بۇ ئەسەر،ئەسلى مەكتىپىمىزدىكى مىللىي بالىلار بىرلىشىپ ئۆتكۈزگەن نەۋرۇز بايرىمىغا ئاتاپ يازغان بولۇپ،2008-يىل مەھمۇد كاشىغەرىي يىلىنى قۇدلۇقلاش،ھەمدە بوۋىمىزنى مەھمۇدنى كۈيلەش ئۈچۈن يېزىلغان.بۇ شېئىرنى مۇشۇ كەمگە قەدەر مەن يازغان بىردىنبىر سۈپەتلىك شېئىر دىسەممۇ بولىدۇ،ئەمىسە،دىققىتىڭلار تۆۋەنكى قۇرلاردا بولسۇن ھە!(ياخشى يازالمىغاندىكىن،شېئىر ئۇستىلىرى مەسخىرە قىلىپ كۈلۈپ كەتمەيلى ھە،خىجىل بوپقالسام ….)

[align=center]ئاڭلا جاھان،مانا مەن كاشىغەرىينىڭ پۇشتىمەن،

شاھزادەمەس،بىر يىتۈك ئەللامىنىڭ پۇشتىمەن،

ھەيران قالما ئاقسۇدىن ئىكەن تېگىڭ دەپ سېنىڭ،

تۈركىيلەرگە داڭق بەرگەن كاشىغەرىينىڭ ئوغلىمەن!

مەھمۇد بوۋام قالدۇرغان <<تۈركىي تىللار دېۋان>>دىن،

تاۋاپ ئۈچۈن كېلىشتى خىل كىشىلەر ھەر جايدىن،

قىززىپ كەتتى قەشقەرىم <<كاشىغەرىي>>نىڭ يىلىدىن،

پەن كۆكىدە چاقنىغان كاشىغەرىينىڭ ئوغلىمەن!

شاھانە شۇ <<دېۋان>>غا جاھان قايىل بولغاچقا،

قىلغان ئىشى-ئالىملىق مەقامىغا ياتقاچقا،

<<ياشا>>دېدى ب د ت،سالاھىيەت توشقاشقا،

تۈركىيشۇناس باشچىسى كاشىغەرىينىڭ ئوغلىمەن!

ئۇنىڭ تىلى ئەينى چاغ ئەرەب بىلەن بەسلەشكەن،

پارس قېلىپ كەينىدە،باشقا تىللار سەتلەشكەن.

ئەڭ مۇھىمى ئۇ تىللەن <<دېۋان>>ىمىز خەتلەشكەن،

ئەل قەلبىدە كۆكلىگەن كاشىغەرىينىڭ ئوغلىمەن!

كەزگەن يالغۇز جاھاننى گاھى ئاتلىق گاھ ياداق،

سۈرۈپ كەلگەن ئارقىدىن دۈشمەن بەتلەپ يا-ساداق،

كەزمىگەن چۆل قالمىغان تەنلەر ئېغىر،پۇت قاداق،

جاننى پەنگە ئاتىغان كاشىغەرىينىڭ ئوغلىمەن!

كەزدى ئەلنى ئوتتۇز يىل تارتىپ تالاي مۇشەققەت،

ئوغرى سوقتى،قاراقچى باردى تالاي تالاپەت،

ئويلان،ئاشۇ <<دېۋان>>چۈن،كەتكەن قانچە تاپاۋەت،

پەنگە ئۆمۈر ھەيدىگەن كاشىغەرىينىڭ ئوغلىمەن!

مانا ئاشۇ<< دېۋان>>دىن تەنلەر بىر يىل يايرىغان،

مەشرىق تامام مەغرىبچە پۈتكۈل جاھان قاينىغان،

مەھمۇد روھى ئەۋلادتا كۆچەت بولۇپ ئاينىغان،

بىزگە روھىي كۈچ بەرگەن كاشىغەرىينىڭ ئوغلىمەن!

