جۇڭگو ئاخبارات تورى خەۋىرى، نۇر تورى تەرجىمىسى:

فىرانسىيە ئاخبارات ئاگېنىتلىقىنىڭ خەۋىرىگە قارىغاندا، گېرمانىيەنىڭ ئىستانبۇلدا تۇرۇشلۇق كونسۇلخانىسى شۇ يەر ۋاقتى 17-چېسلا مۇنۇلارنى بىلدۈرگەن: شۇ كۈنى گېرمانىيەنىڭ تۈركىيە چېگراسى ئىچىدىكى دىپلوماتىيە ئورگىنى ۋە بىر مەكتىپى بىخەتەرلىك تەھدىتىگە ئۇچرىغان بولغاچقا، بىر كۈن تاقالدى.

خەۋەردە ئېيتىلىشچە، بۇنىڭدىن بۇرۇن تۈركىيە پايتەختى ئەنقارە ئۆزىنى ئۆلتۈرۈۋېلىش خارەكتېرلىك ماشىنا بومبىسىنىڭ ھۇجۇمىغا ئۇچرىغان، ھۇجۇم قىلىش ۋەقەسىدە 35 ئادەم قازا قىلغان.

گېرمانىيە كونسۇلخانىسى ئۆزىنىڭ تور بېكىتىدە بىر پارچە بايانات ئېلان قىلىپ مۇنداق كۆرسەتكەن: بۇنىڭدىن ئىلگىرى يۈز بەرگەن پارتىلىتىش ھۇجۇمى ۋە بۇ قېتىم پەيدا بولغان بىخەتەرلىك تەھدىتىدىن كېيىن، گېرمانىيە دەرھال تۈركىيە چېگراسى ئىچىدىكى بىر مەكتەپ ۋە گېرمانىيەنىڭ دىپلوماتىيە ئورگىنىنى ئوخشاش شۇ كۈنى، تۈركىيەدە جانلىق ھەرىكەت ئېلىپ بېرىۋاتقان قوراللىق تەشكىلات كورد ئەركىنلىك بۈركۈتى ئۆزىنىڭ تور بېكىتىدە بايانات ئېلان قىلىپ مۇنداق دېگەن: بىز يېقىندا ئەنقەرەدە يۈز بەرگەن ئۆزىنى ئۆلتۈرۈۋېلىش خارەكتېرلىك بومبا ھۇجۇمى ۋەقەسىگە مەسئۇل بولىمىز. 

بۇ تەشكىلاتنىڭ دېيىشىچە، بۇ قېتىملىق ماشىنا بومبىسى ھۇجۇمى بىر قېتىملىق «ئۆچ ئېلىش ھەرىكىتى» ھېسابلىنىدىكەن، يەنى تۈركىيە بىخەتەرلىك قىسمىنىڭ بۇلتۇر 7-ئايدىن بۇيان تۈركىيەنىڭ شەرقىي جەنۇبىدىكى كوردلار توپلىشىپ ئولتۇراقلاشقان رايوندا ئېلىپ بارغان ھەربىي ھەرىكىتىدىن ئۆچ ئېلىش ئىكەن. تۈركىيە بىخەتەرلىك قىسمىنىڭ ھەرىكىتى نەچچە يۈزلىگەن ئامما، قوراللىق قىسىمنىڭ ئەزالىرى ۋە قوراللىق ئۇنسۇرلارنىڭ ئۆلۈشىنى پەيدا قىلغان.

كورد ئەركىنلىك بۈركۈتى تەشكىلاتى مۇنداق دېگەن: يەكشەنبە كۈنىدىكى ھۇجۇمنىڭ نىشانى بىخەتەرلىك قىسمى، ھەرگىزمۇ پۇقرالار ئەمەس، ئەمما ساقچىلار بۇ ئىشقا ئارىلاشقانلىقتىن نۇرغۇنلىغان پۇقرالار قازا قىلدى. بىزنىڭ كەلگۈسىدە قوزغايدىغان ھۇجۇملىرىمىزدا پۇقرالارنىڭ قازا قىلىشىدىن ساقلىنالمايمىز.