ياپونىيىنىڭ يولغا قويىۋاتقان مائارىپ تۈزۈمى 6،3،3،4لىك تۈزۈم بولۇپ توققۇز يىللىق مەجبۇرىي مائارىپنى يولغا قويغان. مەجبۇرىي مائارىپنىڭ ئومۇملىشىشى %100گە يېتىدۇ. ساۋاتسىزلىق نىسبىتى نۆل. بۇ سانلاردىن ياپونىيە مائارىپىنىڭ دۇنيانى ئالدىنقى قاتارىدا تۇرىدىغانلىقىنى كۆرىۋالغىلى بولىدۇ.

گەرچە تولۇق ئوتتۇرا مەجبۇرىي مائارىپ دائىرىسى ئىچىدە بولمىسىمۇ، لېكىن تولۇق ئوتتۇرىغا ئۆرلەپ ئوقۇش نىسبىتى %98كە يېتىدۇ. 2006-يىلى ياپونىيىدىكى ئالىي مەكتەپ ئومۇمىي سانى 744بولۇپ، بۇنىڭ ئىچىدە 87سى دۆلەت ئىگىدارلىقىدىكى، 568ى شەخىسلەر ئىگىدارلىقىدىكى مەكتەپ. ئۇنىڭدىن سىرت يەنە نۇرغۇنلىغان قىسقا مەزگىللىك ئۇنىۋېرسىتېتلار بار.

   ياپونىيە مەدەنىيەت مىنىستىرلىكىنىڭ مۆلچەرلىشىچە «ئاز پەرزەنتلىشىش»نىڭ تەسىرىگە ئۇچراپ، 2007-يىلى ھەرقايسى ئالىي مەكتەپلەرگە ئۆرلەپ ئوقۇش نىسبىتى %100كە يېتىشتەك «ئالتۇن دەۋر»نى كۈتىۋالغان. (ئەمەلىيەتتە ئىمتىھان بەرگۈچىلەرنىڭ كۆپىنچىسى داڭلىق مەكتەپلەرگە تىزىملىتىدۇ. شۇ سەۋەبتىن ھەممە ئىمتىھان بەرگۈچىلەرنىڭ داڭلىق مەكتەپلەرگە ئۆتەلىشى مۇمكىن ئەمەس.)

گۈزەل دۇنيا قەلبىڭىزدە

بىر ياش ئۆزى تۇرىۋاتقان جايدىن باشقا جايغا كۆچۈپ بېرىپتۇ. ئۇ شۇ جايدىكى بىرىدىن:

-بۇ شەھەر قانداقراق؟ كىشىلەر ئۆز ئارا دوستانە مۇئامىلە قىلىشامدۇ؟-دەپ سوراپتۇ. بۇ ياشنىڭ سوئالىغا جاۋاب

بېرىشتىن ئاۋۋال، ئۇ كىشى ئۇنىڭدىن قايتىلاپ سوئال سوراپتۇ.

-قېنى دەپ بېقىڭە؟ سىز بۇرۇن تۇرغان جاي قانداقراق ئىدى؟ كىشىلەر كىشىلەر ئۆز ئارا دوستانە مۇئامىلە قىلىشامتى؟

ئەسسالامۇ ئەلەيكۇم، ژۇرنىلىمىزنىڭ سۆيۈملۈك ئوقۇرمەنلىرى. ژۇرنىلىمىز 4-سانى ئاخىر سىلەر بىلەن يۈز كۆرۈشتى. تۆت سان ژۇرنال نۇرغۇنلىغان ئەگرى-توقايلىقلارنى باشتىن كەچۈرگەن بولسىمۇ، ئوقۇرمەنلەرنىڭ قوللىشى، تەكلىپ-پىكىرلەرنى بېرىشى بىلەن، ساندىن-سانغا سۈپەت جەھەتتىن ياخشىلىنىپ، مەزمۇن جەھەتتىن تېخىمۇ رەڭدارلىشىپ، تېخىمۇ كۆپ قېرىنداشلارنىڭ سۆيۈپ ئوقۇشىنى قولغا كەلتۈردى.