ئۇ-غەزىنە بىز ئۈچۈن، نەچچە ئەسىر قازغۇدەك،

ئۇ-خەرىتە بىز ئۈچۈن،دەۋر بويلاپ ماڭغۇدەك،

ئۇ-ۋەزىپە بىز ئۈچۈن،داستان-شېئىر يازغۇدەك،

بىزگە ئۆچمەس ئىز سالغان كاشىغەرىينىڭ ئوغلىمەن!

بۈگۈن نەۋرۇز،نەۋرۇز ھەم تۈركلەرنىڭ قۇۋۋىتى.

ئۆزبېك،تاتار،قازاقنىڭ،قىرغىزىمنىڭ كۆرىكى،

ئەڭ مۇھىمى <<دېۋان>>نىڭ ئاجرالمىغان يۈرىكى،

يەنە بىررەت ئاڭلىۋال: كاشىغەرىينىڭ ئوغلىمەن!

[/align]2009-يىلى 20- ڧىۋرال شەھىرى ياڭجۇ

ئۇلارنى مەن بۇرۇن كۆرۈپ باقمىغان،بۇنىڭدىن كىيىنمۇ كۆرەلمەسلىكىم مۇمكىن.مەكتەپكە كېلىپ بىرمەۋسۇم ئۆتۈپ كەتتى،باشتا ئۇلار كاللامدىن چىقمايتىيۇ،ئەمدى بولسا ئۇلارنىڭ ئىسمىنىمۇ ئۇنتۇلۇپ قالغانىدىم.ناۋادا تىزراق بولمىسام،ئۇلارنىڭ چىرايىنىمۇ مەڭگۈلۈك ئەستىن چىقىرىپ قۇيۇشىم مۇمكىن ئىدى…
* * *
زىرىكىشلىك مىنۇتلار يەنە باشلاندى،ئەتراپىمدا كىرلەشكەن بەدەن،ھېڭگاڭ چىشلىق،تېخى يېرىم يالىڭاچ بولىۋالغان ئىشلەمچىلەر ئۆز شىۋىلىرىدە قاقاقلاپ كۈلۈشكىنىچە ،پىۋا ئىچىشىپ،قارتا ئوينىشىپ تۇراتتى.مەھەللەمنىڭ ئىشەكلىرىدىنمۇ ئاستا ماڭىدىغان بۇ پويىزغا چىققانلىقىمغا مىڭ مەرتىۋە پۇشايمان قىلىۋاتاتتىم.لېكىن،ھەم ئامالسىز ئىدىم.ئايروپىلانغا چىقىپ باراي دەپ ئويلىغانىدىميۇ،ئايروپىلانغا چىققان ئاشۇ ئارتۇق پۇلۇمنى بىچارە ئاپام ھېلىقى كېلەڭسىز قول ھارۋېسىنى ئۆزى يالغۇز ئىتتىرىپ نەق يىگىرمە كۈن جاپا تارتسا ئاران تاپىدۇ ئەمەسمۇ،ئۇنىڭ ئۈستىگە مەن ئوغۇل بالا،يىگىرمىگە كىرىپ قالدىم،پويىزدا ئولتۇرۇشقا چىدايمەن! دەپ ئۆز-ئۈزۈمنى رىغبەتلەندۈرۈپ ، ھەتتا ئاكامنىڭ ھەمراھ بولۇپ بىللە بېرىشىغا ئۇنىماي يۈك تاقلىرىمنى ئۆزۈم كۆتۈرۈپ سەپەرگە چىققانىدىم.ھەممىدىن يالغۇزلۇق ئېغىر كەلدى،ئۆز تىلىمدا سايرۇغۇم كەلدى،لېكىن ئاڭلايدىغانغا قۇلاق يوق.يات تىلدا كۈلەي دىدىم…ئەركىن ئابدۇللانىڭ <<سەھرا>>دىگەن ناخشىسىنى غىڭشىدىم.غىڭشىپ يەنە توختاپ قالدىم.قولۇمدا ئورخان پامۇقنىڭ <<يېڭى ھايات>>دىگەن كىتابى بار ئىدى،كىتابنى ۋاراقلىغاچ ئۆزۈمنىڭمۇ يېڭى ھاياتقا قەدەم بېسىۋاتقانلىقىمنى ئويلاپ تۇيۇقسىز بۇ كىتابنى ئوقۇشتىن يالتايدىم،شۇ ئان كىتابنى چامادانىمغا سېلىۋەتتىم.ئەمدى قىلىدىغان ھىچقانداق ئىشىم قالمىدى. م پ ئۈچۈمنىڭ توكى ھەم قالمىغانىدى.ئاھ،خىيالغا غەرىق بولدۇم،تولۇق ئوتتۇرىدا ئوقۇغان ۋاقىتتىكى قىززىق ئىشلارنى ئويلاپ ئۆزۈمچە كۈلۈپ ئولتۇردۇم.ئىزدىنىش،دىيارىمدا بولىدىغان پاراڭ،گاھىدا بولىدىغان سۆز جەڭلىرىنى ئەسلىدىم..ئاخىرى خىيالىممۇ تۈگىدى.تەپەككۇرۇم ئۈزۈلدى.مەنىسىز سەپەر داۋام ئەتتى….

