كاشىلىياس خان جەمەتى مادرېد كوماندىسىدىن ئايرىلدى

   كاشىلىياسنىڭ خان جەمەتى مادرېد كوماندىسىدا ئۆتكۈزگەن 16 يىللىق پۇتبول ھاياتىنى ئەسلىگىنىمىزدە، ئۇ خان جەمەتى كوماندىسىنىڭ 18 قېتىم ھەر تۈرلۈك پۇتبول مۇسابىقىلىرىدە چىمىپىيون بولۇشىغا كۈچ قوشقان بولۇپ، بەش قېتىم ئىسپانىيە A دەرىجىلىكلەر پۇتبول مۇسابىقىسىدە، ئۈچ قېتىم ياۋروپا ئۇزغۇنلۇقىنى تالىشىش پۇتبول مۇسابىقىسىدە چىمپىيونلۇقنى قولغا كەلتۈرگەن. ئۇنىڭدىن باشقا، كاشىلىياس كۇلۇپ تەرىپىدىن ئەڭ ياش پۇتبولچى مۇكاپاتىغا، ئىسپانىيە پۇتبولچىلار جەمئىيىتى تەرىپىدىن ئىسپانىيە A دەرىجىلىكلەر پۇتبول مۇسابىقىسى ئەڭ مۇنەۋۋەر ۋاراتار مۇكاپاتىغا، بەش قېتىم FIFA  تەرىپىدىن ئەڭ مۇنەۋۋەر 11 ئادەم، ئالتە قېتىم ياۋروپا پۇتبولچىلار بىرلەشمىسى تەرىپىدىن ئەڭ مۇنەۋۋەر 11 ئادەم تىزىملىكىگە كىرگۈزۈلگەن.