سىستېما دەرىجىسىنى يۇقىرى كۆتۈرۈش سەۋەبىدىن، شىنجاڭ يېقىلغۇ گاز گۇرۇھى مۇشۇ ھەپتىنىڭ ئاخىرى (11-ئاينىڭ 28-كۈنى سائەت نۆلدىن 11-ئاينىڭ 29-كۈنى سائەت 24 كىچە) ئىككى كۈن گاز سېتىشنى توختىتىدىكەن.     11-ئاينىڭ 24-كۈنى، مۇخبىرلارنىڭ شىنجاڭ يېقىلغۇ گاز گۇرۇھىدىن ئەھۋال ئىگىلىشىچە، بۇ مەزگىلدە قاراماي شەرقىي كوچىسى شىمالىي تار كوچىسى 120-نومۇرلۇق شىنجاڭ يېقىلغۇ گاز گۇرۇھى خېرىدارلار مۇلازىمەت زالىدىن باشقا، باشقا تەۋەلىكتىكى تەبئىي گاز تارماق شىركىتى مۇلازىمەت زالى ۋە شەھەرلىك سودا بانكىسىغا قاراشلىق تور نۇقتىسى (سودا بانكىسى ATM، مېيرى مېييې POS ماشىنىسىنىمۇ ئۆز ئىچىگە ئالىدۇ) دا گاز سېتىش توختىتىلىدىكەن.

   شىنجاڭ يېقىلغۇ گاز گۇرۇھى تەبئىي گاز ئىشلىتىدىغان كەڭ ئابونتلارنى «ئۆيىدە تەبئىي گاز تۈگىگەن بولسا 25-نويابىردىن 27-نويابىرغىچە بېرىپ گاز سېتىۋېلىشقا» ئەسكەرتكەن.

   سىستېما دەرىجىسىنى ئۆستۈرۈش مەزگىلىدە، شىنجاڭ يېقىلغۇ گاز گۇرۇھى ئابونتلار مۇلازىمەت زالى (ھەر كۈنى سائەت 10:00 دىن 19:00 غىچە) جىددىي ئەھۋالدىكى گاز سېتىش كۆزنىكى تەسسىس قىلىپ، ئابونتلارنىڭ گاز سېتىۋېلىش ئېھتىياجىنى قاندۇرىدىكەن.

   ئىگىلىنىشىچە، بۈگۈن، ئەتە ئىككى كۈن ئىچىدە، يېڭى ئابونتلارنىڭ تەبئىي گاز تۇرۇبىسىنى ئۇلاپ بېرىش ئۈچۈن، شىنجاڭ يېقىلغۇ گاز گۇرۇھىنىڭ لىيۈشەن يولى ۋە خېبېي يولىدا گاز توختىتى قۇرۇلۇش مەشغۇلاتىنى باشلايدىغان بولۇپ، تەبئىي گاز ئىشلەتكۈچىلەرنىڭ گاز توختاش تەييارلىقىنى ياخشى ئىشلىشى تەۋسىيە قىلىنغان.

   11-ئاينىڭ 25-كۈنى سائەت 15:00 تىن 18:00 گىچە لىيۈشەن يولىدا گاز توختايدىكەن.

   11-ئاينىڭ 26-كۈنى سائەت 15:00 تىن 18:00 گىچە خېبېي يولىدا گاز توختايدىكەن.

   ئەگەر سوئال بولسا شىنجاڭ يېقىلغۇ گاز گۇرۇھى خېرىدارلار مۇلازىمەت قىزىق لىنىيەسى 96517 غا تېلېفۇن ئۇرسا بولىدىكەن.