بامدات نامىزىمدىن يېنىپ،ئىختىيارسىز ھالدا كومپىيۇتېرنى ئېچىپ ئەلكۈيى توربېتىنى ئاچىدىغان ئادىتىم بار ئىدى،ئەلكۈيىدىكى نادىر ئەسەرلەرنى،قىزغىن تورداشلارنى يەنە بىررەت كۆرۈشنى ئىستەيتىم،ئىچكىرىدىكى مەزمۇنسىز توربەتلەر،مەزمۇنسىز جىدەللەرگە ئوخشىمايدىغان ئۈمىدۋارلىققا،گۈزەل ئارمانغا باشلايدىغان،رېغبەتلىك يازمىلارغا ئىنتىلەتتىم،بۈگۈن ئاخىرى بۇ ئارمىنىم ئەمەلگە ئاشتى،بۈگۈن تور ھەقىقەتەن ئېچىلىپتۇ،بۇ راستكەن!
ئاھ،شۇ تاپتا خۇشاللىقىمدىن ئۇخلاشدىن رايىم يېنىپ دىيارىمىزدىكى توربەتلەرنى كۆرۈشكە ئالدىرىغاچ ئەسسالامۇ ئەلەيكۇم ئەزىز تورداشلار،تور ئېچىلىپتۇ،تور ئېچىلىپتۇ! دىگەن سۆزلەرنى مەن بىلىدىغان چ چ توپلىرىدا تارقىتىپ يۈرگەچ ئۆتكەن كۈنلەردىكى غېرىبچىلىقىمنىڭ تەلتۈكۈس يوقىغانلىقىنى ھىس قىلىپ ئولتۇرۇپتىمەن.

تور ئېچىلدى،ئېچىلدى ھەم كۈلكىمىز،
قىش كەينىدىن باھار كەلگەن ھامان بار.
تور ئېچىلدى،يوقاپ كەتتى غېرىبلىق،
ياخشى كۈنلەر يېتىپ كېلەر زامان بار.

مۇبارەك بولسۇن قېرىنداشلار،بىز كۈتكەن مىنۇتلار يىتىپ كەپتۇ!….

تەۋسىيە توربەتلەر:
http://alkuyi.com/
http://ulinix.com/
http://ulinix.cn
http://www.xjcfan.com

تۇرايىمىز باش بېتىدە بلوگغا كىرگەن كىشىلەرنىڭ سانىنى ۋە دۆلەت تەۋەلىكىنى ھېسابلىغۇچ بار، كۆرۈنىشى ئاددى ھەم كۆركەم. ئەگەر سىزگىمۇ كېرەك بولساتۆۋەندىكى ئۇلىنىشقا كىرىپ ئۆزىڭىزنىڭ بلوگىڭىزغىمۇ بىرنى قىلىۋېلىڭ. ئىلتىماس قىلىش ئۇسۇلى بەكلا ئاددى، تىزىملىتىش كەتمەيدۇ.
http://flagcounter.com
تۆۋەندىكى رەسىمدىن قانداق قىلىشنى كۆرۈۋېلىڭ.