شۇ مۇناسىۋەت بىلەن بىزنى يېقىندىن قوللاپ ياردەم بەرگەن ئوقۇرمەنلىرىمىزگە ،بىزنى ئەسەر بىلەن تەمىنلىگەن ئاپتورلارغا ئالاھىدە تەشەككۈر بىلدۈرىمىز .بىز مەنىۋىي جەھەتتىكى تەشەككۈر بىلەنلا توختاپ قالماستىن، ماددىي جەھەتتىنمۇ بۇ ساندىن باشلاپ ئالدىنقى ئايلىق ژۇرنالدىكى ئەسەرلەرگە قارىتا مۇكاپاتلاش ئېلىپ بارىمىز. كونكىرىت مۇكاپاتلاش ئۆلچىمى تۆۋەندىكىچە:

1. ئالدى بىلەن ژۇرنىلىمىز تەرىپىدىن تەشكىللەنگەن ئون كىشىلىك باھالاش گۇرۇپپىسى ھەر بىر سان ژۇرنالغا ئۈچ پارچە ئەسەرنى نامزات قىلىپ كۆرسىتىدۇ،ئەسەرلەر تىزىملىكى ژۇرنالدا ۋە ئۇيغۇر ستۇدېنتلار مۇنبىرىدە ئېلان قىلىنىدۇ. ۋە بۇ ئەسەرلەرگە قارىتا مۇنبەردە،ئۈندىدار سۇپىسىدا بېلەت تاشلاش بېرىلىدۇ.

2.كۆزگە كۆرۈنگەن يازغۇچىلاردىن بىر ياكى ئىككىسى تەكلىپ قىلىنىپ ئەسەرلەر ئۇلارنىڭ باھالىشىغا سۇنىلىدۇ.

3.ئاخىرىدا يازغۇچىلارنىڭ ئەسەرگە قويغان نۇمۇرىنىڭ 60پىرسەنتى، بېلەت تاشلاش نەتىجىسنىڭ 40پىرسەنتى ئېلىنىپ، ئومۇمىي نەتىجە ئېلان قىلىنىدۇ.

4.مۇكاپاتلاش ھەر پەسىلدە بىر قېتىم ئېلىپ بېرىلىدۇ. 1-دەرىجىگە بىر پارچە ،2-دەرىجىگە 2پارچە، 3-دەرىجىگە 1پارچە ئەسەر تاللاپ چىقىلىدۇ.

5.مۇكاپات بۇيۇمى: 1-دەرىجىلىك ئەسەرگە 50يۈەن ئەتراپىدىكى كىتاب ياكى 50يۈەن سۆزلىشىش ھەققى، 2-دەرىجىلىك ئەسەرگە 25يۈەن ئەتراپىدىكى كىتاب ياكى 25يۈەن سۆزلىشىش ھەققى، 3-دەرىجىلىك ئەسەرگە 20يۈەن سۆزلىشىش ھەققى سوۋغات قىلىنىدۇ.

بۇ قېتىم 1-ساندىن 4-سانغىچە بولغان ئەسەرلەردىن 5پارچە تاللىنىپ مۇكاپاتلاش ئېلىپ بېرىلىدۇ. نەتىجىسى 5-ساندا ئېلان قىلىنىدۇ.

ئەگەر ژۇرنىلىمىزنى ماددىي جەھەتتىن قوللاشنى خالايدىغانلار بولسا، مۇكاپات سوممىسى ۋە ئەسەرلەرنىڭ سانى كۆپەيتىلىدۇ.

بۇ سان مۇھەرىرلىرى: ئابدۇسەمەد ئابدۇخالىق ، ئابلىز ئەخمەت.

سۈبھى تور ژۇرنىلى 4-سانىنى چۈشۈرۈڭ

«مەڭگۈ ۋاز كەچمەسلىك »

مايۈننىڭ ئگىلىك تىكلىگۈچىلەرگە بەرگەن 24سائەتلىك دەرسى
نېمە ئۈچۈن مېنىڭ يېنىمدىن ئايرىمايدىغان سۆزۈم «مەڭگۈ ۋاز كەچمەسلىك »؟چۈنكى بۇ دۇنيادىكى ئەڭ زور مەغلۇبىيەت ۋاز كېچىش، ئىگىلىك تىكلەش جەريانى ئوڭۇشىسىزلىقلارغا تولغان بولىدۇ ،پەقەت مەڭگۈ ۋاز كەچمەسلىكلا مۇۋەپپەقىيەت قازىنىشنىڭ ئۇل تېشى.

