ئەسسالامۇ ئەلەيكۇم، بېكىتىمىزگە خۇشكەپسىز !
بۈگۈن: مىلادىيە
ھىندىستاندا مەمۇرلار 15 يىلدا بىر قېتىم تاسقىلىنىدىغان بولدى
«ھىندىستان ۋاقتى گېزىتى» يېقىندا ئېلان قىلغان خەۋەرگە قارىغاندا، ھىندىستان ھۆكۈمىتى يېڭى ئېلان قىلغان بىر بەلگىلىمىدە مۇنداق دېيىلىپتۇ: مەمۇرلار، بولۇپمۇ ھىندىستان خەۋپسىزلىك ساقچى قىسىمىنىڭ خادىملىرى 15 يىل خىزمەت قىلغاندىن كېيىن، بىر قېتىم قاتتىق تەكشۈرۈپ بېكىتىشتىن ئۆتىدۇ. ناۋادا مەمۇرلار بۇ خىل تەكشۈرۈشتە «خىزمەت ئۈنۈمى تۆۋەن» ياكى «ھېچقانداق ئىش قىلالمايدۇ» دەپ باھالانسا، ئۇنداقتا «ئومۇمنىڭ مەنپەئەتىنى قوغداش» ئۈچۈن، ئۇلار مەمۇرلار قوشۇنىدىن «مەجبۇرىي پېنسىيەەە چىقىرىش» شەكلىدە تازىلىنىدۇ.
خەۋەردە يەنە مۇنداق دېيىلدى: ئىلگىرى مەمۇرلارنىڭ خىزمەت ئىستاژى 30 يىلغا توشمىسا، مۇنداق تەكشۈرۈپ باھالاشقا شەرتى ھازىرلانمىغان بولاتتى. پەقەت مەركىزىي رېۋىزىيە كومىتېتى «مەجبۇرىي پېنسىيەگە چىقىرىش» مەزمۇنىدا جازالاش پەرمانى چۈشۈرگەندىلا، ھۆكۈمەت خادىملارنى مەجبۇرىي پېنسىيەگە چىقىرىش ھوقۇقىغا ئىگە بولاتتى.
يېقىندا ھىندىستاندىكى چىرىكلىككە قارشى تۇرغۇچى زات ئاننا ھازارى چىرىكلىككە قارشى تۇرۇش دولقۇنى قوزغىغاندىن كېيىن، ھىندىستان ھۆكۈمىتى بىر قاتار مەمۇرىي ئىسلاھات ئېلىپ باردى. يېڭى چىقىرىلغان بۇ تازىلاش قانۇنى بەلكىم ھىندىستان ھۆكۈمىتىنىڭ چىرىكلىككە قارشى تۇرۇپ، خىزمەت ئۈنۈمىنى يۇقىرى كۆتۈرۈش ئىسلاھاتىنىڭ بىر قىسمى بولۇشى مۇمكىن.
جۇڭگو كۆپ مىللەتلىك، كۆپ تىللىق دۆلەت، كۆپ قىسىم مىللەتلەر ئۆزلىرىنىڭ تەرەققىيات مۇساپىسىدە ئانا تىلىنى ۋۇجۇدقا كەلتۈرگەن، تىل بايلىقىنى ئاۋۇتقان ۋە تەرەققىي قىلدۇرغان، ئۇنىڭ ئۈستىگە ھەر بىر تىل شۇ مىللەتنىڭ قويۇق تا...[详细]