A. كۆرسىتىدىغان بايراق سانى.

B. كۆرسىتىدىغان بايراق رەت سانى.

C. ئۈستىدىكى خەت. يەنى visitor دېگەن خەت بولۇپ. none غا توغۇرلىساق كۆرۈنمەيدۇ، custom غا توغۇرلىساق ئۆزىمىز يازغان خەت كۆرىنىدۇ.

D. تەگلىك رەڭگى.

E. خەت رەڭگى.

F. رامكا رەڭگى.

G. دۆلەت نومۇرىنى چىقىرىش.

H. بارلىق زىيارەت سانىنى چىقىرىش.

K. تاماملاش يەنى كود ھاسىل قىلىش.

ھاسىل بولغان بەتتىكى كودنى(رەسىمدىكى قىزىل رامكا ئىچىدىكى) كۆچۈرۈپ بلوگىڭىزنىڭ مۇۋاپىق جايىغا چاپلاڭ.
مەنبە:پرستان بلوگى
مەنبە مەنزىلى:
http://pristan.blogbus.com/logs/63167250.html

دىيارىمىزدىكى تەڭرىتاغلىرىنى ئەسلىتىدىغان بۇ ئۇسلۇبنى كۆرگەن چاغدىلا تەرجىمە قىلىپ تەييارلاپ قويغانىدىم.سۇس رەڭنى ئاساس بۇ ئۇسلۇبنى ئۇيغۇرچىلاشتۇرۇش جەريانىدا ماسلاشتۇرۇش ئۈچۈن بارلىق خەت نۇسقىلىرىنىڭ چوڭ-كىچىكلىكىنى مۇۋاپىق ھالدا تەڭشىدىم ھەمدە بۇرۇن تارقاتقان ئۇسلۇبلارغا ئوخشاشلا بىۋاستە ئۇيغۇرچە كۆرسىتىش كودى ۋە ئايرىم بەت ئۇلىنىش كودىنى قۇشۇۋەتتىم.بلوگباس تەمىنلىگەن ئېلانلارمۇ شۇ پېتى قالدى،ئىشلەتكۈچىلەر ئۆز ئىھتىياجىغا قاراپ چىقىرىۋېتىشنى ياكى ساقلاپ قېلىشنى تاللىسا بۇلىدۇ.
بۇ ئۇسلۇبنىڭ نامى بەت ئۈستۈدىكى تاغ رەسىمىدىن ئېلھام ئېلىپ قويۇلدى.
بەت كۆرۈنۈشى(قوش چەكسىڭىز چوڭىيىدۇ)

ئۇسلۇبنى سىناش جەريانىدا ھىچقانداق نورمالسىزلىق كۆرۈنمىدى.ئىشلەتكۈچىلەر ئىشلىتىش جەريانىدا بىرەر نورمالسىزلىق بايقىساڭلار ئىنكاس ھالىتىدە خەۋەر قىلىپ قويارسىلەر…
بۇ يەرنى بېسىپ چۈشۈرىۋېلىڭ

خەۋەرلەرگە ئاساسلانغاندا WordPress 3.0 beta 2 بۈگۈن رەسىمىي ھالدا تارقىتىلغان بولۇپ،بۇ نەشىرىدىكى WordPressدە ئاساسلىقى ئابونت كۆرۈنمە يۈزى يېڭىلانغان بولۇپ،قاچىلاش ھەمدە چىقىرىش ئىقتىدارلىرىدا مۇناسىپ ھالدا ئۆزگەرتىش كىرگۈزۈپ ئىشلەتكۈچىلەرنىڭ قولايلىق ھالداBeta 2نەشىرىگە كۆتۈرۈلۈشى ئۈچۈن شارائىت ھازىرلاپ بەرگەن.
WordPress 3.0 beta 2دە يېڭىلانغان مەزمۇن:
1.تىزىملىك قايتا تەڭشەلگەن بولۇپ،ئابونت كۆرۈنمە يۈزى يېڭىلانغان.
2.بولۇپ،قاچىلاش ھەمدە چىقىرىش ئىقتىدارلىرىدا مۇناسىپ ھالدا ئۆزگەرتىش كىرگۈزۈپ ئىشلەتكۈچىلەرنىڭ قولايلىق ھالداBeta 2نەشىرىگە كۆتۈرۈلۈشى ئۈچۈن شارائىت ھازىرلاپ بەرگەن.
3.تىل بۇلىقى تېخىمۇ موللاشقان.
4.بىخەتەرلىك ئىقتىدارلىرى كۈچەيگەن.

WordPress ھەققىدە
Wordpress بولسا ئىقتىدارلىرى ناھايىتى كۈچلۈك بولغان،ئىشلىتىشكە ھەم قولايلىق بولغان مەزمۇن سېستىمىسى.بېشىدا،مەزكۇر سېستىمىنىڭ نىشانى بلوگ سېستىمىسىغا قوللىنىش ئىدى.بىراق،كىيىنچە بارا بارا مودىغا ئايلانغاندىن كىيىن ئىقتىدارى كۈچلۈك ۋە مۇكەممەشلىشىشكە قاراپ ماڭدى،بۇ سېستىمىغا بىرقىسىم يېڭى ئىقتىدار ۋە قۇشۇمچە(插件) قوشۇشقا بۇلىدۇ.
بۇ سېستىما PHP تىلىدا ئېچىلغان بولۇپ،PHP ۋە MySQL ساندانلىق مۇلازىمىتىردا ئىشلەتكىلى بولىدۇ.نۆۋەتتە ئۇيغۇرچە توربەتلەردىن ئۇزھال لايىھە تورى دەل مۇشۇ سېستىمىدىن پايدىلىنىپ قۇرۇلغان.
ئۇزھال تورى ئادرىسى:
http://www.uzhal.com

بۈگۈن بلوگباس بلوگ تەمىنلەش تورىدا يەنە نورمالسىزلىق كۆرۈلگەن بولۇپ،بلوگ باشبېتى ۋە بلوگ مۇنبەرلىرى نورمال،ئەمما شەخسىي بلوگلار ئېچىلماس بولۇپ قالغان.ئۇيغۇر بلوگگېرلار QQ توپىدىكى تورداشلارنىڭ ئىنكاسىچە تەخمىنەن كەچ سائەت 9:30 لار ئەتراپىدا شۇنداق نورمال ئىكەنتۇق.كىيىن تۇيۇقسىزلا بلوگلار ئېچىلماس بولۇپ قالغان.
بۇ خەۋەرنى ئاڭلاپ مەنمۇ شۇ ھامان ئۇيغۇربەگنىڭ بلوگباس تور تۇرايىنى ئادرىسىنى سىناپ كۆرۈۋېدىم،دەرۋەقە ئۇلىنىشدا خاتالىق كۆرۈلدى.

ئاندىن،بلوگباس ئارقا سېپىگە كىرىپ تەكشۈرۈش ئېلىپ باقاي دەپ كېرىۋىدىم،تۆۋەندىكىدەك خاتالىق ئۇچۇرى كۆرۈلدى.

مۇشۇ يىلى يانۋارنىڭ باشلىرىدا بلوگباس 15 كۈن تاقىلىپ قالغان بولۇپ،بلوگباس بلوگگېرلىغا بىرقىسىم قولايسىزلىقلارنى ئېلىپ كەلگەنىدى.
مۇشۇ يازما يوللانغىچە،بلوگباس شىركىتى بۇ ھەقتە ھىچقانداق ئۇچۇر بەرمىدى.