كىرىش سۆز
بۈگۈنكى مايۈن ئاللىقاچان ھەممە بىلىدىغان كارخانىچى ۋە ئىسىمى جىسمىغا لايىق «ئىگىلىك تىكلەش پىشۋاسى». شۇنداقلا ئىگىلىك تىكلىگۈچىلەرنىڭ قوغلىشىش نىشانى ھەم ئۈلگىسى.

لۇتپۇللا مۇتەللىپ
تېڭىرقىمايمەن ، دوستلار ، تىلەيمەن ئالىي تىلەكلەرنى ،
چۈشۈرمەيمەن كۈرەشكە دەپ تۈرگەن بۇ بىلەكلەرنى.

مەرد باغۋەن غازاڭ قىلمايدۇ ۋاقىتسىز باغنى،
تەربىيىسىز سۇلدۇرۇپ گۈل-چىچەكلەرنى.

خىيالىم تەلپۈنۈپ تۇرغان بىر سەبىي بالا،
ئېمىش ئۈچۈن قەدىردان ئانىدىكى قوش ئەمچەكلەرنى.

لەززەتلىك خىيال ئارىسىدا بېقىپ ئاسمانلارغا،
تەپەككۇر كۆزى بىلەن كۆرىمەن روشەن بۇرجەكلەرنى.

جانان ناز ئۇيقۇدا يېتىپ نېچۈك تولغانماس؟!
ئاشىقى كۈتۈپ تۇرسا ئېچىپ يورۇق رۇجەكلەرنى.

نېمىشقا يازماي تىلەك ئارىلاش مۇڭلۇق لىرىكىلارنى،
سۆيگۈ ئىشقى ئۆرتەپ كۆيدۈرسە يۈرەكلەرنى.

ئەزەلدىنلا خىيالچان مۇڭلۇق بىر يىگىت ئىدىم،
تېڭشىغاچ مومام ئاغزىدىن ساماۋى چۆچەكلەرنى.

شەرقى جۇڭگو پىداگوگىكا ئۇنىۋېرسىتېتى دۆلەت مائارىپ مىنىستىرلىكىگە بىۋاستە قاراشلىق،«211قۇرۇلۇشى»، « 985قۇرۇلۇشى» دىكى نۇقتىلىق، يۇقىرى سەۋىيىدىكى تەتقىقات خاراكتىرلىك ئالىي مەكتەپ ، شۇنداقلا، «111پىلانى» ۋە «چاڭجىياڭ ئۈچ بۇرجەك رايونى ئالىي مەكتەپلەر ھەمكارلىق بىرلەشمىسى»نىڭ مۇھىم ئەزاسى. مەكتەپ مۇھىتى ئازادە، كۆركەم بۇلۇپ «شەرقتىكى ئەڭ گۈزەل مەكتەپ دەپ تەرىپى» بار.
شەرقى جۇڭگو پىداگوگىكا ئۇنىۋېرستىتى 1951-يىلى 10-ئاينىڭ 16- كۈنى ئەسلىدىكى داشىيا ئۇنىۋېرستېتى(1924-يىلى)، گۇاڭخۇا ئۇنىۋېرسىتېتى (1925-يىلى) نى ئاساس قىلىپ ، شۇنىڭ بىلەن بىرگە فۇدەن ئۇنىۋېرسىتېتى، تۇڭجى ئۇنىۋېرسىتېتى، جېجىياڭ ئۇنىۋېرسىتېتى، سانت جون ئۇنىۋېرسىتېتى قاتارلىق ئالىي مەكتەپلەرنىڭ بىر قىسىم فاكولتىت ۋە كەسىپلىرىنى كىرگۈزۈش ئارقىلىق ئەسلىدىكى داشىيا ئۇنىۋېرسىتېتىنىڭ  ئورنىغا قۇرۇلغان.

