‹‹ ۋال كوچىسى گېزىتى ›› : جۇڭگو ياشلىرى نېمىشقا ئىگىلىك تىكلەشنى خالىمايدۇ

جۇڭگودىكى چولپان كارخانىچىلارنىڭ سودا مۇۋەپپەقىيىتى ، ئالىي مەكتەپنى پۈتكۈزگەن ياشلارنى خوجايىن بولۇشقا يېتەكلەشتە ئۆز رولىنى جارى قىلدۇرالمىغاندەك قىلىدۇ . خەۋەرلەردە ئايان بولۇشىچە ، ئۆتكەن يىلى جۇڭگودىكى پەقەت % 1.6 ئوقۇش پۈتكۈزگەن ئوقۇغۇچى ئۆز ئالدىغا ئىگىلىك تىكلىگەن بولۇپ ، ئالدىنقى يىلى بىلەن تەڭلەشكەن . ئامېرىكىدىكى ياشلار پۈتۈن نىيىتى بىلەن كېيىنكى قەدەمدىكى بىر ‹‹ ئىش ›› نى ۋۇجۇدقا چىقىرىشقا بېرىلىدۇ ، جۇڭگودىكى يېڭىدىن روناق تېپىۋاتقان كىچىك خوجايىنلار بولسا، ئىشىنى ئەڭ تۆۋەن تېخنىكا ۋە ئەڭ تۆۋەن يۈزلىنىشتىن باشلايدۇ .

    جۇڭگو ئىجتىمائىي پەنلەر ئاكادېمىيەسى ۋە مېكىس تەتقىقات يۇرتى ئېلان قىلغان ‹‹ 2012–يىللىق جۇڭگو ئالىي مەكتەپ ئوقۇغۇچىلىرىنىڭ ئىشقا ئورۇنلىشىش دوكلاتى ›› دا ئايان بولۇشىچە ، جۇڭگو كەسپىي ئالىي مەكتەپلەر ۋە تېخنىكومنى پۈتكۈزگەن ئوقۇغۇچىلارنىڭ تولۇق كۇرسنى پۈتكۈزگەن ئوقۇغۇچىلارغا قارىغاندا ئىگىلىك تىكلەشنى خالايدىغانلىقى ئايرىم ھالدا % 2.2 ۋە % 1 كە يېتىدىكەن . كۆپلىگەن ياش ئىگىلىك تىكلىگۈچىلەر ئانچە تەرەققىي تاپمىغان ئوتتۇرا غەربىي قىسىمدىكى رايونلارغا تارقىلىپ ، تىپىك بولغان جۇڭگو كارخانىلىرىنىڭ ئۆز ئالدىغا ئىگىلىك يارىتىش مەنزىرىسىنى ــــــ ئاشخانا ئېچىش ۋە چوشقا بېقىش قاتارلىقلارنى شەكىللەندۈرگەن .

    جۇڭگودىكى مۇتلەق كۆپ ساندىكى ئىگىلىك تىكلىگۈچىلەر ئاتا–ئانىسى ياكى ئۇرۇق–تۇغقانلىرىدىن مەبلەغكە ئېرىشكەنلەر بولۇپ ، تولۇق كۇرسنى پۈتكۈزگەن ئوقۇغۇچىلار % 80 كە ، كەسپىي ئالىي مەكتەپ ۋە تېخنىكومنى پۈتكۈزگەن ئوقۇغۇچىلار % 82 كە يېتىدۇ . ھالبۇكى ، مۇتلەق كۆپ ساندىكى غەربلىك ياش ئىگىلىك تىكلىگۈچىلەرنىڭ تايىنىدىغىنى مەبلەغ سالغۇچى ‹‹ پەرىشتە ›› لەر ۋە جامائەت مەبلەغ مەنبەسى ، مەسىلەن : ھۆكۈمەت ياكى مەكتەپلەر تەمىنلىگەن مەبلەغ قوللىشىدىن ئىبارەت .

    جۇڭگو ھۆكۈمىتى ۋە مەكتەپلەر مەبلەغ جەھەتتىن ياردەم قىلغان ئىگىلىك يارىتىش مۇسابىقىلىرى ، گەرچە نۇرغۇنلىغان قاتناشقۇچىلارنى جەلپ قىلغان بولسىمۇ ، ئەمما بۇنىڭ ئىچىدىكى كۆپلىگەن كىشىلەر كەلگۈسىدە ئىگىلىك يارىتىشنى مەقسەت قىلمىغان ، شيامىن ئۇنىۋېرسىتېتىنىڭ تەكشۈرۈشىدىن ئايان بولۇشىچە ، بۇ مەكتەپتىكى ئىگىلىك تىكلەش مۇسابىقىسىدا % 53 قاتناشقۇچى مۇسابىقىگە قاتنىشىش نىيىتىنى كەلگۈسىدە كەسىپ ئۆگىنىپ ، تەجرىبە توپلاش ۋە غوللۇق ئادەمگە ئايلىنىشقا باغلايدىكەن .

    تەكشۈرۈشتە مەلۇم بولۇشىچە ، غەربتىكى سودا ئالىي مەكتەپ ۋە تېخنىكوملارنى پۈتكۈزگەن ئوقۇغۇچىلار تەنقىدىي خاراكتېرلىك تەپەككۇرنىڭ رىغبەتلەندۈرۈشىدىن مەنپەئەت ئالغۇچىلار بولسىمۇ ، جۇڭگولۇق ئوقۇغۇچىلار ئىجادىي خاراكتېرلىك بولۇشقا ئانچە ئېتىبار بەرمەيدىكەن . خەۋپ–خەتەرگە تەۋەككۈل قىلىشنى خالىمايدىكەن ، بۇ جۇڭگونىڭ ئۆلۈك خاتىرىلەش–قارغۇلارچە يادلاشنى ئاساس قىلغان مائارىپ تۈزۈمىدىن كەلگەن .

    مەبلەغ سالغۇچىلارنىڭ ئاز بولۇشىمۇ ، جۇڭگولۇق ئوقۇغۇچىلارنىڭ ئىگىلىك تىكلىشىنىڭ نىسبەتەن ئاز بولۇشىدىكى بىر ئامىل . شۇڭا ، ياش ئىگىلىك تىكلىگۈچىلەرنىڭ مەبلەغ تېپىشى ناھايىتى تەسكە توختايدۇ . شۇڭا جۇڭگودىكى مەلۇم داڭلىق مەبلەغ سالغۇچى ‹‹پەرىشتە ›› مۇنداق دەيدۇ : جۇڭگونىڭ ئىگىلىك تىكلەش مۇھىتى ئامېرىكىنىڭ كەينىدە تۇرىدۇ ، ئەمما يېڭىلىق يارىتىش يەنىلا بىر مەسىلە، ‹‹ مەبلەغ مەسىلە ئەمەس ، مەسىلە ياخشى تۈرنىڭ بولۇش–بولماسلىقىدا . بىر قىسىم جۇڭگولۇق ئوقۇغۇچىلارنىڭ ئىگىلىك تىكلەش تۈرلىرى پەقەت ئاددىي تەقلىد قىلىشتىنلا ئىبارەت ›› .