ئەنگىلىيە خەلقئارا رادىئو شىركىتىنىڭ خەۋەر قىلىشىچە، چاۋشيەننىڭ ۋودروت بومبىسى سىنىقىنى مۇۋەپپەقىيەتلىك تاماملىغانلىقىنى جاكارلىشى خەلقئارا جەمئىيەتتە كۈچلۈك قارشىلىق پەيدا قىلغان. بىرلەشكەن دۆلەتلەر تەشكىلاتى 6- يانۋار جىددىي يىغىن ئاچقان ۋە يىغىندىن كېيىن بايانات ئېلان قىلىپ، چاۋشيەنگە تېخىمۇ كۈچلۈك جازالاش تەدبىرى قوللىنىشقا قوشۇلغان.

    خەۋپسىزلىك كېڭىشىنىڭ بەش دائىمي كېڭەش ئەزا دۆلىتى چاۋشيەننىڭ يادرو سىنىقى قىلغانلىقىنى ئەيبلىگەن ھەمدە بۇنى خەلقئارانىڭ تىنچلىقى ۋە بىخەتەرلىكىگە كۆرىنەرلىك تەھدىت پەيدا قىلىدۇ دەپ سۈپەتلىدى. خەۋپسىزلىك كېڭىشىنىڭ مۇشۇ ئايلىق نۆۋەتچى رەئىسى، ئۇراگۋاي باش ئەلچىسى رۇسىل مۇنداق دېگەن: ئىلگىرى خەۋپسىزلىك كېڭىشى ناۋادا پىيۇڭياڭ بىرلەشكەن دۆلەتلەر تەشكىلاتىنىڭ قارارىغا قارشى تۇرۇپ يادرو قۇرۇلمىسىنى پارتلاسا، چاۋشيەنگە يەنىمۇ كۈچلۈك تەدبىر قوللىنىدىغانلىقىنى بىلدۈرگەن ئىدى. بۇ ۋەدە ۋە چاۋشيەننىڭ خىلاپلىق قىلىش قىلىمىشىنىڭ ئېغىرلىقىغا ئاساسەن، خەۋپسىزلىك كېڭىشىنىڭ ئەزالىرى دەرھال خەۋپسىزلىڭ كېڭىشىنىڭ يېڭى قارارىدىكى تەدبىرلەرگە مۇناسىۋەتلىك خىزمەتلەرنى قانات يايدۇردى.