شائىرىمىز روزى سايىتنىڭ شېئىرلىرنى قاچان تۇنجى رەت ئوقۇغىنىم ئېسىمدە يوق ، لېكىن «دېھقان بولماق تەس» ناملىق شېئىرنى ئوقۇپ ئاجايىپ ھېس تۇيغۇلارغا چۆمگىنىم ئېسىمدە، قايتا-قايتا ئوقۇپ بىر نەچچە كوپلىتىنى يادقىدىمۇ ئېلۋالغانىدىم. شۇنىڭدىن كېيىن شائىرىمىزنىڭ باشقا شېئىرلىرى بىلەن رەسمىي ئۇچراشتىم ، دېھقان دىن ئىبارەت ئۇلۇغ ئىنساننىڭ سىماسىنى ھەقىقى چىن ھېسياتى بىلەن ئىپادىلەپ خەلق تۆرىدىن ئورۇن ئالغان مەرھۇم شائىرىمىز نىڭ شېئىرلىرى بىلەن بالدۇراق ئۇچراشمىغىنىمدىن ئەپسۇسلاندىم ،مەرھۇمنىڭ ياتقان يېرىنىڭ جەننەتتە بولۇشىنى تىلىدىم. نەچچە كۈندىن بېرى شائىرىمىزنىڭ«ئانا تىلىم-زەر تىلىم» ناملىق شېئىرلار توپلىمىنى ئوقۇۋېتىپ ، «پۇل دېگەن نەرسە…»ناملىق مۇخەممىسىنى ئوقۇپ، شېئىردىكى پاساھەت، ئىلگىرى سۈرۈلگەن ئىدىيىلەرگە ئىختىيارسىز قايىل بولدۇم، شۇنىڭ بىلەن بۇ 22كوبلىت شېئىر بىلەن كەڭ قېرىنداشلىرىمىزمۇ تەڭ ئورتاقلاشسۇن دېگەن ئۈمۈدتە كومپىيوتېردا بېسىپ بلوگقا يوللىدىم.
پۇل دېگەن نەرسە …
روزى سايىت
پۇل ئەجەپ نەرسە چاتاق پۇل بولمىسا،
يوق مەئىشەت، نام-ئاتاق پۇل بولمىسا،
كەڭ جاھانمۇ تار، دوزاخ، پۇل بولمىسا،
تۇتمىقىڭ تەس ئۆي-ئوتاق، پۇل بولمىسا،
كونا تاملىقتا قوناق، پۇل بولمىسا.

يېتىلىۋاتقان ياش يازغۇچىمىىز روىمۇھەممەت مۇتەللىپ ئاكىمىزنىڭ «ياشلارغا ئاتالغان نەق گەپلەر »، «ياشلىقتا باھانە ئارتۇقچە »ناملىق كىتابلىرىنى ئوقۇپ بولغاندىن كېيىن، مۇۋەپپەقىيەتكە ، پاراسەتكە ئائىت پەلسەپىۋى كىتابلارغا قىزىققانلىقىمدىن بولسا كېرەك ، يازغۇچىمىزنىڭ كىتابلىرىنى ئىز قوغلاپ ئوقۇشقا كىرىشتىم، بىر كۈنى كۇتۇپخانىدا كىتاب كۆرىۋېتىپ ئۇيغۇرچە كىتابلار ئازلا قالغان كىتاب جازىسىدا «مۇھەببەت» ناملىق كىتاب كۆزۈمگە چىلقىپ قالدى ۋاراقلاپ قارىسام روزىمۇھەممەت ئاكىمىزنىڭ كىتابى ئىكەن ، شۇئان ئارىيەتكە ئېلىپ ئوقۇشقا كىرىشتىم ،ئوقۇش جەريانىدا بۇ كىتابتىكى ئۆزۈم ياقتۇرغان سۆز جۈملىلەرنى تورداشلار بىلەن ئورتاقلىشىش مەقسىتىدە غېرىب كۆلبەمگە يېزىپ قالدۇردۇم . ئاپتور مەنبەسىنى ئەسكەرتكەن جۈملىلەرنى مەنمۇ ئاپتورىنى ئەسكەرتىپ قويدۇم .
يوق بىزگە ئانىدەك مېھرىبان ، كۆكرەككە قالقان ، باشقا ھايىبان(ھەكىمزادە نىيازى)
ئورغاق تۇتۇپ ئاتاڭ قالغۇچە ، ئويماق تۇتۇپ ئاناڭ قالسۇن .(ئۇيغۇر خەلق ماقالى)
ئېگىلىپ ئەرنىڭ قولىغا سۇ قۇيۇش ، ئېگىلىپ سالام بېرىش ، ئۇنى تۆرگە ئۆتكۈزۈپ ھۆرمەتلەش بىچارىلىك ئەمەس!ئەردىن بىر قەدەم ئارقىدا يۈرۈش ، ئۆزىنى شاگىرىت ، ئېرىنى ئۇستاز ساناش قورقۇش، ئىرادىسىزلىك ئەمەس! بۇ ئېلىم شەرققە خاس ئاياللىق ئىلمى! بۇ -ئەدەپ بىلەن ئائىلىنىڭ ئىشىنى پۈتتۈرۈش «گېپىڭىز توغرا »دەپ تۇرۇپ ئۆز پىكىرىنى ماقۇللىتىش ، خىزمىتىڭگە تەييار دەپ تۇرۇپ ئاينىغان بىپەرۋا ئەرلەرنى ئائىلىپەرۋەرگە ئايلاندۇرۇپ ئېلىش ئىلمىدۇر.(تۇرسۇنجان سادىقوۋا)
مېھرىنى ھەممىگە ، سۆيگۈ مۇھەببىتىنى بىرلا ئادەمگە بېغىشلىيالايدىغان ئاياللار مۇھەببەتلىك ئايالدۇر.(ئاپتوردىن )
ھەم جىسمانى جەھەتتىكى ئاجىزلىقنى تەن ئالالايدىغان ھەم روھىي جەھەتتىكى كۈچلۈكلۈكنى جارىي قىلدۇرالايدىغان ئاياللار ھەقىقىي قۇدرەتلىك ئايالدۇر.(ئاپتوردىن)

