«سۈنئىي يۈرەك» سىناق قىلىنغان قوينىڭ ھايات تۇرغىنىغا 61 كۈن بولدى



　　5-ئاينىڭ 13-كۈنى ئۆتكۈزۈلگەن ئاخبارات ئېلان قىلىش يىغىنىدا، سىناق قىلىنغان قوي «تيەنجيۇ» كۆپچىلىككە كۆرسىتىلدى.

　　13-چېسلا چۈشتىن بۇرۇن، بىر ئالاھىدە قوي تيەنجىن تەيدا خەلقئارا يۈرەك-قان تومۇر كېسەللىكلىرى دوختۇرخانىسىدا (تۆۋەندە قىسقارتىلىپ تەيدا دوختۇرخانىسى دېيىلىدۇ) پەيدا بولدى. ئۈستىگە ئېسىلغان داۋالاش ئۈسكۈنىلىرىنى ھېسابقا ئالمىغاندا، ئەركىن-ئازادە مېڭىپ يۈرگەن بۇ قوي ساغلام، تېتىك بولۇپ، ئادەتتىكى قويلاردىن ھېچقانداق پەرقى يوق ئىدى. لېكىن، بۇ قويغا ئېسىلغان ئۈسكۈنە كەلگۈسىدە مەملىكىتىمىزدىكى نەچچە مىليونلىغان ئاستا خاراكتېرلىك يۈرەك زەئىپلىشىش كېسەللىكىگە گىرىپتار بولغانلارغا بەخت ئېلىپ كېلىشى مۇمكىن.

　　تونۇشتۇرۇلۇشىچە، سىناق قىلىنغان قوي «تيەنجيۇ»غا جۇڭگو توشۇغۇچى راكېتا تېخنىكىسى تەتقىقات ئورنىنىڭ 18-تەتقىقاتخانىسى ۋە تەيدا دوختۇرخانىسى ھەمكارلىشىپ مۇۋەپپەقىيەتلىك تەتقىق قىلىپ ياسىغان، مەملىكىتىمىزدىكى تۇنجى كۆچۈرۈشكە بولىدىغان 3-ئەۋلاد يۈرەك قېرىنچىسى قوشۇمچە ئەسۋابى ـــــ ماگنىتلىق قوش سوسپېنزىيە قان پومپىسى ئورنىتىلغان. خەۋەر ئارگىنالى يوللانغان ۋاقىتقا قەدەر «تيەنجيۇ»نىڭ ساغلام تۇرۇۋاتقىنىغا 61 كۈن بولغان بولۇپ، دۆلەت بويىچە 3-ئەۋلاد يۈرەك قېرىنچىسى قوشۇمچە ئەسۋابى كۆچۈرۈلگەندىن كېيىن ھايات تۇرۇش ۋاقتى ئەڭ ئۇزۇن بولۇش رېكورتنى ياراتقان. شۇنىڭ بىلەن بىرگە بۇ قېتىمقى كۆچۈرۈش سېنىقى مەملىكەت بويىچە تۇنجى قېتىم باتارىيە ۋە كونتىروللىغۇچنى كۆتۈرۈپ ئەركىن ھەرىكەت قىلىشنىڭ ئىشقا ئېشىشى بولۇپ، قان پومپىسىنى كېلىنىكىلىق كۆچۈرۈشنىڭ تەقلىدىي ھالىتىگە يەتكەن. بۇدۆلىتىمىزنىڭ 3-ئەۋلاد يۈرەك قېرىنچىسى قوشۇمچە ئەسۋابى تەتقىقاتىدا مۇھىم بۆسۈش ھاسىل قىلغانلىقىدىن دېرەك بېرىدۇ.