App Store دا ئەپلەرنىڭ تۈرىمۇ، سانىمۇ دەھشەت سۈرئەت بىلەن ئېشىۋاتىدۇ. كىشىنى خوش قىلىدىغىنى شۇكى، بۇ تەرەققىيات پەقەت بىر خىللا شەكىلدىكى ئەپلەرنى لايىھەلەشكە ئەمەس، ئادەمنىڭ كاللىسىغا كەلمەيدىغان، ئەقلىنى لال قىلىدىغان بىر شەكىلدە بولۇشقا قاراپ مېڭىۋاتىدۇ. بۈگۈنكى بۇ ئەپنىڭ لايىھەسىمۇ كۈچلۈك ئىجادچانلىققا ئېگە ئىنتايىن ئوماق بىر ئەپ.
بۇ ئەپنىڭ لايىھەسى App Store دىكى ئوخشاشلىشىش دولقۇنىنىڭ سىرتىغا قېچىپ چىققان بىر شەكىلدە. بۇ ئەپ ئەمەلىيەتتە بىر ۋاقىتنى تەتۈر سانايدىغان ۋە قوڭغۇراقلىق سائەتئورنىدا ئىشلەتكىلى بولىدىغان ئالاھىدىلىككە ئېگە.
لېكىن ۋاقىت توغرىلاشتا بۇرۇنقىدەك سائەتنى رەقەم بىلەن توغرىلاپلا قويماستىن، ئوڭ تەرەپ ئۈستىدىكى «تارتقۇ» نى ئاستىغا سۆرەپلا ئەكەلسەك بولىدۇ. قايسى ۋاقىتقا توغرىلانغىنى ۋە ئۇنىڭغا قانچىلىك ۋاقىت قالغانلىقىنى شۇ ھامان كۆرسىتىپ بېرىدۇ. بىز خالىغان جايغا كەلگەندە قويۇۋەتسەك ئىش تامام.
ۋاقىت توغرىلاش مانا مۇشۇنداق ئاددىي. كۆرۈنمە يۈزىمۇ بىز دائىم كۆرۈپ كۆنۈپ قالغان كونا شەكىلدە ئەمەس. UI نىڭ كۆركەملىكىگە ئەپ ياسىغۇچى ئىنتايىن ئەھمىيەت بەرگەن.
بۇ ئەپ ئارقىلىق يەنە ھەر كۈنى سائەت مانچىدە ئەسكەرتىش بەر دەپ تەڭشەپ قويغىلىمۇ بولىدۇ.
ئەپ ئىسمى : Pull Time 2
ساتقۇچى : d’mind project
تۈرى : قوللىنىشچان
چوڭلۇقى : 20.0 MB
باھاسى : ۋاقىتلىق ھەقسىز.
iTunes چۈشۈرۈش ئادرىسى:
ما تېمىغا راستىنلا تېخىچە ئىنكاس چۈشمەپتا ؟ ھەممەيلەن مۇنبەر ئوينايدىغان بوپ كەتتىمۇ نېمە ؟
ۋاي پۇللۇق بوپ كىتىپتۇ
كىچىكىپ قاپتۇق ئەمەسما … 30 كويلاق ئەپتىن قۇرۇق قاپتۇق …