ئەسسالامۇ ئەلەيكۇم تورداشلار ！ھەر بىر خەيىرلىك ئىشنىڭ ۋۇجۇدقا چىقىشى نۇرغۇن توسالغۇلارغا ، سىناقلارغا يۈز تۇتقىنىغا ئوخشاش ستۇدېنتلىرىمىز ئۈچۈن ئەركىن مۇنازىرە سورۇنى ھازىرلاشنى نىشان ، ئىلىم -بىلىم تارقىتىشنى مەقسەت قىلغان ستۇدېنتلار مۇنبىرىمىز 2013-يىلى يىل بېشىدا قۇرۇلۇپ ئۆز رولىنى جارىي قىلدۇرۇشقا ئۈلگۈرمەيلا نەچچە قېتىم تاقالدى، مۇنبەرنىڭ تېخنىكىلق مەسلىلىرىنى ئەمدى ھەل قىلىپ بولۇپ قايتا ئېچىشىمىزغا بېكەتنىڭ icp سى ئۆچۈرۈلۈش سەۋەبىدىن يەنە بىر قېتىم تاقالدى،« يېقىلغان چېلىشقا تويماس» دېگەندەك مۇنبىرىمىزنى نورماللاشتۇرۇش ئىشىدىن ھەر ۋاقىت ۋاز كەچمىدۇق. ئااللاھ نىڭ ئىرادىسى بىلەن مۇنبىرىمىز نورمالىشىشقا يۈز تۇتتى.
بىكەت نورماللاشتىيۇ تېمىلار يېڭىلانمىدى، بېكەتنىڭ تەشۋىقاتىغىمۇ كۈچىمىدىم، نىشانسىز كارۋان ئاسانلا يولدىن ئازغاندەك ،نىشان ئېنىق بولغاندىن كېيىن ھەركەتكە ئۆتۈشنى لايىق تاپتىم .توغرا يول ئۈستىدە ، قايسى تەرەققىيات يۆنىلىشى بۇيىچە مۇنبەرنى قانداق قىلىپ ئۇيغۇر تورچىلىقى ئۈچۈن ئاز تولا تۆھپىسىنى قوشالايدىغان ، ئەمەلىي نەپكە ئېرىشتۈرەلەيدىغان تو بىكەت قىلىپ قۇرۇپ چىقىش ئۈستىدە ئىزدىنىشكە باشلىدىم. يېڭى ئوقۇش مەۋسۈمىنىڭ بېشىدىكى ئالدىراشچىلىقلار ، دەرسىمنىڭ كۆپلۈكى مېنى خېلى ھالسىراتتى، مۇنبەر توغرىسىدا ئىزدىنىشلىرىمدىمۇ كۆرىنەرلىك ئىلگىرلەشلەر بولمىدى . مانا بۈگۈن بۇرۇنقى ئويلىرىمدىن، ئىزدىنىشلىرىمدىن يەكۈن چىقىرىپ بۇ تېمىنى يېزىۋاتىمەن .
تور بېكەتنىڭ خاراكتىرى: مائارىپ ، ئەدەبىياتنى ئاساس قىلغان بىر قەدەر كەسپىيلەشكەن تور بېكەت . (ئەسلىي پەقەتلا مائارىپ خاراكتىردىكى پۈتۈنلەي كەسپىيلىشىش يولىنى تاللىغان لېكىن ئۆزۈمنىڭ شۇنداقلا ستۇدېنتلىرىمىزنىڭ ئەدەبىيات قىزغىنلىقىنى كۆزدە تۇتۇپ مائارىپ ۋە ئەدەبىيات تېمىلىرىنى ئاساس قىلغان بىر قەدەركەسپىيلىشىش يولىنى تاللىدىم).
