بۇرنىغا تايىنىپ پۇل تېپىش. 

چارلى ئىسىملىك بىر ئامېرىكىلىق يىگىت بۇرنىنىڭ پۇراش سېزىمىنىڭ تولىمۇ ئۆتكۈرلىكىنى ھېس قىلغاندىن كېيىن، بۇ خىل ئالاھىدىلىكىنى مەخسۇس يېتىشتۈرمەكچى بوپتۇ. ئۇ دائىم رەزىنكە، خروم ئاياغ، ھايۋانلارنىڭ ئىچكى ئەزالىرى قاتارلىق غەيرىي پۇراق ھاسىل قىلىدىغان نەرسىلەرنى ئوتقا تاشلاپ، تۈرلۈك پۇراقلارنى پەرق ئېتىشنى مەشق قىپتۇ، بۇنىڭ بىلەن ئۇنىڭ پۇراش سېزىمى تېخىمۇ ئۆتكۈرلىشىپتۇ، شۇنىڭ بىلەن ئۇنى پۇراقلارنى پەرقلەندۈرۈپ بېرىشكە تەكلىپ قىلغانلارمۇ كۆپىيىپتۇ، شۇڭا، چارلى پۇراق ئايرىش شىركىتىدىن بىرنى قۇرۇپتۇ.

ئۇ ئاساسلىقى خېرىدارلارغا تۈرلۈك پۇراقلارنى ئايرىپ، مۇشۇ پۇراقنى چىقارغان نەرسىنى تېپىپ، شۇ ۋەجىدىن كېسەلگە گىرىپتار بولغۇچىلارنىڭ داۋا تېپىشىغا ياردەم قىلىدىكەن، ياكى پۇراقنى پەرقلەندۈرۈش ئارقىلىق دەلىل- ئىسپات توپلاپ، دېلو پاش قىلىپ، جىنايەتچىنى تۇتۇشقا يادەم قىلىدىكەن. بۇنداق ئىقتىدارغا ئىگە بولغۇچىلار كەمدىن- كەم ئۇچرىغاچقا، چارلىنىڭ شىركىتى بىلەن رىقابەتلىشىدىغانلار يوق ئىكەن، شۇڭا ئۇنىڭ يىللىق تىجارەت سوممىسى 1 مىليون 500 مىڭ دوللارغا يېتىدىكەن.
دېمەك، ئۆزىڭىزنى توغرا تۇنىسىڭىز، شەخسىي ئالاھىدىلىكمۇ سودا پۇرسىتى ئېلىپ كېلىدۇ.

بىر ئاياغ زاۋۇتىنىڭ خوجايىنى بازارنى كېڭەيتىش ئۈچۈن، بىر كەسپىي خادىمنى ئافرىقىنىڭ بىر قەبىلە رايونىغا تەكشۈرۈشكە ئەۋەتىپتۇ.

ھېلىقى خادىم مەنزىلگە يېتىپ كەلگەندىن كېيىن، بازارنى ئايلىنىپ يەرلىكلەرنىڭ ئاياغ كىيمەيدىغان ئادىتى بارلىقىنى بايقاپتۇ. ئۇ مېھمانخانىغا قايتىپ كېلىپ خوجايىنىنىغا "بۇ يەردىكى كىشىلەرنىڭ ھەممىسى يالاڭ ئاياغ يۈرۈيدىكەن، ئاياغ ساتقىلى بولمىغۇدەك، بازار ئېچىش مۈمكىن ئەمەسكەن" دېگەن مەزموندا تېلېگىرامما يوللاپتۇ.

خوجايىن تېلېگىراممىنى تاپشۇرۇۋالغاندىن كېيىن، كۆڭلىدە يەنىلا تەن بەرگۈسى كەلمەي، يەنە بىر خادىمنى بازار تەكشۈرۈشكە ئەۋەتىپتۇ. بۇ خادىم شۇ جايغا بارغاندىن كېيىن، كىشىلەرنىڭ يالاڭ ئاياغ يۈرگەنلىكىنى كۆرۈپ ئىنتايىن خوشال بولۇپتۇ. ئۇ دەرھال خوجايىنغا:بۇ يەردىكى كىشىلەرنىڭ ھەممىسى يالاڭ ئاياغ يۈرۈيدىكەن. بازارنىڭ يوشۇرۇن كۈچى زور ئىكەن، بازار ئېچىشىمغا ئازراق ئاياغ ئەۋەتكەن بولسىڭىز، دەپ تېلېفون بېرىپتۇ.
بۇ خادىمنىڭ تىرىشچانلىق كۆرسىتىشى بىلەن بازار ئېچىش مۇۋەپىقىيەتلىك بولۇپتۇ، كېيىن بۇ ئاياغ زاۋۇتى ئاشۇ جايدا نەچچە مىليون جۈپ ئاياغ سېتىپ، كۆپ پايدا ئاپتۇ، بازارنىمۇ مۇقىم ئىگىلەپتۇ. باشقا ئاياغ زاۋۇتلىرى بۇنى ئاڭلاپ تاپ بېسىپ كەلگەن بولسىمۇ، ئۇلار كېچىكىپ قاپتۇ.

دېمەك، تىجارەتچى تىجارەت جەريانىدا بەزىدە قىلماچى بولغان ئىشنىڭ ئىستېمالچىلارنىڭ ئېھتىياجىغا ماسلىشىش ئەمەس، ئىستېمالچىلانىڭ ئېھتىياجىنى ئۆزگەرتىش ئىكەنلىكىنى بىلىشى كېرەك، شۇنداق قىلغاندىلا، تېخىمۇ كەڭ بازار ئاچقىلى بولىدۇ.

لەگلەك تورى ئۈندىدار سالونىنى قۇشىۋېلىڭ ،ئىزدەش نامى : LEGLEK