ئەنگلىيە ‹‹كۈندىلىك پوچتا گېزىتى›› نىڭ 14-ئىيۇلدىكى خەۋىرىگە قارىغاندا، يېقىندا ئالىملار ئاۋستىرالىيە دېڭىز تەۋەلىكىدە دېڭىز ئاستى ئىزدەش خىزمىتى ئېلىپ بېرىپ، ھەرخىل غەلىتە سۇ ئاستى جانلىقلىرىنى بايقىغان. بۇنىڭ ئىچىدە ئۇلارنى ھەممىدىن ھەيران قالدۇرغىنى بىر سانتىمېتىر ئەتراپىدا كېلىدىغان قاسراقسىز قارا بېلىق بولغان. بۇ خىل دېڭىز ئاستى يانار تاغ ئەتراپىدا ياشايدىغان كىچىك بېلىقنىڭ ئۆتكۈر چىشى ۋە چوڭ ئېغىزى بار بولۇپ، ئۇنىڭ چوڭقۇر دېڭىز ئاستىدا قەبىھ چوڭ بېلىقلار بىلەن تەڭ مەۋجۈت بولۇپ تۇرۇشى كىشىنى بەكمۇ ھەيران قالدۇرىدىكەن.

   خەۋەر قىلىنىشىچە، ئالىملار نۆۋەتتە بۇ خىل بېلىق توغرىسىدا تەكشۈرۈش ئېلىپ بېرىۋېتىپتۇ.