يەرشارى خەۋەر تورى 5-ئاپرېل تېلىگراممىسى؛ لەگلەك تورى تەرجىمسى: بىرلەشكەن دۆلەتلەر تەشكىلاتى، ئەسەبى تەشكىلات ئ‍ىراق ۋە شام ئىسلام دۆلىتى تەشكىلاتى ISIS زور مىقداردا كونترول قىلىۋالغان ۋە تۇقۇنۇشلار داۋاملىشىۋاتقان يەرمۇك مۇساپىرلار لاگېرىدىن بىر قىسىم كىشىلەرنىڭ قايتۇرۇلغانلىقىنى ئېلان قىلدى.
بىرلەشكەن دۆلەتلەر تەشكىلاتى ياردەم ۋە خىزمەتلەر ئورنى باياناتچىسى Chris Gunness، ISIS تەرىپىدىن ھۇجۇم قىلىنىپ زور مىقداردا ئىگىلىۋېلىنغان يەرمۇك مۇساپىلار لاگېرىدىكى 94 نەپەر كىشىنىڭ لاگېردىن ئايرىلغانلىقىنى ۋە زۆرۈر بولغان ئىنسانىي ياردەملەرنىڭ يەتكۈزۈلگەنلىكىنى ئېيتتى. Gunness لاگېردىن ئايرىلغان كىشىلەر ئارىىسدا 43 ئايال ۋە 42 بالا بار ئىكەنلىكىنى بىلدۈردى.
Gunness مۇنداق دېدى؛ «بۈگۈن ئەتتىگەن لاگېردىن بىر قىسم كىشىلەر ئايرىلىپ چىقتى، ھەر قايسى تەرەپلەرنى لاگېردىكى باشقا كىشىلەرنى قايتۇرۇش ئۈچۈن تىرىشچانلىق كۆرسىتىشكە چاقىرىق قىلىمىز» دېدى.
سۇرىيە ئىنسان ھەقلىرى تەكشۈرۈش ئورنى، يېقىنقى ئىككى كۈن ئىچىدە لاگېردىن يۈزلىگەن كىشىنىڭ قېچىپ كەتكەنلىكىنى دەلىللىدى. مەزكۇر ئورگاننىڭ ئېيتىشىچە، سۇرىيە ھۆكۈمىتى يەكشەنبە كۈنى يەرمۇكقا ۋارىل بومبىسى بىلەن ھۇجۇم قىلغان، ئەمما ئۆلۈم-يېتىم ئىشلىرى سادىر بولمىغان.
يەرمۇك مۇساپىرلار لاگېرى سۇرىيە ئىچكى ئۇرۇشىنىڭ ئەڭ كۆپ بەدىلىنى ئۆتىگەن ئورۇنلارنىڭ بىرى، بۇنىڭدىن بۇرۇن لاگېردا 160 مىڭ كىشى بار بولۇپ لاگېردا ھازىر بولسا 18 مىڭ كىشى ياشاۋاتىدۇ.
2012-يىلى دىكابىردىن كېيىن بىر قىسىم سۇرىيەلىك ئۆكتىچىلەرنىڭ لاگېرغا ئورۇنلىشىشى بىلەن لاگېرغىمۇ ئۇرۇش ئۇچقۇنى چاچرىدى. ئەسەد ھۆكۈمىتى «تېرورىزىمغا قارشى كۈرەش» نامىدا لاگېرغا پات-پات ھۇجۇم قىلىدۇ. 2013-يىلى ئىيۇلدا باشلانغان ئېغىر قورشاش سەۋەبىدىن لاگېردا 200 دىن كۆپ كىشى ئاچارچىلىقتىن ھاياتىدىن ئايرىلدى.