ھەممەيلەنگە ئايان، پىل بىز ئىنسانلارنىڭ ياخشى دوستى، گەرچە بەدەن ھەجىمى چوڭ بولسىمۇ بىراق مىجەز-خۇلقى يېقىشلىق، يۇۋاش، تەشەببۇسكارلىق بىلەن ئىنسانلارغا زىيان-زەخمەت ئېلىپ كەلمەيدۇ. شەرقىي جەنۇبىي ئاسىيا ۋە ئافرىقىدىكى بەزى رايونلىرىدىكى كىشىلەر پىلنى كۆندۈرىدۇ. گەرچە ئىنسانىيەت بىلەن پىل ئوتتۇرىسىدىكى مۇناسىۋەت ئومۇمىي جەھەتتىن ئىناق بولسىمۇ، بىراق بەزى شەخسىيەتچى رەزىل كىشىلەرنىڭ ئۆز مەنپەئىتى ئۈچۈن ئىنسان قېلىپىدىن چىققان قانۇنسىز ئۇنسۇرلارنىڭ جىنايى قىلمىشىمۇ مەۋجۇد. تۆۋەندە بىرگە شۇ رەزىللەرنىڭ زىيانكەشلىكىگە ئۇچرىغان بىچارە پىللارغا نەزەر سېلىپ باقايلى.

     سۈرەتتىكى كۆرۈنۈش كېنىيە يايلىقىدا يۈز بەرگەن بولۇپ، شۇ جايدىكى يىرتقۇچ ھايۋاناتلارنى قوغداش گۇرۇپپىسى بىر كىچىك پىل بالىسنىڭ يارىلانغانلىقى، شۇنداقلا جىددىي داۋالاش كېرەكلىكىدىن خەۋەر تاپقاندىن كېيىن شۇ ھامان نەي مەيدانغا يېتىپ بارغان، نەق مەيدانغا كەلگەندىن كېيىن پىل بالىسىنىڭ بەدىنىدە ئادەملەر تەرىپىدىن يارىلاندۇرۇلغان ئىككى چوڭ يارىنى بايقىدى، بۇنى دەل شۇ ياۋۇز «ئوۋچىلار» قىلغانىدى. قۇتقۇزۇش خادىملىرى پىل بالىسىنى جىددىي قۇتقۇزغان بولسىمۇ، بىراق يارا ئېغىزى زىيادە چوڭ، قاننىڭ كۆپ چىقىپ كەتكەنلىكىدىن پىل بالىسى جان ئۈزدى. بۇ يېشىدىكى پىل بالىلىرى ئادەتتە ئەمدىلا خارتۇمىنى ئىشلىتىشنى ئۆگىنىۋاتقان، ئانا پىلنىڭ قوغدىشى ئاستىدا خۇشال-خوراملىق بىلەن ئوينايدىغان چاغلىرى ئىدى، ئەپسۇس، ئۇ ئاشۇ ياۋۇز «ئوۋچىلار» نىڭ مىلتىق ئاستىدا جان ئۈزدى.

     ئەمەلىيەتتە ئافرىقىدا ھەر كۈنى دېگۈدەك بۇنداق تراگېدىيىلەر يۈز بېرىپ تۇرىدۇ. مۇتەخەسسىسلەرنىڭ دېيىشىچە، ئافرىقىدا ھەر 15 مىنۇتتا بىر پىل پىل چىشى ئۈچۈن كەلگەن قانخور ئوۋچىلار تەرىپىدىن ئۆلتۈرۈلىدىكەن.