 گە ئالماشتۇرغاندا، ئەرەبچە يېزىقلارغا تەسىر قىلماي پەقەت ئۇيغۇرچە يېزىقنى ئالماشتۇرۇش ئىقتىدارى تەمىنلەندى.

ئىزاھات: ھازىردىن ئەلكاتىپ 5.9 (شەخسلەر نۇسخىسى) ئۈندىدار دۇكىنىمىزدا 25 يۈەندىن سېتىلىشقا باشلىدى، بۇ باھادا 7-ئاينىڭ 18-كۈنىگىچە بولۇپ، روزا ھېيتتىن كېيىن ئەسلىدىكى باھاغا قايتىدۇ. ئەلكاتىپ 5.9 (ھەقسىز نۇسخىسى) ئۈندىدار دۇكىنىمىزدا 2 يۈەندىن چۈشۈرۈشكە تەمىنلەندى، قوللىغىنىڭىزغا رەھمەت. ئەگەر كونا نەشرىنى ئىشلىتىمەن دېسىڭىز ئەلكاتىپ 5.7 نى داۋاملىق ئىشلەتسىڭىز بولىدۇ.

ھەقسىز نەشرىدە يېڭىدىن قوشۇلغان خەت نۇسخىسى ALKATIP Alim بار، شەخسلەر نەشرىدە يېڭىدىن قوشۇلغان ئىككى خەت نۇسخىسى بار.

تۆۋەندىكى ئىككىلىك كودىنى سايىلەپ، «ئۇيغۇرسوفت ئۈندىدار سالونى»نى قوشۇۋېلىڭ، ئاندىن ئاستىدىكى تىزىملىكتىن «دۇكان»نى بېسىپ كىرىڭ، ئۆزىڭىز مۇۋاپىق دەپ قارىغان نەشرىنى تاللاپ سېتىۋالسىڭىز بولىدۇ.

ئۈندىدارىمىزغا بانكا كارتىمىزنى قانداق باغلايمىز؟ دېگەن تېمىنى كۆرۈپ بېقىڭ.

http://www.alimahat.com/?p=4320

چاغاتايچە كۇنۇپكا تاختىسى