بەيدۇنى ئېچىپ، ماۋۇ يەتتە خىل سۆزنى ئىزدەپ كۆرۈڭ
بەيدۇنى ئاچسىڭىزلا، ھەممىنى بىلىسىز! مانا بۇ بەيدۇنىڭ ئېلان سۆزى. بەيدۇ كۆپلىگەن تورداشلارنىڭ ئىزدەشتىكى بىرىنچى تاللىشى، ئۇنىڭ ئۈستىگە، بەيدۇنىڭ ئىزدەش ساھەسىدىكى ئەمەلىي كۈچىمۇ ناھايىتى يۇقىرى بولۇپ، بىزنىڭ ئىھتىياجىمىزنى ياخشى قاندۇرالايدۇ. بەزىدە، بەيدۇنىڭ ئىزدەش ئىقتىدارى شۇنچە كۈچلۈك ئىكەنكى، ئۇ ھەتتا سىزنىڭ نېمە ئىزدەۋاتقانلىقىڭىزنى بىلىپ، سىزگە شۇ نەرسىنى تېخىمۇ ئوبرازلىق ئۇسۇلدا نامايەن قىلىپ بېرەلەيدۇ! تۆۋەندە بەيدۇغا ئىشلىتىلىدىغان بىر قىسىم ئالاھىدە «ھالقىلىق سۆزلەر» نى كۆپچىلىككە تونۇشتۇرىمىز، تورداشلار زېرىكىپ قالغان چاغلىرىدا، بۇ سۆزلەرنى ئىزدەش ئارقىلىق كۆڭلىنى خۇش قىلىپ يۈرسىمۇ بولىدۇ. 1. بەيدۇ ئارقىلىق «قارا ئۆڭكۈر» يەنى 黑洞 دىگەن سۆزنى ئىزدەپ بېقىڭ. تاس قالدىم ھوشۇمدىن كەتكىلى! راستىنلا بىر قارا ئۆڭكۈر پەيدا بولدىغۇ…ھەقىقەتەن ئادەمنى قورقۇتالايدىكەن.
2. بەيدۇ ئارقىلىق «ئايلىنىش» يەنى 旋转 دىگەن سۆزنى ئىزدەپ بېقىڭ. بۇ چاغدا بەيدۇ تور بېتى 360 گىرادۇس پىرقىراپ ئاندىن ئۆز ئەسلىگە كېلىدىكەن. ئايلىنىش دىگەننى مۇشۇنداق ئوبرازلىق چۈشەندۈرسە نېمە دىگەن ياخشى ھە!
3. بەيدۇ ئارقىلىق «ئاغدۇرۇش» يەنى 翻转 دىگەن سۆزنى ئىزدەپ بېقىڭ. بۇ چاغدا بەيدۇ تورى تەتۈرىسىگە بولۇپ قالىدىكەن، نېمە دىگەن پەيزى!
4. بەيدۇ ئارقىلىق «تىترەش» يەنى 抖动 دىگەن سۆزنى ئىزدەپ بېقىڭ. بەلكىم بۇ چاغدا سىز كومپىيۇتېرىم تىترەپ كېتەرمۇ دەپ ئويلاپ قالغان بولۇشىڭىز مۇمكىن…لىكىن تىترەيدىغىنى كومپىيۇتېر ئەمەس، بەلكىم تور بەت.
5. بەيدۇ ئارقىلىق «چايقاپ باقاي» يەنى 摇一摇 دىگەن سۆزنى ئىزدەپ بېقىڭ. ئۈندىداردىكى «چايقاپ باقاي» دىگەن ئىقتىدارنى ئىشلىتىپ باققانمۇ؟ شۇنىڭغا ئوخشاپ قالىدۇ.
6. بەيدۇ ئارقىلىق «سەكرەش» يەنى 跳跃 دىگەن سۆزنى ئىزدەپ بېقىڭ. سەكرەش دىگەن سۆزنىمۇ ئىزدەپ يۈرگەن بارمۇ؟ مانا، ئىزدىگەنگە تويۇڭ. بەيدۇ سىزگە سەكرەشنىڭ قانداق بولىدىغانلىقىنى ئۈگىتىپ قويىدۇ.
7. بەيدۇ ئارقىلىق «چاقماق چېقىش» يەنى 打雷 دىگەن سۆزنى ئىزدەپ بېقىڭ. ماۋۇ ھەقىقەتەن ئادەمنى ھەيران قالدۇرىدۇ، راستىنلا چاقماق چاقىدىكەن ئەمەسمۇ؟ بەيدۇنىڭ ئوبرازلىق ئىپادىلەش ئۇسۇلى ھەقىقەتەن قالتىسكەن!
بەلكىم بەيدۇدا بىز تېخى بىلمەيدىغان باشقا ئالاھىدە سۆزلەر كۆپ بولۇشى مۇمكىن، بولمىسا، ھەممەيلەن بىرلىكتە قېزىپ باقايلى!