توربەت ياساش-توربەت ھەۋەسكارلىرى نىسپەتەن ناھايىتى ئەھمىيەتلىك بىر ئىش.بۇ ئىشقا قىزىقىپ قالغان ھەربىركىشى ھەتتا تاماق يىيىشنى ئۇنتۇلۇپ قالسا ئۇنتۇلۇپ قالىدىكىن،ئەمما ۋاقىت چىقىرىپ مەشىق قىلىشنى ھەرگىز ئۇنتۇلۇپ قالمايدۇ.ئەمما،بىزدە توربەت ياساش ئۈچۈن ئاۋۋال قەلەم-قەغەز تېپىپ،توربەتنىڭ ئاساسىي گەۋدە قىسمىنى سىزىپ چىقىدىغانلار ئاز بولسا كېرەك.بولمىسا ئۆزىىمىزنىڭ تەجرىبىسى ئاساسىدا شۇ ھامان لايىھىلەشنى باشلايمىز.ناۋادا بىرەرسى توربەت ھەققىدە گەپ تىشىپ قالسا،كۆپچىلىكىمىز توربەتنىڭ رەڭ تۈزۈلۈشى،سۆرەت ئۇرۇنلاشتۇرۇشى قاتارلىقلارنى ئەسكە ئالىمىز.ئەلۋەتتە،Photoshop ۋە ئۇنىڭ سۈزۈش قۇشۇمچىسى توربەت لايىھىلىگۈچىلەرگە ئاجايىپ تەسىرلەرنى كۆرسەتمەكتە ئىدى.
توربەت لايىھەلەشكە ئائىت ماتىرىيال كۆرۈۋېتىپ بىر چەتئەللىك توربەتچىنىڭ توربەت ياساش خاتىرىسىنى كۆرۈپ قالدىم.مېنى ھەممىدىن بەك قىزىقتۇرغىنى،توربەتنىڭ گەۋدىسى ئەمەس بەلكى توربەتچىنىڭ ئەڭ ئاۋۋال توربەتنى سىدام سىزمىدا لايىھەلەش چىقىشى بولدى…
تۆۋەندە مەن بۇ خاتىرىنى ئۇيغۇرچىلاشتۇرۇپ قويدۇم،بەلكىم سىلەرگە يېڭىچە تۇيغۇ ۋە ئىلھام بەرسە ئەجەپ ئەمەس.

بۇ قىستۇرما ئۇيغۇربەگ تور تۇرايىغا ئىشلىتىپ كېلىۋاتقان قىستۇرما بولۇپ ھەر بىر يازما بېتىنىڭ يان بۆلىكىگە ئورنىتىلىدۇ.ئاساسلىق ئىقتىدارى نۆۋەتتىكى يازمىغا نومۇر قويۇش بولۇپ زىيارەتچىلەر ئۆزلىرىنىڭ خالىغىنى بۇيىچە يازمىلارغا 1 دىن 5 كىچە نومۇر قۇيالايدۇ. قويۇلغان نۇمۇرلار ئوتتۇرىچە ھىسابلىنىپ،نومۇر قۇيۇشقا قاتناشقان ئادەم سانى ئاپتوماتىك خاتىرىلىنىۋالىدۇ.قىزىقىدىغانلار چۈشۈرۈپ سىناپ بېقىڭلار.

ئەسكەرتىش:بۇ پەقەت Pjblogغىلا ماس كېلىدۇ.

بۇ يەرنى بېسىپ چۈشۈرىۋېلىڭ

ئەسسالامۇ ئەلەيكۇم ھۆرمەتلىك ساۋاقداشلار،ئەسسالامۇ ئەلەيكۇم ھۆرمەتلىك قۇربان ھېيىت ئەھلى،ھەممىڭلارنىڭ ئولۇغ قۇربان ھېيتىغا مۇبارەك بولسۇن!