تور بېكەت مەقسىتى: قېرىنداشلىرىمىزگە ئەمەلىي نەپ يەتكۈزەلەيدىغان ، مائارىپ ماتىريال ئامبىرى ، ستۇدېنتلىرىمىز ئۈچۈن ھەقىقىي ، ئىلمىي مۇنازىرە سورۇنى ھازىرلاش.
تېما يوللاش ۋە تەستىقلاش : يوللانغان تېمىلار دۆلىتىمىزنىڭ ئاساسىي قانونى ۋە ئالاقىدار بەلگىلىملىرىگە ئۇيغۇنلاشقان بولۇشى ، ئۆتكۈر سۆز ئىنكاسلار قەتئىي يوللانماسلىقى كېرەك. مائارىپ ۋە ئەدەبىيات تېمىسىدن باشقا بارلىق تېمىلار بىردەك تەستىقلانمايدۇ.
تەرجىمە گۇرۇپپىسى : تەرجىمە گۇرۇپپىمىز سۈبھى تەرجىمە گۇرۇپپىسىنىڭ خىزمەت كۈن تەرتىپى بۇيىچە داۋاملىق توردىن ئەزا قۇبۇل قىلىدۇ. تەرجىمە ئەسەرلىرىمىز مۇنبەر يۈزىدە تورداشلار بىلەن يۈز كۆرۈشۈشتىن سىرت ياخشى چىققان تەرجىمە ئەسەرلەرنى مەتبۇئاتلارغا ئەۋەتىدۇ، پەسىلدە يىلدا بىر قېتىم تەرجىمە گۇرۇپپىمىز ئۈچۈن تىرىشقان ، تەرجىمە مېۋىلىرى تورداشلارنىڭ ئېتراپ قىلىشقا ئېرىشكەن گۇرۇپپا ئەزالىرى مۇكاپاتلىنىدۇ.
مۇخپىرلار گۇرۇپپىسى: سۈبھى تور ژۇرنىلىمىز تەھرىراتى تەرىپىدىن قۇرۇلغان مۇخپىرلار گۇرۇپپىمىز تېخىمۇ مۇكەممەلەشتۈرۈلۈپ ،ستۇدېنتلىرىمىز ئىچىدىكى ياخشى ئىش ياخشى پائاليەت ، ستۇدېنتلار ئىچىدىن چىققان ئۆگۈنۈش ئۈلگىلىرىمىزنىڭ ئىش ئىزلىرىدىن شارائىتىمىزنىڭ يار بېرىشىچە سىنلىق ، يازمىچە ، ئاۋازلىق تورداشلىرىمىز ئۈچۈن خىزمەت قىلدۇرىمىز.
تېخنىكا گۇرۇپپىسى: تېخنىكا گۇرۇپپىمىز ھازىرچە سىناق تەرەققىسىدە قۇرۇلۇۋاتقان بولۇپ چاڭچۈن شەھىرىدە ئوقۇۋاتقان ستۇدېنتلىرىمىزدىن ئالدىن ئەزا قوبۇل قىلىندۇ. مەقسەت ۋە تەلەپ باشقا مۇناسىۋەتلىك تەرەپلىرىنى مۇنبىرىمىزدە داۋاملىق ئاڭلىتىش بېرىمىز.
باشقۇرغۇچى ۋە باشقۇرغۇچىغا قويۇلدىغان تەلەپلەر: مۇنبىرىمىز قۇرۇلغاندىن بۇيان كەمىنە مۇنبەرمەسئولىدىن باشقا باشقۇرغۇچىلارنىڭ رولى جارى قىلدۇرۇلمىدى. ئىلگىركى باشقۇرغۇچىلارنىڭ باشقۇرغۇچىلىق سالاھىيىتى ئېلىپ تاشلىنىدۇ. يېڭىدىن تور دۇنياسىدىكى ئېلىم سۆيەر ستۇدېنتلىرىمىز ئىچىدىن باشقۇرغۇچى قوبۇل