بېيجىڭ ۋاقتى 12-ئاينىڭ 17-كۈنى سائەت 9:30 ئۆتكەندە جۇڭگو ئاياللار پۇتبول كوماندىسى بىلەن ئامېرىكا ئاياللار پۇتبول كوماندىسى بىلەن ئوينىغان دوستلۇق مۇسابىقىسىدە 1-0 ئامېرىكا كوماندىسىنى يېڭىپ، جۇڭگو كوماندىسىنىڭ ئۇدا 22 مەيدان ئامېرىكا كوماندىسىغا ئۇتتۇرۇپ قويۇشتەك نەتىجىسىگە خاتىمە بەردى. بۇ مەيدان مۇسابىقە ئامېرىكا ئاياللار پۇتبول كوماندىسىدىكى ئەڭ داڭلىق ماھىر ۋامباخنىڭ خوشلىشىش مۇسابىقىسى.

       2016-يىلى2-ئايدىكى ئولىمپىك تەنھەرىكەت يىغىنىنىڭ تاللاش مۇسابىقىسىگە قاتنىشىش ئۈچۈن يېڭى بىر نۆۋەتلىك مەشىقنى باشلىغان بولۇپ، مۇشۇ يېقىندا ئىتالىيە كوماندىسى بىلەن ئوينىغان دوستلۇق مۇسابىقىسىدە بىر مەيدان ئۇتۇپ، بىر مەيدان تەڭلەشكەن. ئۇزاق ئۆتمەي ئامېرىكىغا كېلىپ ئامېرىكا كوماندىسى بىلەن دوستلۇق مۇسابىقىسى ئوينىغان. يېقىنقى ئۈچ يىلدا ئامېرىكا كوماندىسى بىلەن 9 مەيدان مۇسابىقە ئويناپ بىر مەيدانمۇ ئۇتۇپ باقمىغان. بۇ يىلىقى دۇنيا لوڭقىسى ئاياللار پۇتبول مۇسابىقىسىدە ئامېرىكا كوماندىسىغا ئۇتتۇرۇپ قويۇپ يېرىم ھەل قىلغۇچ مۇسابىقىگە كىرەلمىگەن. ئۈچ كۈن بۇرۇن ئېلىپ بېرىلغان بىر مەيدان دوستلۇق مۇسابىقىسىدە 2-0 ئامېرىكا كوماندىسىغا ئۇتتۇرۇپ قويغان.

       مۇسابىقە باشلىنىشتىن بۇرۇن ئامېرىكىنىڭ داڭلىق پۇتبول چولپىنى ۋامباخ ئۈچۈن خوشلىشىش مۇراسىمى ئۆتكۈزۈلدى.

ئامېرىكا ئاياللار پۇتبول كوماندىسىنىڭ سەركىسى بولۇش سۈپىتى بىلەن ۋامباخ ئامېرىكا كوماندىسى ئۈچۈن 252 مەيدان مۇسابىقىگە قاتنىشىپ 184 ئۇرغان. بۇ ئاياللار پۇتبول ساھەسىدە بولۇپلا قالماستىن دۇنيا پۇتبول ساھەسىدە بۇزماق ئەڭ تەس بولغان رىكورىت ھېسابلىنىدۇ. ئۇ 37 مەيدان مۇسابىقىدە ھەر بىر مەيداندا ئىككىدىن توپ، 5 مەيداندا قالپاق ئويۇنى ئوينىغان، ئىككى مەيداندا ھەر بىر مەيداندا تۆت توپ ۋە بىر مەيداندا بەش توپ ئۇرغان.

    ئۇ توپ ئۇرغان مۇسابىقىلەردە ئامېرىكا كوماندىسى 116 مەيدان ئۇتۇپ، 8 مەيدان تەڭلىشىپ، 2 مەيدانلا ئۇتتۇرغان.

مۇسابىقىنىڭ 51-مىنۇتىدا جۇڭگو كوماندىسى 1 توپ ئۇردى. 72-مىنۇتىدا ۋامباخ مەيداندىن ئالماشتۇرۇپ چۈشۈرىۋىتىلدى، توپ مەستانىلىرى ئۇنىڭغا ئالقىش ساداسى ياڭراتتى.