ئۇيغۇر مەدەنىيتى، تارىخى-ئۇيغۇرلارنىڭ ئەنئەنىۋى تامىقى-قۇناق چۆچۈرىسى

ئۇيغۇرلارنىڭ ئەنئەنىۋى تامىقى-قۇناق چۆچۈرىسى

بەشتاش(www.baxtax.cn)ئاپتۇر : دۇلان2013-11-26 22:56

　قۇناق چۆچۈرىسى بىر قانچە تۈرلۈك بولۇپ، قىيمىغا ئاساسەن قوي گۆشى قىيمىلىق، كەپتەر گۆشى قىيمىلىق، ياڭاق قىيمىلىق دېگەن تۈرلەرگە بۆلۈنىدۇ.

خېمىرنى تەييارلاش ئۇسۇلى: ئالدى بىلەن ئېسىل تارتىلغان ئاق قۇناق ئۇنىغا تۇز ۋە قايناقسۇ قۇيۇلۇپ چىڭ قىلىپ خېمىر يۇغۇرۇلۇپ، تىندۇرۇپ قويۇلىدۇ.

قىيما تەييارلاش ئۇسۇلى: ئەتكۈچى ئۆزى خالىغان گۆش ئۇششاق توغرۇلۇپ قىيما قىلىنىدۇ، ئاندىن پىياز ئۇششاق چانىلىپ زىرە، قارىمۇچ، تۇز ئارىلاشتۇرۇلىدۇ، قىيمىغا ئازراق سۇ يىگۈزۈلىدۇ.

ئىتىش ئۇسۇلى: خىمىر ياڭاق چۇڭلۇقتا زۇۋۇلا قىلىنىپ ئوتتۇرى باش بارماق بىلەن بېسىپ كاۋاك قىلىنىدۇ ۋە كاۋاكقا مۇۋاپىق قىيما سىلىنغاندىن كېيىن ئېغىزى ھىملەشتۈرۈلۈپ سۇس ئوتتا 15 - 20 مىنۇت ئەتراپىدا قاينىتىپ پىشۇرۇلىدۇ. قۇناق چۆجۈرىسىنىڭ يۇقىرى قان بېسىمى، جىگەرنى ماي قاپلاپ كېتىش، دىئابىت كېسىلى، ئىشتھاسىزلىق، زىيادە سېمىزلىك قاتارلىق كېسەللەرگە ئالاھىدە پايدىسى بار.

ئالدىنقىسى:ئۇيغۇر نامىنىڭ ماددى ئىسپاتى «قور» ھەيكىلى تېپىلدى
كېيىنكىسى: يىپەك يولىنىڭ ھازىرقى زاماندىكى ئەھمىيىتى

بۇ تېما سىزگە يارىغان، ياردەم بەرگەن بولسا،ھەمبەھىرلەڭ،ساقلىۋىلىڭ: