ئامېرىكىنىڭ بىر شىركىتى شېنجىندا ئالما ، فۇشىكاڭ قاتارلىق ئالتە شىركەتنىڭ ئۈستىدىن ئەرز قىلىپ 100 مىليون يۈەن تۆلەم تەلەپ قىلغان .

GPNE دېيلىدىغان ئامېرىكا شىركىتى پاتېنت ھوقۇقىنى سەۋەب قىلىپ 6شىركەتنى سوتقا تارتقان بولۇپ 100 مىليون يۈەن تۆلەم تەلەپ قىلغان. تۈنۈگۈن بۇ دېلوغا شېنجىن شەھەرلىك ئوتتۇرا سوت مەھكىمىسى تەرىپىدىن سوت ئېچىلغان، بىراق ھۆكۈم ئېلان قىلىنمىغان .

GPNE شىركىتىنىڭ دېيىشىچە ، بۇ شىركەتنىڭ ‹‹چاقىرىش ئۇسۇلى ۋە قۇرۇلمىسى›› دېيىلىدىغان پاتېنتى بار بولۇپ 2001-يىلى 4-ئاينىڭ 11-كۈنى پاتېنت ھوقۇقىغا ئېرىشىلگەن . GPNE شىركىتى نۆۋەتتە ئالما شىركىتى ، ئالما كومپېيوتېر سودا شاڭخەي چەكلىك شىركىتى، خوڭ فۇ جىن نەپىس سانائەت شېنجىن چەكلىك شىركىتى، فۇ شىكاڭ نەپىس زاپچاس شېنجىن چەكلىك شىركىتى، جۇڭگو بىرلەشمە خەۋەرلىشىش شىركىتى قاتارلىق 6 شىركەتنىڭ ئۈستىدىن ئەرز قىلغان. بۇ شىركەتنىڭ دېيىشىچە ئالما شىركىتى ۋە جۇڭگو بىرلەشمە خەۋەرلىشىش شىركىتى ساتقان iPhone قاتارلىق 7 خىل تىپتىكى يانفۇننىڭ ئۆزىنىڭ پاتېنتىغا دەخلى-تەرۇز قىلغان .

GPNE شىركىتى بۇ جاۋابكارلاردىن دەرھال iPhone يانفۇنىنى ياساش ، سېتىش ، ئىمپورت قىلىشنى توختىتىشنى ، ئامباردىكى تەلەپ قىلغان پاتېنتىقا دەخلى-تەرۇز قىلغان مەھسۇلاتلار ۋە پاتېنتىقا دەخلى-تەرۇز قىلغان مەھسۇلاتلارنىڭ مەخسۇس مودىلى ۋە ئۈسكۈنىلەرنى بۇزۇۋېتىشنى تەلەپ قىلغان .

جۇڭگو بىرلەشمە خەۋەرلىشىش شىركىتى، ئالما شىركىتى ، ئالما كومپېيوتېر سودا شاڭخەي چەكلىك شىركىتىنىڭ پاتېنتىقا دەخلى-تەرۇز قىلغان ئۇسۇللارنى توختىشىشنى تەلەپ قىلغان . ئالما شىركىتى ، ئالما كومپېيوتېر سودا شاڭخەي چەكلىك شىركىتىدىن 95مىليون يۈەن تۆلەم تەلەپ قىلغان . خوڭ فۇ جىن شىركىتى، خوڭ خەي شىركىتى ، فۇ شىكاڭ شىركىتى ، جۇڭگو بىرلەشمە خەۋەرلىشىش شىركىتىدىن بىر مىليون يۈەن تۆلەم تەلەپ قىلغان.