–ئىيۇن ، مۇخبىرنىڭ شىنجاڭ يېقىلغۇ گاز (گۇرۇھى) چەكلىك شىركىتىدىن ئىگىلىشىچە ، ئۈرۈمچى شەھىرىدە تەخمىنەن 270 مىڭ گاز باكى ئابۇنتلىرى بار بولۇپ ، نۆۋەتتە بازاردا ئوبوروت بولۇۋاتقان بۇ 200 مىڭدىن ئارتۇق گاز باكىنىڭ 100 نەچچە مىڭىنىڭ ئىشلىتىلىش ۋاقتى ئېشىپ كەتكەن . مارتتا گاز باكى بازىرىدا مەخسۇس تۈزەش ئېلىپ بېرىلغاندىن كېيىن ، شىنجاڭ يېقىلغۇ گاز (گۇرۇھى) چەكلىك شىركىتى يىغىۋالغان بىراك قىلىنىدىغان گاز باكلىرى 110 مىڭغا يەتكەن . شۇنىڭ بىلەن بىرگە ، كۇنلۈن يېقىلغۇ گاز شىركىتىمۇ قىسمەن بىراك قىلىنىدىغان گاز باكلىرىنى يېغىۋالغان . بۈگۈنكى كۈنگە كەلگەندە، ئەركىن بازاردا ئوبوروت بولۇۋاتقان لاياقەتلىك گاز باكلىرى 63 مىڭ ئىكەن . شەھەر ئاھالىلىرىنىڭ گاز ئىشلىتىش بىخەتەرلىكىگە كاپالەتلىك قىلىش ئۈچۈن ، شىنجاڭ يېقىلغۇ گاز (گۇرۇھى) چەكلىك شىركىتى لاياقەتلىك گاز باكلىرىغا ‹‹ كىملىك ›› ئورنىتىدىكەن . 

ئالاقىدار خادىمنىڭ تونۇشتۇرۇشىچە ، گاز باكلىرىغا كىملىك ئورنىتىلغاندىن كېيىن ، شەھەر ئاھالىلىرى كىملىك ئارقىلىق گاز باكىنىڭ نەدىن كەلگەنلىكىنى بىلەلەيدىكەن ، شۇ ئارقىلىق گاز باكلىرىنىڭ بازاردا ئوبوروت بولۇشى يوقىتىلىپ ، گاز ئىشلىتىش بىخەتەرلىكىگە كاپالەتلىك قىلغىلى بولىدىكەن . لاياقەتلىك گاز باكلىرى ۋە بىراك قىلىنىدىغان گاز باكلىرىنىڭ كىملىكتىن باشقا يەنە بىر پەرقى ، لاياقەتلىك گاز باكلىرىنىڭ قوغداش قاپقىقى بىلەن باك گەۋدىسى تۇتاشقان بولىدىكەن ، بىراك قىلىنىدىغان باكلارنىڭ بولسا بۇرما مىقتا تۇتۇشتۇرۇلغان ئىكەن . بۇنىڭدىن كېيىن گاز باكىغا يەنە تاياق كود، چىنلىق بەلگىسى ئورنىتىلىپ، يېقىلغۇ گاز شىركىتى بىلەن ئاھالىلەرنى تۇتاشتۇرۇشنى ئىشقا ئاشۇرىدىكەن.