2013- يىللىق ئادەتتىكى ئالىي مەكتەپلەرگە ئوقۇغۇچى قوبۇل قىلىش ئىمتىھانى بويىچە توردا تىزىملىتىش، سالاھىيەت تەكشۈرۈش ۋە ئىمتىھان مەيدانىنى ئورۇنلاشتۇرۇش خىزمىتى ئاياغلاشتى

ئاپتونوم رايونىمىزنىڭ 2013- يىللىق ئادەتتىكى ئالىي مەكتەپلەرگە ئوقۇغۇچى قوبۇل قىلىش ئىمتىھانى بويىچە توردا تىزىملىتىش، سالاھىيەت تەكشۈرۈش ۋە ئىمتىھان مەيدانىنى ئورۇنلاشتۇرۇش خىزمىتى ئوڭۇشلۇق ئاياغلاشتى. ئىستاتىستىكا قىلىنىشىچە، بۇ يىل، ئاپتونوم رايونىمىزدىن 158 مىڭ 700دىن ئارتۇق ئوقۇغۇچى  2013- يىللىق ئادەتتىكى ئالىي مەكتەپلەرگە ئوقۇغۇچى قوبۇل قىلىش ئىمتىھانىغا قاتنىشىشقا تىزىملاتقان بولۇپ، تىزىملاتقانلار سانى بۇلتۇرقىدىن 4 مىڭدىن كۆپرەك ئاشقان.
ئىستاتىستىكا قىلىنىشىچە، ئاپتونوم رايونىمىزدىن بۇ يىللىق ئادەتتىكى ئالىي مەكتەپلەرگە ئوقۇغۇچى قوبۇل قىلىش ئىمتىھانىغا قاتنىشىشقا تىزىملاتقانلار ئىچىدە، ئىجتىمائىي پەن ئوقۇغۇچىلىرى 54 مىڭ 600دىن كۆپرەككە، تەبىئىي پەن ئوقۇغۇچىلىرى 99 مىڭ 100دىن كۆپرەككە، 3 خىل مەكتەپ ئوقۇغۇچىلىرى 5 مىڭدىن كۆپرەككە يەتكەن.