چەتئەل تاراتقۇلىرىنىڭ خەۋەر قىلىشىچە، مىكروسوفت يېقىندا surface2 تاختا كومپيۇتېرى بەزى ئەپلەرنى ئىجرا قىلغان ۋاقىتتا ئېكرانى بىر ئاز قاراڭغۇلىشىۋېلىش كاشىلىسىنى كۆرۈلگەنلىكىنى بىلدۈرگەن.

بۇ مەسىلە ئەڭ دەسلەپتە مىكروسوفت تېخنىكا مۇلازىمەت مۇنبىرىدە ئاشكارىلانغان، بەزى surface2ئىشلەتكۈچىلەر بۇ تاختا كومپيۇتېردا ئويۇن ئوينىغاندا بۇ ئۈسكۈنىنىڭ تېمپېراتۇرىسىنىڭ يۇقىرىلاپ كېتىدىغانلىقىنى ئارقىدىنلا ئېكرانىنىڭ قاراڭغۇلىشىۋالىدىغانلىقىنى ئىنكاس قىلغان .

بىر ئىشلەتكۈچى مۇندا دېگەن : «مەن مىكروسوفت surface2 تاختا كومپيۇتېرنى ئىشلىتىۋاتقىلى بىر ھەپتىدىن ئاشتى، باشقا ئەھۋاللارنىڭ ھەممىسى ناھايىتى ياخشى، لېكىن مەن Helo : spartan Assault ئويۇنىنى ئوينىغاندا بۇ ئۈسكۈنە بەزى ۋاقىتتا قىزىپ كېتىدۇ، تېمپېراتۇرىسىنى تۆۋەنلەتكەندىن كېيىن ئاندىن ئويۇننى ئوينىغىلى بولىدۇ».

مىكروسوفت مۇنبىرىدە يەنە كۆپلىگەن ئىشلەتكۈچىلەر مۇشۇنىڭغا ئوخشاش مەسىلىنى ئىنكاس قىلغان، ئارقىدىنلا مىكروسوفت تېخنىكا ۋەكىلى شىركەتنىڭ تەكشۈرۈش ئارقىلىق بۇ كاشىلىنىڭ مەۋجۇت ئىكەنلىكىنى جەزملەشتۈرگەنلىكنى، مۇناسىۋەتلىك خادىملارنىڭ بۇ ئىشنى ھەل قېلىۋاتقانلىقىنى بىلدۈرگەن .«surface2 تاختا كومپيۇتېرىدا ئۇزۇن ۋاقىت ئويۇن ئوينىغاندا ياكى CPU غا بولغان تەلىپى يۇقىرى مەشغۇلاتلارنى قىلغاندا ئۈسكۈنىنىڭ تېمپېراتۇرىسى ئۆرلەپ كېتىپ ئېكرانى ئازراق قاراڭغۇلىشىش مەسىلىسى كۆرۈلگەن » دېدى بۇ تېخنىكا ۋەكىلى .

بۇ تېخنىكا ۋەكىلىنىڭ ئېيتىشىچە، بۇ ھەسىلىنىڭ ھەل قىلىنىش ئۇسۇلى ئىشلەتكۈچىلەرگە يېڭىلانما تارقىتىش ئارقىلىق بولىدىكەن، لېكىن يېڭىلانمىنىڭ ئېلان قىلىنىش ۋاقتىغا ھازىرلىقچە بىرنەرسە دېگىلى بولمايدىكەن ئۇ يەنە بۇ خىل كاشىلىغا يولۇققانلارغا surface2 قىزىپ كەتكەندە ئاۋۋال بىرەر مىنۇت ئەتراپىدا ئۈسكۈنىنىڭ تېمپېراتۇرىسىنى تۆۋەنلىتىپ ئاندىن ئىشلىتىپ تۇرۇش تەكلىپىنى بەردى.