بەشتاش بالىلار مائارىپ تورىنى ۋاستە قىلىپ،ھەرقايسى يىللىق ۋە پەنلەرنىڭ دەرس تەييارلىقىنى توپلاش ۋە كەڭ ئوقۇتقۇچىلارنىڭ پايدىلىنىشىغا سۇنۇش بەشتاش بالىلار مائارىپ تورىنى قۇرۇشتىكى مۇھىم مەخسەتلەرنىڭ بىرى بولۇپ،تور بەت قۇرۇلغاندىن بۇيان كەڭ ئوقۇتقۇچى – ئۇستازلارنىڭ ،خىزمەتداش – سەبداشلارنىڭ ،جاپالىق ئەجىر سىڭدۇرىۋاتقان باشقۇرغۇچىلارنىڭ تىرىشچانلىقى ۋە قوللىشى ئاستىدا نۆۋەتتە بەشتاش بالىلار مائارىپ تورىدىكى دەرس تەييارلىقلىرى سان ، سۇپەت، مەزمۇن، دەرس ئىسلاھاتىغا ماسلىشىش قاتارلىق تەرەپلەردە پىشىپ يىتىلىپ، مۇئەييەن كۆلەمگە ئىگە بولۇپ،ئۇيغۇر تور دۇنياسىدىكى مائارىپ تور بەتلىرى ئىچىدە دەرس تەييارلىقى ئەڭ كۆپ ۋە بىر قەدەر تولۇق تور بىكەتكە ئايلاندى.

بەشتاش بالىلار مائارىپ تورىدىكى بىر قىسىم دەرس تەييارلىقلىرى ۋاقىت ۋە باشقا سەۋەپلەر تۇپەيلىدىن كەڭ ئۇستازلارنىڭ دەردىگە دەل ۋاقتىدا دەرمان بولالمىغان،مەزمۇن ۋە شەكىل جەھەتتىن كەمتۇك بولغان بولسىمۇ ، لىكىن كۆپ قىسىم دەرس تەييارلىقلىرى نۆۋەتتە ئىشلىتىلىۋاتقان دەرس تەييارلىقلىرىدىن خىلىلا ئۇستۇن ئورۇندا تۇرىدۇ. بەشتاش بالىلار مائارىپ تورىدا تارقىتىلىۋاتقان بارلىق خەنزۇچە يىزىقتىكى دەرس تەييارلىقلىرى ئاساسى جەھەتتىن ئەڭ ئالدىنقى قاتاردىكى دەرس تەييارلىقلىرى بولۇپ،بۇ دەرس تەييارلىقلىرىنىڭ كۆپ قىسمى خەنزۇچە نوپۇزلۇق مائارىپ تور بەتلىرى بىلەن ئالاقىلىشىش ئارقىلىق يىغىلغان ،شۇ سەۋەپلىك خەنزۇچە دەرس تەييارلىقلىرىنىڭ بەزىلىرى ھەتتا نۆۋەتتە نەشىر قىلىنغان ، مەخسۇس تۇزۇلگەن دەرس تەييارلىقلىرىدىنمۇ ئۇستۇن ئورۇندا تۇرىدۇ. بىز شۇنداق دىيەلەيمىزكى بەشتاش بالىلار مائارىپ تور بەتلىرىدە تارقىتىلىۋاتقان خەنزۇچە دەرس تەييارلىقلىرى نۆۋەتتە مەيلى خەنزۇچە ياكى ئۇيغۇرچە مائارىپ تور بەتلىرى ۋە باشقا ۋاستىلەر ئارقىلىق تارقىتىلىۋاتقان ،ئىشلىتىلىۋاتقان خەنزۇچە دەرس تەييارلىقلارنىڭ ئەڭ سەرخىلى ۋە ئەڭ ياخشىسى. ئۇيغۇرچە يىزىقتىكى دەرس تەييارلىقلىرىمىز نۆۋەتتە ھەرقايسى پەن،يىللىق،ماۋسۇم بويىچە تولۇقلىنىش ۋە مۇستەھكەملىنىش باسقۇچىدا تۇرىۋاتىدۇ. لىكىن شۇنداق دىيەلەيمىزكى سىزنىڭ قوللىشىڭىز ۋە ياردەم بىرىشىڭىز ئاستىدا ئۇيغۇرچە دەرس تەييارلىقلىرىمىزمۇ مەيلى سۇپەت ياكى كۆلەم جەھەتتىن بولسۇن ئەڭ ياخشى،ئەڭ سەرخىل دەرس تەييارلىقلىرىغا ئايلانغۇسى.