جاھان ئاگېنتلىقى 19-ئاۋغۇست خەۋىرى؛ لەگلەك تورى تەرجىمىسى: ئىراق كۈرت ئاپتۇنۇم رايۇنلۇق ھۆكۈمىتى، ئىراقنىڭ سابىق باش مىنىستىرى نۇرى مالىكىنىڭ مۇسۇلغا ئالاقىدار قىلغان سۆزىگە رەددىيە بېرىپ،« سابىق باش مىنىستىر مالىكىنىڭ سۆزىنىڭ ئاساسى يوق، ئەمەلىيەتتىن يىراق. مۇسۇل رايۇنىنىڭ قولدىن كېتىشىگە ئەسلىدە مالىكى مەسئۇل، مالىكى بۇ سۆزى ئارقىلىق ئۆزىنى مەسئۇلىيەتتىن قاچۇرماقچى» دېدى.
ئىراق كۈرت ئاپتۇنۇم رايۇنى باشلىقى مەسئۇد بارزانى تەرىپىدىن ئېلان قىلىنغان يازما باياناتتا، مالىكىنىڭ كۈرت ھۆكۈمىتى ۋە تۈركىيەگە ئالاقىدار قىلغان سۆزلىرىنىڭ ئاساسى يوقلىقى، مالىكىنىڭ مۇسۇلنىڭ ئىراق ھۆكۈمىتىنىڭ قولىدىن ئەسەبىي تەشكىلاتنىڭ قولىغا ئۆتۈپ كېتىشىگە سەۋەبچى ئىكەنلىكى ئېيتىلغان.
مالىكى ئاساسسىز بايانات ئېلان قىلىپ، مۇسۇل رايۇنىنىڭ قولدىن كېتىشى كۈردىستان رايۇنى ۋە تۈركىيە ھۆكۈمىتىنىڭ بىرلىكتە پىلانلىشى ئارقىلىق بولغاندەپ تۆھمەت توقۇغان.
باياناتتا، مالىكىنىڭ مۇسۇل رايۇنىنىڭ قولدىن كېتىشى ۋە خاتا سىياسەت قوللانغانلىقىدىن ئەسەبىي تەشكىلاتقا پۇرسەت ياراتقانلىقى تەكىتلەندى، باياناتتا يەنە مۇنداق دېيىلدى؛ «مالىكى خاتا سىياسەت قوللىنىپ ئىراقتا ئەسەبىي تەشكىلاتقا پۇرسەت ياراتقان. مالىكى بارزانىنىڭ بۇ ھەقتىكى ئەسكەرتىشىگە پىسەنت قىلمىدى. شۇڭلاشقا مۇسۇلنىڭ قولدىن كېتىشىگە سەۋەب بولدى. كۈردىستان رايۇنى پەشمەرگە قىسىملىرى تېرورچىلارغا قارشى ئالدىنقى سەپتە كۈرەش قىلماقتا».
مالىكى ئىران پايتەختى تېھراندىكى بىر مېھمانخانىدا روسىيە «» ئاگېنتلىقىغا سۆز قىلىپ، ؛ «تۈركىيە ئەسەبىي تەشكىلاتنى ۋە ئەل قائىدە تەشكىلاتىنى قوللايدىغان دۆلەتلەردىن بىرى. ئەگەر تۈركىيە ۋە سەئۇدى ئەرەبىستان بولمىغان بولسا سۇرىيە ۋەزىيتى بۇنداق بولمىغان بولاتتى.»
تۈركىيە تاشقى ئىشلار مىنىستىرلىكى باياناتچىسى تانجۇ بىلگىچ مالىكىنىڭ تۈركىيەگە قارشى توقۇغان بۆھتانلىرىغا قارىتا، مالىكىنىڭ جىنايەت تۇيغۇسى ئىچىدىكى ئالجىشلىرى پەرۋا قىلىشقا ئەرزىمەيدۇ. دېدى