بۈگۈن،مانا مۇشۇنداق ئۇلۇغ بىركۈندە،يۇرتىمىزدىن ئايرىلىپ باشقا بىر شەھەردە،باشقا بىر يۇرتتا بۇ ئەنئەنىۋى بايرىمىمىزنى ئۆتكۈزۈپ تۇرۇپتىمىز،شۇ تاپتا بۇ شادلىقتىن پۈتكۈل شېنجېن ئۇنىۋېرسىتىتى شۇنداقلا پۈتكۈل شەھەرئۆزگىچە بىر تۈسكە كىرىپ تۇرۇپتۇ.بۈ خاسىيەتلىك مىنۇتلاردىن نەچچە كۈندىكى قەھرىتان سوغۇق باھارنىڭ ئىللىق ئاپتىپىغا ئايلىنىپ تۇرۇپتۇ.مانا بۇ ھېيت شادلىقىنىڭ قۇدرىتى! مانا بۇ ھېيىت شادلىقىنىڭ خاسىيىتى! مانا بۇ ھېيىت شادلىقىنىڭ ماھىيىتى!دېمەك، بىزنىڭ بۇ شادلىقتىن پەخىرلىنىش ھوقۇقىمىز بار،چۈنكى بۇ ھېيىت بىزنىڭ،چۈنكى بۇ شادلىق بىزنىڭ،چۈنكى بۇ ھاياتلىق بىزنىڭ!

گەرچە، بىزگە ھېيىتلىق خۇشاللىقى ئاتا قىلىدىغان ئۇرۇق-تۇققانلىرىمىز يېراق يۇرتتا قالغان بولسىمۇ ئەمما بىزگە يېقىنلىق ھىس قىلدۇرىدىغان دىيارىمىزنىڭ ھەرقايسى جايلىرىدىن كەلگەن ئوقۇغۇچىلار ئورتاق خۇشاللىقتىن بەھىرلىنىپ ئولتۇرۇپتىمىز.گەرچە،بىزگە خۇشاللىق ئاتا قىلىدىغان ئەنئەنىۋى ئادەتلىرىمىز يۈرىكىمىزدە يادلىنىپ تۇرغان بولسىمۇ،ئەمما بىزگە شادلىق ئاتا قىلىدىغان بۇ ھېيىت يىغىلىشى بىزگە يېڭىچە قىممەتنى تونۇتۇپ تۇرۇپتۇ.دىمەك بۇ يەردە بىز يالغۇز ئەمەس،بىز غېرىب ئەمەس.مەيلى بىز نەگىلا بارايلى،قۇربان ھېيىت شادلىقى بىزدىن ھەرگىز ئۆكسۈمەس!