قىلىنىدۇ. باشقۇرغۇچىلارغا قويۇلدىغان تەلەپ باشقا مۇنبەرلەردىن ئانچە مۇنچە پەرقلىندۇ، مۇنبەر باشقۇرغۇچىلىرى باشقا مۇنبەر باشقۇرغۇچىلىرىغا ئوخشاش توردا مۇئەييەن ۋاقىت تۇرالىشى ، ئەڭ ئالدى بىلەن خالىس تۆھپە قۇشىدىغان ،ئەدەبىيات جەھەتتىن مۇئەييەن بىلىم ۋە مەلۇماتقا ئىگە بولۇشى سەگەك كاللا، ئويغاق پىكىرگە ئىگە بولۇشى كېرەك . مۇنبەر باشقۇرۇش تەجرىبىسى بولسا ياخشى ئەگەر ئۇنداق بولمىغان ئەھۋالدا تەربىيلەش يېتەكلەش ئېلىپ بېرىلدۇ. باشقا مۇنبەرلەردىن پەرقلىنىدىغان قىسمى شۇكى مۇنبەر تەرەققىيات باسقۇچىدا تۇرۇۋاتقان بولغاچقا باشقۇرغۇچىلار ئايدا تېما سۈپىتىگە كاپالەتلىك قىلغان ھالدا مۇئەييەن ساندا تېما يوللىشى كېرەك . (ئالاھىدە ئەھۋاللار نەزەردىن ساقىت قىلىندۇ)بۇ توغرىسىدا مۇنبەرگە ئايرىم تېما يوللىنىدۇ.
ئۇلىنىش ئالماشتۇرۇش ۋە ھەمكارلىق: مۇنبىرىمىز ئالدى بىلەن ھەرقايسى مائارىپ تور بىكەتلىرى بىلەن ئۇلىنىش ئالماشتۇرىدۇ ۋە ھەر خىل تۈر ، تەرەققىيات يوللىرى ئۈستىدە ھەمكارلىق ئورنىتىدۇ. بېكەتكە كىرىدىغان ipنىڭ سانىنىڭ ئازلىقىنى كۆزدە تۇتۇپ ئۇلىنىش ئالماشتۇرۇشقا قۇشۇلمىسىڭىزمۇ ھېچقىسى يوق …
بىر قەترە سۇمۇ ھاياتلىقنىڭ بەلگىسى بولغاندەك ،مۇنبىرىمىىز ھازرىرقى بىخ ھالىتىدىن تەرەققى قىلىشقا ئېرىشىش ئۈچۈن كەڭ تورداشلارنىڭ قوللىشى قىممەتلىك تەكلىپ پىكىرلەرنى بېرىشىگە موھتاج، شۇ نەرسە ئېنىقكى مەقسىتىمىز پۇل تېپىش ئەمەس نوپۇزلۇق تور بېكەتكە ئايلىنىش تېخىمۇ ئەمەس پەقەتلا ئەمەلىي نەپ بېرەلەيدىغان خەلق كۆڭلىگە ياقىدىغان ئىلمىي تور سورۇنى ھازىرلاش. شۇئارغا ئىشەنمەڭ ئەمەلىي ئۈنۈمگە ئىشىنىڭ ! تېمىلار قەرەللىك ھالدا يېڭىلىنىپ تۇرىدۇ،مۇنبىرىمىز بۈگۈندىن باشلاپ بارلىق تورداشلارنىڭ پايدىلىنىشى ئۈچۈن رەسمىي ئېچىۋېتىلدى!!!
تور ئادرېسىمىز: http://uystudent.com
كامالىي ئېھتىرام بىلەن:
ستۇدېنتلار مۇنبىرى قۇرغۇچىسى ئابلىز ئەخمەت (بىلنۇر)
2013-يىل 10-ئاينىڭ 1-كۈنى