دۆلەت ئىچى ماي باھاسىنى تەڭشەش كۆزنىكى بۈگۈن ئېچىلدى

　　ئۆرلەش نىسبىتى10 يىلدىن بۇيانقى ئەڭ تۆۋەن سەۋىيە بولۇشى مۈمكىن

　 　دۆلەت ئىچىدىكى تەييار ماي باھاسىنى تەڭشەش كۆزنىكى بۈگۈن ئېچىلدى. تۈنۈگۈن كۆپلىگەن بازار ئاپپاراتلىرى خەلقئارا ماي باھاسىنىڭ يېقىنقى 10 خىزمەت كۈنىدىكى يۈزلىنىشىگە ئاساسلىنىپ، دۆلەت تەرەققىيات ۋە ئىسلاھات كومىتېتىنىڭ بۈگۈن دۆلەت ئىچىدىكى تەييار ماي باھاسىنى ئۆستۈرىدىغانلىقىنى ھەمدە ئەتە سائەت نۆلدىن باشلاپ يولغا قويدىغانلىقىنى مۆلچەرلىگەن. ئەمما ئۆسۈش نىسبىتى 10 يىلدىن بۇيانقى ئەڭ تۆۋەن سەۋىيەدە بولۇپ، بىر لىتىر دېزىل ۋە بېنزىن مېيى باھاسىنىڭ ئۆسۈش نىسبىتى 0.06 يۈەندىن 0.1 يۈەنگىچە بولغان.

　　تەييار ماي باھاسىنى بېكىتىشنىڭ يېڭىچە مېخانىزمىغا ئاساسەن، دۆلەت ئىچىدىكى ماي باھاسىنى تەڭشەش دەۋرىي مەزگىلى 10 خىزمەت كۈنى بولغان ھەم خەلقئارا ماي باھاسى بىلەن تۇتاشتۇرۇلغان بولۇپ، قانچىلىك ئۆستۈرۈشكە توغرا كەلسە شۇنچىلىك ئۆستۈرۈلىدۇ. ئالدىنقى قېتىملىق ئىچكى ماي باھاسىنى تەڭشەش ئېلان قىلىنغان كۈن 4-ئاينىڭ 24-كۈنى بولۇپ، 25-چېسلا سائەت نۆلدىن باشلاپ ھەر توننا دېزىل ۋە بېنزىننىڭ ئىچكى باھاسى 395 يۈەنگە ۋە 400 يۈەنگە چۈشكەن. مۇشۇ بويىچە ھېسابلىغاندا، بۇ قېتىملىق ئىچكى ماي باھاسىنى تەڭشەش كۆزنىكى 5-ئاينىڭ 9-كۈنى بولىدۇ، 5-ئاينىڭ 10-كۈنىدىن باشلاپ شۇ بويىچە ئىجرا قىلىنىدۇ.