.»بىر كۈنى دىگىنە،ئاداش- دېدى بىر ئايال يېنىدىكى خېلى پۇرۇز كىيىنگەن دوستىغا،-زاھىر بۇرھان دىگىنى تۇرپاندا ئاياللاردەك قۇيۇۋالغان ئۇزۇن چېچىنى تازا ياساپ كېچىدە ئاقسالىق قىلغان گەپ.ۋاھ ھاي،شۇنىڭ بىلەن يىگىتلەر ئۇنىڭ ئەدىبىنى راسا بىرىپتۇ.ئاڭلىسام بىچارە نەچچە ئاي ياتقان گەپ.مانا بۇ خەلق ئەڭ ياخشى كۈرىدىغان ئون سەنئەتكارىمىز ئۈستىدىكى گەپ. كىيىن،زاھىر بۇرھاننىڭ بىر زىيارەت قىلىنىش خاتىرىسىدىن بىلدىمكى،ئەسلى ھەقىقى ئەھۋالدا، زاھىر بۇرھان تۇرپانغا ئۇيۇن قويغىلى بېرىپ ئاخشىمى تۇرپان كوچىلىرىنى ئارىلاۋاتقاندا،ئۈزىنىڭ بىر ناخشىسىنى بىرەيلەننىڭ شۇنداق ياخشى ئېيتىۋاتقانلىقىنى ئاڭلاپ،ئۇنىڭ بىلەن كۈرۈشكىسى كېلىپ بارغانىكەن.قارىسا،ئۇ بىر ھاراقكەش بولۇپ ئەمدى بىر ئېغىز گەپ قىلىشىغا مەستلىكى تۇتۇپ ئۇرغان،شۇنىڭ بىلەن بەزى ئۇزاق قۇلاقلىرىمىز بۇ خەۋەرنى چالا پۇچۇق ئاڭلاپ يۇقارقىدەك ئۆسەك سۆزلەرنى تارقىتىپ يۈرۈشكەن.
ئاداش ئاڭلىدىڭلىمۇ؟-دېدى بىر زىيالىي سۈپەت ياش،-ئابدۇللا ئابدۇرېھىمنى كاناي راكى بولۇپ ئۆلەپ كېتىپتۇ دەيدۇغۇ؟
-سىلىمۇ ئاڭلىدىڭلىمۇ بۇ گەپنى؟-دېدى ئۇنىڭ خىزمەتدىشى ھەيرانلىقىنى يۇشۇرۇپ بولالماي،- مەن بىرنەچچە كۈننىڭ ئالدىدا شۇنداق دەپ ئاڭلىغان.
-ھازىر ھەممە خەقنىڭ ئاغزىدا شۇپاراڭ. ھەي ئىسسىت بىچارە،كاناي راكى بولغان ئادەم ئۆيىدە ئارام ئېلىپ جىم ياتماي نېمە بار ناخشا توۋلاپ ھاياتىنى قىسقارتقۇچە!

مۇرات كەكىللى ئۇيغۇر جەمئىيىتىدە تاركان،ئىبراھىم،گۆھتان قاتارلىق ناخشىچىلاردەك ئانچە تۇنۇش ئەمەس. بېراق، << بۇ ئاخشام ئۆلەرمەن >> دىگەن ناخشىنى ئاڭلاپ باققانلارغا ئۇ چۇقۇم ناھايىتى چۇڭقۇر تەسىرىنى قالدۇرغان. << بۇ ئاخشام ئۆلەرمەن >> دەل بىز بۈگۈن تۇنۇشتۇرۇپ ئۆتىدىغان ناخشىچى مۇرات كەكىللىنىڭ بۇلىدۇ.

مۇرات كەكىللى 1968-يىلى 18- ئاپرىل ئادانا(Adana)دا تۇغۇلغان بولۇپ،باشلانغۇچ،ئوتتۇرا مەكتەپ ھاياتىنى كىندىك قېنى تۆكۈلگەن ئادانادا ئۆتكۈزگەن. ئائىلىسى نامرات بولغاچقا،مۇرات كەكىللى كىچىگىدىن تارتىپ جاپا مۇشەققەتلىك تۇرمۇشنى باشتىن كەچۈرگەن.ئۇ تەتىل كۈنلىرى مەھەللىسىدە يەل يىمىش ساتاتتى،مۇشۇنداق كۈنلەرنىڭ بىرىدە مۇرات كەكىللىنىڭ بېشىغا تەلەي قۇشى قۇنۇپ ئادانا ياشلار ئۇيۇشمىسىنىڭ رەئىسى بىلەن كۆرۈشۈپ قالىدۇ ھەمدە ئۇنىڭ يېنىدا ئىشلەش پۇرسىتىگە ئېرىشىدۇ.ھەمدە بىر پىئانىنو چالىدىغان ياش بىلەن تۇنۇشۇپ قېلىپ پىئانىنوغا ناھايىتى ئىشتىياق باغلاپ قېتىرقىنىپ ئۆگىنىشكە باشلايدۇ.شۇنداق قىلىپ، مۇرات كەكىللىنىڭ سەنئەت ھاياتى باشلىنىدۇ.