جەنۇبىي ئافرىقىنىڭ كاپېتوۋن شەھىرىدە ئىمزامو يېتخو دەيدىغان بىر كەنت بار ، كىشىلەر بۇ كەنتنى ‹‹ كەمبەغەللەر كەنتى›› دەپ ئاتىشىدۇ . بۇ كەنتتە تەخمىنەن 33 مىڭ 600 ئاھالە بار بولۇپ ، ئاساسەن ئۆزلىرى سېلىۋالغان كەپىدە ياشايدۇ . بۇ كەنتتە ئاساسىي ئەسلىھە ، سۇ ئىنشائاتى دېگەندەكلەر بولمىسىمۇ ، ساياھەتچىلەر ئۇلارنىڭ كۈندىلىك تۇرمۇشىغا بەكمۇ قىزىقىدۇ . يەرلىكلەر ساياھەتچىلەرنى بالىلار باغچىسى ، ساتىراچخانا ، ئاپتوموبىل دۇكىنى ، دارىلئېتام ، مىلىچمال دۇكىنى ۋە مەيخانىلارنى ئېكىسكۇرسىيە قىلىش مۇلازىمىتى بىلەن تەمىنلەيدۇ ، ئۇلارغا بۇ يەرنىڭ ئەھۋاللىرىنى تونۇشتۇرىدۇ ، ئۆيلىرىگە تەكلىپ قىلىپ ئۆزلىرى ياسىغان زىبۇ-زىننەتلەرنى ساتىدۇ .